#الاشوس
الكاتبة: ارين
تفاعلكُم ع البارت وتعليقاتكم بين الفقرات💋.
شسوي بروحي اذا انتَ مو بيها
----⚜️----
الطريق هدوء وعيني ع الشوارع وبالي كُله بلقائنا بعد هلسنين شلون راح يصير، شنو راح يكون عذرها!
غمضت عيوني بتعب وبقيت سارحة بافكاري لحد ماحسيت وكفنا يم بيت چبير باوعت المكان ماعرفه اول مرة اجي بس استغربت من علي گال
علي ::- امها ببيتك!
احمد ::- اي
-ومرتك!
ابتسم ابوية وحك طارف شاربه
احمد ::- ام روز هم مرتي والها الحق تجي لأي مكان يخصني
كمل كلامه واندار عليَّ گال
احمد ::- ننزل بابا
نزلت بدون مااجاوبه وسديت الباب بقوة ضحك واني كل تصرفاته تخليني اكرها اكثر واحقد اكثر
اجا علي وگف بصفي ودخلنا سوا للبيت وابوية يمشس كدمنا ويغني وصلنا للباب استقبلتنه مرة يطلع عمرها بالـ ٣٠ سنة مبين تشتغل يمهم
-اهلاً وسهلاً
احمد ::- وينها؟!
-الست رئام! راحت طلعت من البيت
-تؤ مو رئام
ماگال اسمها وهي هم كأن فهمت عليَّ گالت
-بغرفتها فوگ چانت منتظرتك
هز راسه تمام واشر عليَّ
احمد ::- اخذها تشوفها
باوع لعلي واردف وهو يأشر للصالة
-تفضل نگعد هنا
علي ::- اذا احتاجيتي شي صيحيني
هزيت راسي تمام كبل لا امشي انتبهت دك جهاز علي ومكتوب الاشوس عفته ورحت وي المرة اخذتني طلعنا للطابق الثاني
البيت على گد ماچبير يدوخ كلش اكبر من بيت عمو انور وراقي كلشش راقي البيت عبارة عن لون ابيض وكله اضواء بكُل مكان
اخذتني وياها نتمشى الطابق الثاني بيَّ غرف هواي اخذتني لغرفة ووكفت بالباب
-هاي الغرفة تحتاجين شي؟
روز ::- غرفة منو!
گبل لا تجاوبني اجاني صوت من الغرفة تصيح
-اجت بنيتي
عافتني المرة ونزلت دگ گلبي خوف ورهبة ماعرف شنو سبب خوفي بس لأول مرة هيچ اكون خايفة
أنت تقرأ
الاشوس
General Fictionبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
