MY GHOST (MIZO BL)

CHAPTER-3 (I duhawm reuh kha)

Tunlai chu ka rilru la pengtu dang a awm deuh a, ka rawn dah lawk lo a, sorry..

_____________________________________

Ka rin dan chiah, ka mumanga ka hmuh ziah thin, khapa kha Jonathana hi ani, ka ring sual lo e.

Ka harh leh zawk chu min kuahtu an awm tih ka hrethei, a lum thur thur mai, nuam tak ani, a chhan pawh mangchhia vanga ka harh hian hetia min thlamuantu hi an la awm ngai loh vang ani.

Ka hrechhuak, min kuahtu chu ka han en a, Jonathana lek, uii engtin nge min ngaih ang ni. Ka khum atang chuan ka tho vat, bathroom ah ka lut nghal, va inphih harhin, bathroom atanga ka let leh chu Jonathana chu ka khumah chuan thuin minlo en reng. Ka va pan hnai ve bawk a, a bulah chuan thuin a tawng hma chuan ka mumanga ka hmuh thin thu leh ka hmuh dan te chu ka hrilh ta vek a.

Engmah sawi lovin min en ringawt "Hey ngatinge khatia min en"

"I duhawm reuh kha"

Ka thutak tih a hrelo emawnile, puih ka tum ve chung chung pawn fiamthu ah a ngai zel zawk aemawni, kan inhriatna ala rei loh tehreng nen min pawh hma lutuk chu mal pawh ka ti, mahse a mizia ve hrim hrim aniang.

"Ka uang lo ania aw"

"I uang ka ti hleinem, khatia i mitmenga mak tihna ka hmuh khan i duhawm ka ti ve ani mai lawm"

"I ninawm ka mu dawn"

Ka mu ta hmak a, puan chu ka inlukhup ta daih, ka lai vel emawni, lum ka ti leh bawk si, puan chu ka keu a, ka va en leh min lo la en reng bawk si, lehlam ka hawi a, ka hriat loh karin kalo muhil.

(Next morning)

Ka hna kal tur hi min zui a tum tlat zel a, alo kal ve hian awmzia a awm dawn chuang lo a, a peih mai mai ka ti thin ngawt mai.

Jonathana chungchang hi ka pa ka hrilh dawn emawnile ka ti rum rum thin, mahse ka pa chuan engti kawngzawng pawn ka thusawi a awih dawn chuang lo, ka u chu ka hrilh tawh, ani pawh chuanba awih lo lutuk, mahse a tilang vak lo ani chu, engpawh chu nise, keimah leh amah chauh hian a nihna chu kan zawnchhuah a ngaih dawn hmel.

Kan ban meuh chuan khua a thim vek tawk, vawin chu hna a ram avangin kan bang har deuh ani, ka schooty dahna lam ka pan lai chuan ka hnungah pen ri thawm ka hre ta a, keimah chauh khan ka kal emaw ka tia, ka hlau hman lutuk, misual anih ka ring ber tawh, mahse ka han hawi let thut chu le, ka rin loh tak maiin Jonathana lek, ka van ngei tak.

"I va bang tlai ve"

"I mawl ami enge khatia thawm nei lo va ka hnunga i lo kal, mawl lutuk, min tihlau hman alawm"

"I dawih e, mipa ve si"

Ka hre ve reng mipa ka ni tih te chu, mahse miin ka dawih an tih avanga mipa ve si an tih hian kalo haw tlat zel.

"Ngatinge ilo kal, lo kal suh ka tih che kha"

"Inchhunga awm reng chu a boring alawm, tuman min kawm ve thei silo"

"Hmundangah kal mai ta che.. "

"Ngatinge nagmaha i ti ti char char a" Ti ri chu ka hnung lam atang chuan ka hria, ka va hawi let chu ka ex thla hnih vel zen zawn ka hmuh tawh loh Cindy-i chu lo niin, ngatinge maw a rawn inlan leh kher ni.

Skip

In kan thlen hnu pawh chuan Jonathana chu a tawng leh tawh miah lo, khatia Cindy nen kan inbiak zawh khan ka phur a, nidang ang ani lo, a tawng lo reng reng chu mak ka ti.

Ka inbual zo chu bathroom kawngka pawn lamah chuan Jonathana alo ding reng hi ka va hmu, ka la phu zuk zui.

"Tunge a"

"Tu chu maw"

Thil lah hi hriatthiam har deuh deuh min zawt a, chhan ngaihna a vang thei e.

"Khanu kha, I biak nu kha"

"Ka thiannu anih kha, thla hnih vel chu ka hmu tawh lo"

"Thian chauh maw"

"Aw thian chauh, engatan nge maw I tih le"

"Engatan mah"

Hepa hi a awmdan vel hi ka hriatthiam loh zawng tak, a mitmeng en chuan thik deuhreuh te pawh a ang alawm le, mahse ani thei lo hrim hrim, kan inhriatna pawh ala rei lo a.

Mut pah chuan thil ka ngaihtuah rauh rauh, ka mumang chungchang leh ka thiltawn zawng zawng hi ka pa ka hrilh mai dawn emawnile, police ania kei ai chuan a hre thei zawk ang, mahse a awih dawn bawk silo, hetiang lam hi a ring lo ve bawk si, han tih dan em em pawh ka hrelo e a.

Skip

Nizanah chuan mangchhia ka mang ta miah lo, mumang chu ka nei, mahse a tha lam a ni, Jonathana tho chu ni mahse a hlim hmel em em a, zan danga ka mang nen chuan inang lo tak ani.

Bathroom atanga ka chhuak chu kawr ha lo in Jonathana chu ka khum bulah chuan alo ding reng

"Ngatinge kawr i hak loh i inbual dawn ami"

"Aw, khawimaw i thawmhnaw min lo haktir mai teh"

Ka thawmhnaw bawm chu hai rak taking a haktawk awm vel, ka tana lian hret si chu ka phawrh

"Kha, heihi ha mai rawh"

"Ka lamah chuan a rawn kal phei, min rawn hnaih zel, ka hma takah chuan a ding tawh, kawr a ha bawk silo, min rawn en chhuk deuh pah chuan ka hmai bul chetah " Ka lawm e" A ti a, thawmhnaw chu lain bathroom ah a lut ta daih. Ka thinphu chu leh, ava rang em em ve le, hepa vang hian ka thinphu a rang ngun ta hle mai,bathrooma a luh lai laiin tiin ka insiam mawlh mawlh, ka insiam zawh chuan ka lo nghak a, a rawn chhuah veleh en pahin "Vawin chu min lo zui suh, ka rawn haw hma ang, I duh duh naah kal la, I duh duh ti rawh, mahse haw tlai loh tur aw"

"Tehreng bye aw"
"Bye" Tih pah chuan chhuah mai ka tum "Ka nupui ni awm tak hian thu hi min pe reng a" A tih ri avang chuan ka hawi let leh "Eng maw I sawi"

"Engmah ka sawi lo, kal tawh rawh" Min nuih tlawn deuh pah hian a ti leh, keipawh chu ka chhuak zui ta nghal.

Vawin chu hna a tlem a, ka zo hma angreng viau, haw paha bazar chu ka tum bawk.

Bazara ka kal kual vel lai chuan "Lawmkim min lo nghak" Tih ri avang chuan ka hnung lam chu ka hawi let, Cindy alo ni, amaha ka feelings zawng zawng chu a bo vek tawh, mahse hetia a rawn inlan chhen hi chuan nuam lo ka ti thin, "In va bang hma ve i bazar dawn ami"

"Aw, haw paha bazar ka tum a"

"Anih chuan bazar dun law law ila, enge lei I tum"

"Lei vak tur a awm lo, chawhmeh tlema zawng"

"Leh thawmhnaw ami"

Henu hi chuan min hrechiang a, ka duh zawng te hi a hre vek ang ani

"Vawin chu thawmhnaw ka lei vak peih lo, chubakah ruah a sir hmel si, haw vat vat a ngai"

"Nia kawrawh" Tih pahin a kal a, ka zui ve mai bawk, kan inthen hnu pawn thian angin pangai takin kan la Inka em thei a, amah hi thawveng chi a ni ve hrim hrim.

Ruah a rawn sur tak teuh avang chuan kan inah kan lut dun ta ringawt, bazar atangin kan in hi a hnai zawk bawk a, pawi ka vak chuang lo.

In kan thlen chuan Jonathana ka zawng pah deuh, ka chhungte an lo la haw lo bawk nen, kan in chu alo ruak huai mai, ani pawh hi a rawn la haw lo mawni le, Cindy lam chu va hawi pahin "Lo thu mai rawh, thingpui leh chhang kan ei dawn nia" Ka ti a, ani pawh chuan nui sang chungin "Awle" Alo ti ve mai bawk, choka lama luh pah chuan ka room lam chu ka hawi chho leh, ka room kawngka bula Jonathana lo ding reng chu ka han hmu zui, alo la haw lo emaw tia.

______________________________________

Khati zawng te kha ani rih e.