أزيكم يا حلوين وحشتوني
بارت جديد اتمنى يعجبكم وياريت اللي بيقرا الرواية يعلق حتى لو نقد
يهمني اعرف مستوى كتاباتي بدل ما أنا حاسة بالاحباط كدة🌺🥰🌼🌧
.
. مرت ليلة أمس بسلام إلا من بعض المشاكسات اللطيفة ما بين جنا وعز وحازم
لتبيت جنا ليلتها بحضن جدها الذي أخذ يحدثها عن والدتها وهما يتصفحان البومات الصور كانت جنا مستمتعة بذكريات جدها مع بعض الحزن من فقدانها لأمها ولكن بالنهاية هذا قدرها
...........................................
جنا. جناا.. تفتح جنا عينيها بنعاس وتقول بغمغمة: نصاية يا أخ بس فقال: أخ؟ قومي يا بنت يلاا.. لتفزع وتفتح عيونها وتقول بدهشة: إيه يا جدو فيه ايه فقال: فيه مدرسه يلا! لتطرق المربية الباب ليأذن قائلا: أدخل لتقول ميري: صباح الخير يا شريف بيه فقال: صباح النور ساعديها عشان المدرسة ربع ساعة وتكون تحت مفهوم فأومأت ميري طاعة وخرج الجد فقالت جنا: هو مالو؟! ده حتى مقاليش صباح الخير فقالت ميري: بعدين يا حبيبتي بعدين.. بعد ربع ساعة نزلت جنا وهي بزي المدرسة تحمل حقيبتها بفرحة سعيدة جدا بالعودة الى المدرسة وفي نفس الوقت خائفة ومتوترة فقالت: صباح الخير جميعا وما إن رآها زين في زيها المدرسي حتى فرد ذراعيه واحتضنها فقالت مشاكسة: الحقووني غريق.. فقال حازم: جوجو انتي في نفس الكلاس معايا فقالت جنا: إزاي هو مش البنات لوحدها والولاد لوحدها فقال حازم: لاااا فقال مالك: حبايبي مش معقول كأنكم توأم فقال حازم: يع أنا توأم القزعة دي فقالت جنا: حوش طولك اجري اجري فقال عز: بس دأنتو في حضانة مش في تالتة اعدادي فقالت جنا: هو اللي بدأ فقال حازم: انتي اللي مستفزة فقال الجد: بس كفاية فقالت جنا: فين ستي فصمت الجميع ونظروا لبعضهم البعض فقال الجد: الست توحيدة سافرت الفيوم عند بنتها ليصدم الكل من رد فعل جنا التي قالت: طردتوها فقال محمد: ايه اللي انتي بتقوليه ده.. لأ طبعاً.. هي ناوية من قبل ما تيجو هنا اصلا.. فقال مالك: هي اصلا قالتلنا انها كانت عايزة تمشي من بعدما ابنها مات بس مكانتش عارفه تسيبك لمين فقالت جنا بعدم تصديق: انتا كذاب ليمسك زين بذراعها بقوة ويقول بلهجة حادة لاتقبل النقاش: إياكي تتعدي حدودك مفهوم. مفيش بنت متربية تقول كده لعمها. أعتذري يلا لتقول بصوت متهدج: أأنا أسفة فقال الجد: اقعدي افطري يلا لتجلس جنا بعيدا عن أبيها بجوار محمد فقال الجد: بنت تعالي هنا. لتقوم فقال: اقعدي جنب باباكي يلا مش غلطانة وكمان تتقمصي فجلست بجوار أبيها وقال مالك: افطروا يلا يا ولاد هتتأخروا عالمدرسة فقال زين: أنا بنفسي هوصلهم عشان جنا عندها اختبار قدرات فقال شريف: ايه التهريج ده يا زين. هما مش عارفين هي بنت مين فقالت جنا بجدية: على فكره أكتر جملة بكرها في حياتي إنتو مش عارفين أنا بنت مين ولا ابن مين فياريت محدش يدخل ونظرت في ساعة يدها وقالت: يلا يابني هنتأخر فقام وهو يقول: يلا يا تانت فضحكت.. وخرجا مع زين وأكمل البقية افطارهم.
قام محمد وقال: لاري اعملي قهوة فقال عز: قهوة من امتا يا أبيه بتشرب قهوة فقال محمد: عز افطر وانتا ساكت وقام محمد ولحق به مالك فقال عز: فيه حاجه ولا ايه فقال معتصم: بطل رغي وانجز. فهد. فهد انتا يا بني فأنتبه فهد وقال: بتقول حاجه يا معتصم فقال: انتا قولت مسافر امتا فقال فهد: الطيارة الساعه 12 الضهر فيه كام حاجة كدة في الجهاز اخلصهم واسافر على طول. بينما يهمس عز لنور: هو ليه كله بيضطهدني في البيت ده فقال نور: مش عارف تفتكر ليه فقال عز بغرور: اكمني حلو وكاريزما ومدوخ البنات فقال جده: هنشوف حكاية البنات دي ليصدم عز ان جده قد سمع همسه. ويكمل طعامه في صمت هناك في غرفة محمد قال مالك: ممكن أدخل فقال محمد: حضرتك دخلت فعلا. أؤمرني حضرتك فقال مالك: انت زعلان؟ فقال: ليه سيادتك بتقول كده فقال مالك: سيادتك! ايه الرسمية دي يا محمد فقال محمد بهدوء: حضرتك عايز ايه دلوقتي.. فسكت مالك برهة وقال: إمبارح أنا كنت عصبي معاك شويه عشان كده جاي اقولك متزعلش فقال محمد بهدوء: تعتذر يعني فقال مالك:إنتا نسيت اني عمك ولا ايه فقال محمد:مش غلط أبداً إننا نعتذر لو غلطنا في حق حد أو كلمناه بطريقه جرحتو فقال مالك وهو يحك خلف أذنه:أناكنت نيرڤي شويه فقال محمد: عارف ومش زعلان على فكره أنا اللي مضايقني حاجه تانيه خالص فجلس مالك وقال: إيه هي فقال محمد: كنت عايز جنا تفضل هنا تتعلم الاتيكيت.تصقل اسلوبها نشبع منها شويه وبعدين تبقى تروح المدرسه على بداية التيرم لكن زين باشا رفض.. فقال مالك: بصراحه هي محتاجه تأهيل البنت أد كده 🤏 ولسانها اطول من الزرافة. فقال محمد: ماهو ده اللي أنا برغي فيه.. يلا يلا عندنا شغل كتير فقال مالك: طيب آجي أحميك فنظر له محمد نظرة استنكار: تحميني ليه نوغة فقال مالك: نوغة! يعني أبوك لما يحميني أبقا نوغة فقال محمد: إنت بالنسبة لبابا زي حازم كدة بالنسبالي.. ويلا كفاية عطلة بقا أنا عندي مرضى.. فقام مالك وعندما أقترب من الباب قال مالك: لو تأخرت هخصم من مرتبك فقال محمد: رخم والقى الوسادة ليتفادها العم وهو يهرب ضاحكا فقد زال هم ثقيل من فوق صدره فمحمد أغلى عنده من نفسه
.. في المكتب يقف عز أمام جده كالتلميذ المشاغب أمام ناظر المدرسة فقال جده: هاه يا أستاذ مش هتتلم شويه. فيه جراح محترم يعمل اللي بتعملو ده؟ فقال عز: هو أنا عملت حاجه فقال الجد: لا خالص انت فاكر اني مش عارف سهراتك الزفت مع البنات.. نانا وجينا عاملين ايه ليصدم عز ويصمت في توتر فقال: ايه القطة بلعت لسانك اوعا تكون فاكر اني نايم على وداني ولا كبرت مش هعرف اربيك.. انت عندك أخت يا عز فقال عز مدافعا عن نفسه: لا يا جدو مش اللي في دماغك خالص أنا والله مش اكتر من سهرة حلوه او خروجة لكن قلة أدب لأ أنا برضو عز الالفي فقال الجد: عارف بس سمعتك فوق كل اعتبار والبنات دي والمكان ده رجلك ما تعتبش هناك وإلا هكسرهالك لو ابوك عرف هيولع فيك يلا اتفضل خرج عز وهو يقول في نفسه: بتذنبني يا جدو ماشي..فاكرني عجزت زيك ارجع البيت بعد الشغل انقع رجليا في ميه وملح وادهن ركبي وضهري فولتارين.
.
وصلت السياره إلى المدرسة وخلفهم سيارات الحراسة فقال زين: حبيبتي مش عايزك تخافي انا معاكي فقالت: إنت خايف فقال: اسمها حضرتك اتعلمي بأه متفضحيناش فقالت لتجز على اسنانها: جيت ليه ما دمت خايف افضحك ونزلت مع حازم ليدخلو جميعا حيث مكتب مدير المدرسة كان زين قلقا اكثر من جنا وتلك ليست عادته أبدا فهو دوما هادئ لا يهزه شئ.
بعد أن رحب المدير بزين باشا وجنا جلس زين بينما بقيت جنا واقفة فقال زين: أقعدي يا بابا واقفة ليه فقالت جنا: مستر ياسين مقاليش أقعد فقال زين: بس انا قولتلك فقالت جنا بفصاحة: حضرتك مش مدير المدرسة اللي انا متواجدة فيها يا افندم فقال المدير: اقعدي يا جنا فجلست جنا بأدب فقال: عرفيني عن نفسك يا بنتي فأومأت وقالت بهدوء وثبات أزهل والدها: جنا زين أحمد مالك الألفي عندي 14سنه وست شهور
كنت طالبة في مدرسة أسماءبنت أبي بكر. مدرسة حكومية
وبس كل اللي اقدر اقوله اني اتمني اكون عند حسن ظن الجميع.. ليطرق الباب وتدخل أحدى المعلمات وتقول: افندم يا مستر ياسين فقال: لجنة جنا جاهزة فقالت: أيوه يا افندم فقال: روحي يا جنا مع مس ريهام وبعد ما تخلص يا ريت يامس تجيبيها تاني.. لتذهب جنا معها وقلبها يقرع طبول الحرب وتلقي قبل خروجها نظرة لأبيها تحمل كل معاني التمني....
في مبنى جهاز المخابرات يجلس فهد وفريقه مع رئيسه فقال اللواء: فهد أملنا كله في ربنا ثم عليكم.. كل واحد فيكم عارف هيعمل ويتصرف ازاي فقال فهد: اطمن سيادتك يا افندم فيه بدل الخطة تلاتة واربعة. محدش يقدر يدمر بلدنا غير لما يعدي على جثثنا الاول مش كده يا شباب ليردوا: مظبوط يا افندم فقال اللواء متبسما: دايما بفتخر اني عندنا كوادر بالكفاءة دي. ربنا معاكم.. اتفضلوا.
.
.
. يا ترى جنا هتعمل ايه؟ هتنجح ولا!!!
..
وفهد هيعمل ايه هو وفريقه في مهمتهم
...
.
. عز هيسمع كلام جده؟
أحداث جديده في البارت الجاي
استنوني ومتنسوش تقولولي رأيكم وملاحظاتكم
ودمتم سالمين
باي يا حلوين
