#الاشوس
الكاتبة: ارين
تفاعلكُم ع البارت وتعليقاتكم بين الفقرات💋.
أيامُ عُمركَ لَن يطولَ بلاؤها
وغدًا سَتنسى، كُلّ همٍّ أوجعَكْ
-----⚜️-----
اذار
گاعدة بالكافتريا وايدي جوا خدي وعيني ع الباب انتظر ميرنا تجي شكلها تأخرت
باوعت كدامي الاشوس وروز گاعدين وهي منمدجة تحچي ويا وتضحك وهو صافن بيها مبتسم يتأملها بكل حب
بعمري كله مافكرت بالحب ولارف گلبي لأي بشر والي شفته من سياف كرهني بشي اسمه حب وابد ماهتم لهل موضوع
بس الاشوس الوحيد الي احب اشوف تصرفاته وي روز ولا ارادياً ابتسم من يباوعلها من يتأملها من يحچي وياها
كلشي يسوي الها بحب حتى الكلمة العادية الي كولها اله احسها تطلع بحب
ولا شفته يعصب عليها ولا يضوج من تصرفاتها ابد بالعكس بكلشي تسوي هو يفرح حتى مرات من تتعارك وي الولد بالشقة تغلط عليهم مايضوج ويشجعها يكلهم واذا صغيرة
ماعرف شنو السبب بس يمكن لأن ربت على ايده يضل يشوفها صغيرة بعينه ومو بس هو حتى اصف وحيان يكولون صغيرة ويتعاملون وياها كأنها طفلة
من سألت روز گالت من يوم الي دخلت لبيتهم هذا طبعهم وياي ماتغير حبهم يزيد ومايقل
هواي احمد رب العالمين انو ميسون عافتها من صغيرة على ايديهم وماعاشت مثل الي اني عشته وتبهدلت
بعمري ماحسيت بالامان والاستقرار
من امي لميسون الي تتزوج تعوفني وتشمرني ع الثانية
چنت دائماً كلشي افكر بي اختي ووينها وبس اريدها وياي ودائماً اخاف عليها رغم ماعشت وياها هواي!
بس چنت افرح من الزمها وهي طفلة وانومها بحضني رغم عمري صغير كلش الفرق بيني وبينها خمس سنين
بدت تكبر واني وياها اشوفها قليل لأن هي ضلت يم ميسون واني يم امي بس چنت اشوفها من نروحلهم هي طفلة صغيرة
كبرت وعرفت سياف من خلال ميسون صار يجي للبيت يساعدها باي شي تريده وشغلها الي ماعرفه واكثر المرات هو ياخذنا يوصلنا لأي مكان ومن اول مرة شافني ماارتاحيت اله وبعدها ضل وراي
فزيت من افكاري من ميرنا وكفت مقابيلي تضحك
ميرنا ::- هاااي ياحلووو
ابتسمت وكمت سلمت عليها بوسنا بعض وكعدت مقابيلي
اذار ::- تأخرتي؟
ميرنا ::- لچ مالكيت تكسي والله ياهو الي اوگفه مو راحه ويشمر حچي
-امچ شلونها
أنت تقرأ
الاشوس
General Fictionبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
