بوجهي حرفيا انصدمت وش صار في وجهي عيوني حُمر وانا توي صاحي وحول شفايفي سواد والهالات ظهورها تحت عيني يظهر ان وجهي بأكمله مِسود
تنهدت بضيق وفتحت المغسله وصرت اناظر كفيني بشرود
فجأه خطر على بالي اختي!قفلت المغسله بقوه بعد ما جتني لحظة ادراك للي قاله لي ابوي الظهر مشيت طالع من الحمام الله يكرمكم او بالأصح من الغرفه بأكملها تارك كل شي وراي وكل الي في بالي اختي!
وصلت غرفة ابوي وفتحت الباب بقوه والصدمه اني لقيت ابوي جالس على الكرسي وما تحرك ابدا لمى فتحت الباب والواضح انه شارد مشيت لمى وصلت عنده وناديته بصوت مليان قهر وغبنه
: يبه!
مارد علي ولازال شارد!لا مب معقول واضح بيجنني اليوم رجعت هزيته بقوه اكثر واخيرا التفت لي وحرفيا مافيه اي تعابير في وجهه!
:شفيك يامشاري
:عهد وينها
: قلت لك عند جدتها
:وشو يبه الي عند جدتها وليش اصلا وديتها
: قلت لك ماعاد اتحمل مسؤوليتها وهي بنت وكبرت وبيت جدتك كل الي حولها بنات احسن لها
:يبه وش الي تقوله انت مستوعب الي تقوله
صرخت في وجهه بقهر وهاذي اول مره اسويها وصراحه جاني تأنيب ضمير تعوذت من الشيطان و مشيت خارج من عنده متوجه لغرفتي واحس الدمعه عالطرف شوضعي صاير دلوع طنشت افكاري وشلت
الثوب الي تاركه علي من وقت الدوام دخلت تروشت وحرفيا من صدمتي من ابوي نسيت ان معي صداع خلصت ورحت راجع لغرفة ابوي مشيت من عنده دون اناظره واخذت مفتاح السياره من الطاوله
خرجت من البيت بأكمله وركبت السياره مشيت متوجه لبيت جدتي والمسافه تاخذ اربعين دقيقه الطريق خالي وماينسمع فيه اي صوت بحكم ان بيت جدتي بديره واخيرا بانت معالم الديره والاضواء
