اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
•••
'صحى من نومه على صوت رنة جواله استغرب لكن سرعان ماسمع صوت
الشخص:'السلام عليكم الأخ قُصي راجح احمد الحربي
استغرب بطلنا وزاد فضوله.
قُصي:'ايوه معك قُصي
الشخص:'عظم الله اجرك اليوم توفى ابوك في حادث شنيع في طريق...* ـــــــــــــــــــــــــــــــــــــــــــــ سمعت صوت الرجال يقول عظم الله اجرك في ابوك ما بكذب عليكم لكن ماحزنت حاولت ادور اي شعور وقتها لكن ماش استغربتو صح حتى انا.
صح بتحسوني غريب كيف ابن ما يحزن على ابوه لكن هذا الواقع.
صار العزا في بيت مرت ابوي. مرت ايام العزا الثلاث والناس تعزيني وانا اسلك لهم وهناك شفت تمثيليات اخواني وزوجة ابوي الرخيصه ومتأكد انهم منتظرين الورث بس يتقسم..رجعت البيت بعد يوم مرهق وطويل مع اني ماسويت شي ههه غريب صح.
اخذت لي اجازه ثلاث ايام من المدرسه قلك عشان تروح صدمة وفاة ابوي ونا لو ابي اداوم لكن وشفيها لو سحبنا ثلاث ايام بسيطه دخلت البيت وتوجهت للسرير ونمت. ــــــــــــــــــــــــــــــــــــــــــــــ
مرت الثلاث ايام العزا وخلصت وقصي المهمل نفس روتينه الي عباره عن صلاه ونوم واكل جا وقت تقسيم الورث والصدمه الي ماتوقعها احد.
ــــــــــــــــــــــــــــــــــــ جتني صدمه وقت عرفت ان ابوي مسجل البيت الي يسكن فيه هو وزوجته وعياله لي حرفيا انصدمت كيف وليه؟
وهنا زوجة ابوي انهارت وعياله يقولون مو عدل ومدري وش ياخي يدزوون لو ابغى اطردهم ذحين طردتهم وقشيت عفشي ورحت لكن رحمتهم المساكين هههه استغفرالله... اوه نسيت اخوياي الجمعه الي صار عليها اسبوع واليوم دوام ياليل الحين بياكلوني
رحت البيت وقشيت عفشي... لا لا امزح اخذت لي ملابس ودخلت اتروش وخرجت بديت اشوف الدروس الي فاتتني وسبحان الله كنت مصحصح لمى فتحت الكتاب
جاني نوم اهم شي النوم صح؟ اجل بنام والباقي يحلها ربي. ـــــــــــــــــــــــــــــــــــــــــــــ صحيت على صوت المنبه وشفت الساعه 5:24 قمت صليت ولبست الثوب واخذت الكتب والله يعين عالتهزيئ الي بيجي من الاساتذه لأن كتبي حرفيا فاضيه وحنا بداية الترم الأول شغلت السياره ومشيت وطول الطريق اقرا اذكاري وادعي محد يهزئني مع انو عارف مابيحصلون فايده من هذرتهم وصلت المدرسه وحطيت السياره عجنب ومن ذحين افكر كيف انحاش من المدرسه بدون احد يقفطني شكلي ببحث في قوقل. ـــــــــــ 4:50.ص
