#الاشوس
الكاتبة: ارين
تفاعلكُم ع البارت وتعليقاتكم بين الفقرات💋.
ماذا فعلت لقلبي ليعصيني ويلتجأ اليك.
----⚜️----
سيليـن
مرت ايام الأشوس محد يشوفه حابس روحه بغرفته وحتى اكل ميقبل ياكل اكثر من مرة اجت عمة امنة وعمو محمد وعمة رجاء يحچون ويا ولا عبالك
اصف وحيان البيت مايطبونه وهم اعصاب مايتحاچون مگضينها النهار كُله بالكافتريا ويجون نص الليل يطلعون لغرفهم
ردت منهم يحچون وي الاشوس ماقبلوا كل واحد عازل روحه وماله خلگ
ضلينا اني وجوليا وحدة صافنة بوجه وحدة ماعرف شنو اسوي ايدي مربطات اني منا مصدومة وممصدكة روز بهل سهولة تخلت عنا وراحت
معقولة لأن تحب امها وردات تروحلها صدك لو مهدديها بشي ورايحة
راسي وجعني ايام واني الليل ما انامة من القهر والتفكير
بـ يوم چنا محضرين العشاء خابرني علي گال يجي علمود يحاول يحچي وي الاشوس اعرف ماكو فايدة بس نحاول
كملت وطلعت ويا جوليا للحديقة ماكو نص ساعة واجوا علي وميار
كمت استقبلتهم وميار ضلت يمنا وعلي بس سلم وطلع لغرفة الاشوس ماحچيت شي ويا
ميار ::- ماعرفتوا ليش راحت
سيلين ::- لا كُلنا محتارين ومصدومين لحد هسه ممصدگة شلون بسهولة تروح!
ميار ::- يمكن رادت امها يعني هي من اجت طفلة وتبچي على امها وهسه من امها رجعت راحتلها
جوليا ::- ترا روز تحب الاشوس اكثر من امها مستحيل يكون هذا سبب يخليها تعوفهم
سيلين ::- لعد شنو السبب برأيچ
جوليا ::- انا اقول ابوها هددها بشي واخذها
ميار ::- مُستحيل يعني بشنو يهددها مثلاً ماهي من طفلة عايشة يمكم وهسه فجأة طلعوا اخذوها يعني يهددها بشنو!
سيلين ::- حتى اني گلت يعني ماكو شي يهددها بي واصلاً روز ماتخاف من شي اذا يهددها تطيح حضه بس اعتقد فعلاً رجعت تريد امها
جوليا ::- لاااا صدك أنتوا بلا عقل شلون تصدگون روز هيچ مُمكن تتخلى عن الاشوس بس علمود امها! لچ ماتتذكرين من هي طفلة تنوموها بالغرفة تلكوها بحضن الاشوس ومايطلع مكان اذا ماچلبت بايده وحتى من كبرت صارت تحبه حُب واضح عليها هالشي لا دگوليلي لا
سيلين ::- وليش تعوفه لعد ليشششش!!! گالتله اريد اشوف مستقبلي واكمل دراستي
ميار ::- يمكن البنت كبرت وشافت البنات وحياتهن ودراسة وهيچ وتندمت!
أنت تقرأ
الاشوس
General Fictionبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
