🕊️🕊️ තටු 🕊️🕊️..............
.
.
.
.
.
.
" හෙලෝ......... ආ කියන්න මිස්ටර් ආරියරත්න ........"
ටික වෙලාවක් ඉතින් තිදෙනාම දහම්ගේ කාමරය තුළට වී කතා කරමින් සිටිද්දී කලණ ගේ දුරකථනයට ඇමතුමක් ආවේය......දෙදෙනාටම පොඩ්ඩක් ඉන්න යැයි අතින් පවසමින් කලන කාමරයෙන් පිටතට යද්දී ඉතින් අවසානයේ කාමරය තුළ ඉතුරු වුණේ දහම් සහ ආයු පමණකි.......
දහම් එක්වරක් හිස ඔසවා ආයු දෙස බලද්දී ඉතින් ඔහුගේ තියුණු බැල්ම කෙලින්ම තමන් දෙසට වැටී තිබෙන ආකාරය දැක යලිත් ඉක්මනින් කැඳ කෝප්පය දෙස බලා ගත්තත් දැන් බීගෙන බීගෙන යන්නට කැඳ පොදක්වත් ඒ තුළ නැත..... ඒ අස්සේ තමන් ඉදිරියේ වාඩිවී සිටින පුද්ගලයාට ස්තූති කරන්නට අවශ්‍ය බව සිහි වී දහම්ගේ කකුල් දෙකට පවා දාඩිය දාන්නට පටන් ගත්තේය...
මේ ඉතින් දහම් ගේ දුර්වලතාවයකි......සාමාන්‍යයෙන් සභාවක් ඉදිරියේ කතා කරන්නට හෝ පිරිසක් ඉදිරියේ හැසිරෙන්නට ඔහුට ඇත්තෙන්ම එතරම් හැකියාවක් නැත.....ඉතින් දැන් මේ තමන් ඉදිරියේ වාඩිවී සිටින , පෙර දින රාත්‍රියේ තමන් අසලින්ම හිඳගෙන තමන්ට සාත්තු සප්පායම් කළ , බෙහෙත් ටික අරන් දෙන්නට රැගෙන ගිය පුද්ගලයාට ස්තුති කරන්නට තරම් වත් ශක්තියක් දහම්ගේ ශරීරය තුළ නැත.....සමීපවම ඇසුරු කරන කිහිප දෙනෙක් සමග විවෘතව කතාබහ කළාට ඇත්තෙන්ම අනිත් අවස්ථාවලදී දහම් පත් වන්නේ දැඩි අපහසුතාවයකටයි......
" කෝ බෙහෙත් ටික......."
ඉතින් කාමරය තුළ පැවති විනාඩියක දෙකක පමණ නිශ්ශබ්දතාවය දුරුකරමින් ආයු එලෙසින් අසාගෙනම වාඩිවී සිටි තැනින් නැගිටිද්දී ආයු ට ස්තූති කරන්නේ කෙලෙසින්දැයි බර කල්පනාවක සිටි ,දහම් තිගැස්සී ගිය අතර එය ඔහු අසලම සිටි ආයු හරි අපූරුවට දුටුවේය......
" බෙහෙත් ටික කෝ......."
ඇස් දෙකත් ලොකු කරගෙන තමන් දෙස බලාගෙන සිටින දහම්ගේ මුහුණ අතින් අල්ලා මිරිකන්නට හිතුනත් ඒ ආශාව යටපත් කරගත් ආයු යළිත් එලෙසින් අසද්දී ඔහුත් කාමරය පුරා දෙනෙත් යොමු කරන්නේ පෙර දින රාත්‍රියේ චරිතා ඇන්ටි බෙහෙත් තැබුවේ කොහේදැයි කල්පනා කරන අතරයි.......
YOU ARE READING
🕊️🕊️ තටු 🕊️🕊️............ bl novel ........ongoing ............
Non-Fictionආස නැද්ද පියාඹන්න........ තටු ගැටගැහුවට පස්සෙ කොහොමද ඉගිල්ලෙන්නෙ........ තටු ලෙහමු....... ඒක හිතන තරම් ලේසි නෑ ආයු..... මම නම් කැමති අමාරු දේවල් කරලා බලන්න...... හ්ම්ම්ම්..........( බර හුස්මක් ) 🕊️🕊️ තටු 🕊️🕊️.......................
