رِواية قُصي

مُبعثر

•••
تجاهلو الاخطاء
قراءة مُمتعه

التفتو لمصدر الخطى، انخرشو وقامو كلهم من مكانهم مصدرين اصوات مزعجه

ايان:اعوذ بالله من الشيطان الرجيم

هادي:اللهم اسكنهم مساكنهم

كلهم ناظرو عزيز الي كان بعيد عنهم بمسافه شبه بسيطه قبل يغمي عليه

جسمه يتحرك لكنه مو واعي كأن جسمه الي يتحكم بكل شي منزل راسه للأرض ويالله يمشي خطوه وهو يترنح شافو العيال كيف حالته ملابسه متشققه ومن ساسه لراسه دم شعره مبعثر بأهمال ويتصبصب عرق يوضح مجاهدته وتعبه الي كان من فتره طويله

تقلبت ملامح العيال لما شافوه لقلق حسو انهم متلخبطين حسو بشعور العجز الي يجي بذي المواقف،

ماعاد يدرون وش يسوون او وش التصرف الصح بدا الشك يتسلل لقلوبهم

متعب:انس ولا جن

مارد عزيز الي منزل راسه ويسمع الصوت كصفير قوي يزعج دواخله، دقات قلبه تنبض بقوه وكأنها تستنجد فيه يخلصها من العذاب ولا هي راضيه باللي يصير،

جبينه بدا ينبض بعنف تارك صداع قوي يصيب عزيز وكأن قلبه ارسل اشارة لعقله عشان ينتقم له من عزيز بأرسال موجة صداع قويه بدون رحمه

ما طوّل وهو يتماسك تهاوى على ركبه فالأرض وطاح على جنبه الايمن عزيز ما استسلم لكن جسده قرر يخونه ويستسلم

انس:يعيال وش ذا شقاعد يصير من ذا!

هادي:انطم شوي

بدأ هادي يدقق في ملامح عزيز حس وضعه مشكوك فيه فهالبر ولا بني آدمي شافو،

فجأه يطلع لهم ذا من العدم ولاا حالته يُرثى لها ما تطمن للوضع وبدا يبان في عيونه الشك وطيف توتر وحيره ناظر في متعب كأنه يدور الحل عنده

متعب:يعيال مره واضح انه مو جني بطلو خوف

هادي:خلنا نساعده

مشو هادي ومتعب لعند عزيز الي ولا حاس بشي حوله والعيال وراهم يناظرون بتوتر وبعضهم جلس ويناظر كأن اشتغل قدامه فيلم