#الأشوس
الكاتبة: أرين
" خلف الصبر ، أشياء جميله تنتظر .
----⚜️----
طلعت اركض مخترعة گوا احرك رجليني صراخها مو طبيعي نهد حيلي على ما وصلت وشفتها طايحه بالارض وتصرخ وعمة رجاء وعمة امنة يركضلها
رحت بسرعة المسافة بعيدة من باب الصالة للحديقة وهي يم المرجوحة صايرة بنهاية الحديقة
كُل الي توقعته تكون واكعة ومتأذية بس صراخها غيرر غيررر
گبل لا اصل وصلت عمة رجاء مادري شنو الي خلاها تصيح وشالت روز وتركض باتجاهي وتصرخ مفزوعة
رجاء ::- راح تمووووووت البنيةةةة اشوووووس
دگ گلبي بخوف من صارت يمي وروز وجهها ازرررررررگ بشكل مرعببببب ماعرفت شصاير بيها
رجاء ::- ويننن طلعوااا الولدددددد
صوت عمة رجاء رج البيت وعمة امنة تصيح
امنة ::- شبيهاااا البنية شبيهااااا فهميناااا
رجاء ::- عگربةةة كرصتها عگربة سودةةة
يابا بس گالت هيج ماحس غير رجليني ارتخن وكعدت بمكاني احس فصلت عن كلشي حواليا ماحس بشي بعد وراسي افتر
دخل تيمور يركض على صريخ عمة اخذ روز من ايدها وخلاها بالسيارة طلعن ويا وبسرعة راحوا المستشفى واني جامدة بمكاني
نزلن دموعي وايديني صارن يرجفن خوف بگلبي چبير بعد فترة كدرت اتحرك وطلعت لغرفتي ابجي بصوت عالي واصيح وايدي على گلبي
سحبت جهازي ردت اخابر الاشوس بس چان جهازي يدك شفته علي بسرعة فتحته واني ابجي اريد احجي ماكو اختنگت كلش وهو تخبل يصيح
علي ::- سيليننن شصايررر شبيجججج
سيلين ::- روز علي روزززز
-شبيهااا؟؟!
-اخذوها.. للمستشفى خايفة
-اهدي سيلين اخذي نفس وفهميني
مسحت دموعي اريد اسكت ماكو بس اشهك صاح
-اشربي مي سيلين انه بالطريق جايج
تمددت وسديت الاتصال وضليت ابچي شكد روحي تعلقت بيها ومنظرها مايروح من بالي وصراخها احسه بعده بأذني
أنت تقرأ
الاشوس
Narrativa generaleبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
