بارت جديد اتمنى يعجبكم وسامحوني على التقصير
اكتبولي رأيكم وملاحظاتكم
ولو فيه افكار حابين اضيفها قولولي عليها
نبدأ البارت يلا بينا
❤💚🌼💕🌹
فهد استنا يا فهد يركض ذلك الكائن الصغير هارباً من والدته بمؤخرة عارية وصوت ضحكاته وصياحه يملأ القصر ليجد نفسه معلقا في الهواء بين يدي عمه نور: إنت عامل دوشة ليه هيييه وبلبوصة كمان مش عيب فقال فهد الصغير: مس حيب نسلني ولا أتول لأبوك (مش عيب نزلني ولا أقول لأبوك) فقال نور: مش خايف أقول لعمك محمد يعاقبك على التوتة الحلوة دي فقالت هالة: يا شيخ خوفوا بحاجه يخاف منها بجد ملقيتش غير عمو محمد دة يبيع الدنيا ولا يزعلوش. فقال نور: ولاا مش عايز تلبس هدومك ليه فقال فهد الصغير بتذمر: هو واحت يحلفس آخد لاحتو في بيت ته (هو الواحد ميعرفش ياخد راحتو في البيت ده) لتعلو قهقهة الجد الذي كان قد خرج من المكتب منذ دقائق ولكنه كان يستمع إلى ذلك المتمرد القزم فقالت هالة: أنا آسفة ياجدو عالإزعاج دة فقال: الظاهر إن الجيل الجديد من عيلة الالفي واخد جينات عز في اللماضة.. ألبس يا ولد يلا فقال فهد الصغير: تيب متسوتش (طيب متزوقش) وانزله نور ليذهب إلى أمه: يلا يا مامتي فتحمله وتذهب. ليقول نور: جدو عايز اتكلم معاك في حاجه ممكن فقال: تعالا ودخلو إلى المكتب جلسا فقال شريف وهو يضع ساق على ساق كعادته: أتفضل.فقال نور وهو يعبث بأصابعه في توتر: جدو أنا مش عارف أبدأ أزاي.. بس انا جنا مش حاسس بيها فقال شريف: طبيعي لينظر نور إلى جده بدهشة: طبيعي يا جدو إني محسش بالحماس لوجودها زي محمد ومعتصم فقال شريف: وطبيعي كمان انك متتقبلهاش خالص.. هي عاشت معاكم أد إيه أصلا تلات شهور منهم شهر في الحضّانة يعني شهرين نور يا ابني مشاعرنا بالذات مينفعش تخضع لقوانين الاجبار مع الوقت هتتقبلها متقلقش فقال: يعني يا جدو أنا مش وحش فقال: إنتا بتكرهها فهز رأسه نفيا بشدة: لا والله أنا لا بكرهها ولا بحبها فقال شريف: يبقى خلاص فين المشكله. يلا يا أستاذ معندكش شغل ولا ايه فقال: لا يا جدو معنديش محاضرات في الجامعه النهارده
وهنزل الصيدلية بعد الضهر.انهى حديثه وقال متأملا.ً: جدو هو سارة،،، وسكت لم يستطع أن يكمل فقال الجد: سارة طموحة جدا يا نور ودماغها مش في موضوع الارتباط ده خالص وإنتا عارفني حاجتين مقدرش افرض فيهم رأيي على حد الجواز والتعليم فأومأ نور وقال: طموحها عالي لفين يعني هو أنا اللي هقف ضد طموحاتها دي.. عالعموم هي حرة أنا زهقت من الحوار كله. وقام إلى الخارج فزفر شريف في ضيق فهو يعلم كم يعشق نور إبنة خاله سارة وكم بذل من جهد كبير لنيل حبها ولكنها لا تراه بل ترى العمل ثم العمل ثم العمل فهي لم تنهي دراستها بعد وتدير مصنعا لصناعة السيارات بمفردها.
.
في مقر الشركة الأم كان معتصم يحتسي قهوته وهو منهمك بمراجعة بعض الأعمال فطرق الباب ودخلت سكرتيرته وهي تتغنج لعلها تلفت إنتباهه مع علمها أنه متزوج ولديه طفل لتقول بنعومة الافاعي: مستر معتصم الفايل اللي حضرتك طلبته فقال: حطيه هنا فقالت وهي تقترب منه بحجة أنها تضع الملف قربه: تؤمرني بأي حاجه تاني فقال معتصم بجدية: اتعدلي يا آنسة سهيلة لأحسن اعدلك بطريقتي لتستقيم وتخرج بخطى سريعة فمعتصم لديه لهجة جادة مخيفة ولكنه جذاب جدا وما إن خرجت حتى ضحك بشدة وقال: هالة روح قلبي ❤وأمسك بهاتف الشركة الثابت فهو يعلم أن هناك من يسترق السمع على محادثته: لاري أديني الهانم.. وحشتيني. اه بتوحشيني وانتي معايا ياقلبي.... بقولك ايه يا حبيبتي.. أعملي حسابك هنسهر سوا النهارده.... عاملك سربرايز اتمنى يا عشقي تعجبك.. بضحكتك دي هيقفشونا بفعل فاضح في التليفونات فهد مين اللي يسهر معانا.. لا لا هنزحلقو للدادة وجدو.. هالة بحبك ❤ ما تجيبي بوسة.. وحشني الهني موون وشقاوة الهني مون.. يا نهار ابيض على الجمال. لينتفض معتصم فزعا مغلقا الهاتف في وجه زوجته بعدما سمع صوت والده وهو يقول: أجبلكم اتنين لمون.. ببابا ههو حضرتك دخلت امتا قالها معتصم مرتبكا. فقال زين: من أول متجيبي بوسة يا واطي فقال معتصم: دي هالة والله فقال: معتصم الفايل بتاع مشروع الساحل الشمالي يكون عندي بعد ربع ساعه. وبلاش الكلام ده في الشركة عشان العصافير اظن فاهمني فقال معتصم ببلاهة: ما أنا عملت كدة عشان العصافير تتلم دي مش ناقص غير تتحرش بيا فنظر له زين وقال بإشمئزاز: لا مش معتصم ابني ده أبداً.. هو جنا عملت ايه فتجاهله وخرج..
في الفيوم في بيت متواضع كانت إمرأة اربعينية تستشيط غضباً وهي تتحدث: يعني البت طلعت بت ناس أكابر يما وسبتيها هو أخويا صرف عليها شويه فقالت الأم (جدة أمل أو جنا) كنتي عايزاني أعمل ايه يا بت الموكوسة فقالت حمدية : تعملي ايه دي ميغة وكان لازم تغرفي منها يما وتملي حجرك مش شايفه عيشتنا عاملة إزاي؟ لكن لأ. أبدا منطلعش من المولد بلا حمص ده أخويا دخلها أحسنها مدارس غير الأكل والشرب واللبس كل ده كان من حقنا أحنا فقالت الأم توحيدة: هتعملي اية ما خلاص خدوها ورمولنا حتة الورقة اللي أبنك بيقول انها شيك بميت ألف جنيه فقالت: أنا هتصرف ملكيش دعوه انتي.. حلو إن السواق اللي وصلك سابلنا الكارت بتاع البيه أبوها.. فقالت الأم: بقولك ايه دي ناس واصلة لو عملتي أي دقة نقص هيودوكي ورا الشمس فضحكت حمدية في جشع وقالت: دة أنا وحياتك اللي هخليهم يلفوا حوالين نفسيهم.. اتقلي يا توحة 🤌
.
.جنا تعرفي تحلي المسألة دي وأشار المعلم إلى السبورة الذكية فنظرت جنا إلى زملائها بالفصل وقالت: هحاول يا مستر خرجت من مقعدها المدرسي وأمسكت بالقلم ووقفت مليا أمام السبورة فسمعت إحداهن: مش هتعرف يا مستر أحلها أنا؟! فقالت جنا وهي تكتب: لما أبقا معرفش إبقي حليها يا ماديموزيل وبدأت جنا بحل المسألة الهندسية فقالت للمعلم: صح كدة فقال المعلم متسائلا: هاه يا ولاد ايه رأيكم فقال حازم: صح يا مستر بس الطريقة التانيه دي مش فاهمها فقالت طالبة أخرى والتي تجلس خلف مقعد جنا: ولا أنا يا مستر الطريقه التانية دي ممكن تشرحها حضرتك فقال المعلم: برافو يا جنا جبتي الطريقة التانيه دي منين فقالت جنا ببراءة: قانون المثلث قائم الزاوية.وقواعد متوازي المستطيلات. والمثلث هنا قائم وأخذت جنا تشرح الحلول الخاصة بالسؤال وحازم منبهر ليعلو تصفيق الطلبة لها بينما بدت مشاعر اعجاب من البعض ونظرات ازدراء من البعض الآخر.. بعد إنتهاء الحصة حان موعد البريك فقالت إحدى التلميذات: وإنتي بقا جاية من أنهي مدرسة؟ فقالت أخرى: منقولة ولا مرفودة؟ شكلك كده مرفودة فقالت الثالثة: ياحلوة.. مبترديش ليه مش عاجبينك
فقالت جنا وقد خافت منهن: أأنا من مدرسه أسماء بنت أبي بكر ومنقولة مش مرفودة وهربت مسرعة إلى حازم الذي كان واقفاً مع صديقه رامي. حازم فقال: فيه ايه؟ مالك فنظرت إليهم فنظر وجدهن واقفات في تهكم واستخفاف فقال حازم : ملكيش دعوة بيهم عشان ميحطوكيش في دماغهم دول شلة مؤذية فاهمة فقالت جنا بطفولة: خليني معاك فقال.: تعالي نجيب شيبسي فقالت جنا: يلا وذهبو لشراء شيبسي معا..
ليجدوا أعلانا فوقفوا لقراءته فقال حازم بعدم أهتمام: دي مسابقة الرسم لتقترب جنا وتقف على أطراف أقدامها لتقرأ ليضحك حازم بشدة ويقول ساخرا: عشان لما أقولك شبر ونص متزعليش 😂 فقالت جنا: اهو انتا شبر ونص لوحدك. أنا عايزة أشترك في المسابقة دي فقال ضاحكا: يا نونه وهترسمي ايه فقال رامي ضاحكا: لوليبوب وبالونة وضربا كفيهما معا لتعبث جنا وتدير ظهرها لهم وتقول ربنا يسامحك فاختفت ابتسامتهما وقال حازم: إنتي زعلتي احنا بنهزر وبعدين لو هتزعلي من هزارنا يبقى منهزرش معاكي تاني فقالت جنا: مانتا مستفز فقال: وإنتي غلسة وسكتوا ثلاثتهم لتعم لحظات من الصمت ثم ينفجر الثلاثة في الضحك
.
بعد إنتهاء اليوم الدراسي خرجت جنا مع حازم وصديقة جنا الجديده ماريتا وصديق حازم الأنتيم رامي فوجدوا فهد بإنتظارهم فلوحت جنا لماريتا وركبوا السيارة فقالت جنا: أبيه فهد فقال: نعم فقالت بمشاكسة: لا ده انا بجربها بس فقال فهد: والله فقال حازم: أبيه غدينا برة فقال فهد: لا طبعاً كلنا هنتغدى سوا في البيت عشان أنا مسافر فقال حازم: إيه؟ فقال فهد: عندي شغل يا حبيبي.. فسكت حازم بحزن فهو لا يحب أن يسافر أحد من أسرته أبداً فقالت جنا بهمس: زوما هو انت زعلان ليه؟ فقال: ملكيش دعوه انتي مالك.. لتحزن جنا وتنظر من الجهة الأخرى فقال فهد: عملتي ايه النهارده يا جنا فقالت بفتور: كويس ليعم الصمت طوال الطريق....
..
.
.
.
.
. خلص البارت
أشوفكم البارت الجاي إن شاء الله
متنسوش التصويت وتكتبولي رأيكم
بااي يا حلوين
