#الاشوس
الكاتبة: ارين
تفاعلكُم ع البارت وتعليقاتكم بين الفقرات💋.
إنك بين النِّفسِ والهَوى والفُؤادِ ومَا حوَى.
-----⚜️-----
سيلين ::- اريد انفصل عن علي
توسعت عيوني شهگت مدهوشة گالتها بكل ثقة وبدون تردد وعلي يباوعلها بنظرة خيبة وكسرة
ابتسم وغمض عيونه بحزن وهز راسه تمام
علي ::- دامني هيچ عندچ انسان عادي وبهل سهولة تتخلين عني الي تردينه يصير
كلنا انصدمنا والاشوس بس ضل صافن بيهم وعمو فارس گال
فارس ::- اسم الله يابا شبيكم استهدوا بالرحمن هاي شجاكم
وام علي اخذت علي تحچي ويا تريد تفهم شصاير هو مايتفاهم اخذ امين وطلع من البيت معصب
انور ::- سيلين بابا شصاير!
سيلين ::- اريد ارجع للبيت
الاشوس ::- اصف اخذهم للبيت
گالها بنبرة بغضب وهو عاگد حواجبه وراح مادري شنو حچه وي عمو محمد واجا يمي گال
الاشوس ::- يلا اذار روز نرجع للبيت اليوم نبات ببيت اهلي
هزيت راسي تمام وطلعت للغرفة وي اذار بدلنا ملابسنا وشلت فستاني وطلعت لكيتهم ينتظرونه برى
رجعنا لبيت عمو انور والاشوس طول الطريق ساكت وصافن
اول مانزلنا هو عاف الكل وراح لغرفة سيلين حچه وياها شوية وطلع
انور ::- ها بابا شصاير ماعرفت
الاشوس ::- ماصاير شي
گالها وكعد يهز برجله وايدينه يرجفن متوتر ومعصب ومقهور ما يتحاچه
انور ::- شلون ماصاير شي بابا
گام الاشوس وصاح صوته رج البيت رج
الاشوس ::- شصاير يعني!!! ماصار شي بس شلون اليوم الاشوس فرحان شلون اليوم عقده راح يعيش لاول مرة مرتاح اليوم ماعنده لا هم ولاغم اليوم الله عوضه گالوا خلي نخرب فرحته ونگعد هذا الصار بسس
كل كلمة گالها طلعت من نص گلبه بقهر وهو يصيح
الاشوس ::- حرااام تشوفوني فرحااان حرااام ينقص من عمركم اذا الاشوس فرح مووو مرتك وانوب بنتك وبعد بعد باچر بزواجي سوولي سالفة وخربوا فرحي كلههههه
گالها وطلع للغرفة فوك واحنا بقينه كاعدين خانسين مابينا واحد فك حلگه لحد مالاشوس طلع فوك گال عمو
انور ::- والله فلا ينلام هالولد اريد يوم اشوفه مرتاح ماكو لازم شي يخرب فرحته
كام من يمنا معصب شوية وعلت اصواتهم هو ونسرين وهي طلعت تصيح
أنت تقرأ
الاشوس
General Fictionبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
