MY GHOST (MIZO BL)

CHAPTER-6

Ka hnung lam atanga min rawn kuahtu an awm avang chuan ka phu zawk, Jonathana mai mai chu aw.. Hetia min fiam zuk zuk hi a ching leh thin, mahse kei lah hian nuam kalo ti thei bawk si, ka inhrethiam lo zawk thin, mipa veve ni mah ila, a lakah hian feelings ka nei deuh reuh in ka hria, mahse a awmang lo lutuk chu ka nuih a za zawk, ani lah hian engah mah a ngaih ka ring bawk silo.

Ka chaw eina ka sil zawh chuan thutthlengah bawk chuan ka thu leh, ka hman bawk si chu ka ning lek lek, Jonathana lah hian min rawn fiam zuk zuk a ching lehnghal, ka ning miah lo lehnghal, min tibuai peih si.

Ka TV en chu ka lo mutthilh San aniang, ka harh leh meuh chuan dar 1 a lo ri tawh, ka harh chiah chuan Jonathana ka hmu hmasa ber, alo la en tui em em zui, ka barakhaih chak tlat lehnghal, ka tho tih a hre bawk silo, ka han barakhaih chiah mai chu a phu nasa teh ee, ka nuih vak vak lehnghal, tih ngaihna a hrelo lutuk chu a nui ve tawp, thawk leh khatah min rawn bawh thut, thutthlengah chuan min rawn bawh ul lehnghal, kan hmai chu a inhnaih bawk si, ka lai lutuk chuan ka nem dawrh a, ka tho ta daih, a hawi hu mai lehnghal.

(Skip)

Ka nu alo haw chuan "Lawma i zia tawh em" A rawn ti nghal, "Aw zia tawh lutuk, ka lo chawl kha ka inchhir lek lek alawm" Ka tih chuan a lo nui hak hak "Tukina rawn kaithawh ka tum che khan i khua a sik bawk sia, ka kaitho duh ta lo che anih kha" A rawn ti leh, ka nu hian min ngaihtuah ve em em thin a, ka nawmloh hlek hi chuan a rilru a hah ve em em thin.

Ka room ah chuan ka chho a, Jonathana pawh bathroom atangin a lo chhuak chiah, "I ril a tam em" Ka tih chuan "Tam ve tho" A lo ti ve leh, "Lo kal rawh thil zu ei ang" Ka tih chuan min lo zui ve mai.

Kan ei zawh chuan tihtur ka hrelo lutuk chu ka chhuak ta ringawt, Jonathana pawh chuan minlo zui ve mai bawk, ka rin dan vel ka awm loh chuan inah hian alo awm peih thin lo tih ka hriat vangin pawi ka ti lek lo, Ka rilruah Kevina a rawn awm thut avangin an inah va leng mai mai teh ang tiin an in lam chu kein kan pan ta a, kawngah chuan kan inbe deuh reng bawk nen, kan thleng hma angreng viau.

Kevina te in kan thlen chuan kawngka ka han kik det det a, Kevina chuan a lo hawng, min hmu thut chu mak a ti lutuk "Ehee enge i lo tih dawn"

"Ka lo leng dawn, ka hman lutuk a, inah ka awm peih lo"

"Tehhlawl a ilo kal khat sia"

"Min luhtir ve phawt la" Tih pahin ka lut zui nghal, thutthlenga ka thut thlak chuan "Thingpui i in duh em" A rawn ti, "Aih kan rawn kal dawn ka in tawh a, a tam rih lo" Kalo ti ve mai bawk, "Kan a, tunen nge inlo kal a" Tih pahin a hawi kual leh, mawl ka van inti tak, engmah kala hrilh ve bawk silo a, a hrethiam lo dawn lutuk "Ka sawi sual anih kha, keimahin alawm kalo kal" Ka tih chuan a awih lo tih ka hria, ka mitmeng atangin dawt ka sawi leh sawi loh chu a hrethei lutuk, kum hei leh chen kan inkawm tawh, a bulah hi chuan dawt pawh ka sawi thei lo hrim hrim.

"Bathroom ah kava kal lawk" Tih pahin Jonathana chu ka signal zeuh, minlo zui ve mai bawk, Bathroom ka luh ve leh chuan "Ka hrilh ve mai dawn" Ka ti nghal "A awih dawn ami" A rawn ti leh

"Awih lo pawh ni se, ka hrilh ve duh, ka bestfriend ania, a hriat ve a ngai alawm"

"Aw pawilo, I tih chuan"

Kevina chu hrilh ve mai mah ila pawi ka tilo, a awih emaw awih lo emaw.

Bathroom atanga kan chhuah chuan, Sofa ah chuan ka thu a, Kevina lam hawi pah chuan "Thil ka hrilh che anga, I awih emaw awih lo emaw, lo ngaithla rawh" Ka ti a, alo ngawi reng, mumang ka neih atanga tun thleng chuan Jonathana chanchin chu ka hrilh ta vek, a mengphawk nasa mai,ka awm danah dawt ka sawi a ring bawk silo, a awih chiah bawk silo, awm ngaihna pawh a hrelo, "Tunah a awm ve maw" A rawn tih chuan, "Aw awm e, ka bulah hian a thu" Tih pahin Jonathana chu ka va melh, ani kahin Kevina zawk chu alo en daih bawk si, Kevina ka en ve leh, "Fiah rawh, thil a khawih thei i tih kha, a tih chuan Jonathana chu ka en, ani pawh chuan TV remote chu a la a, a hmet kual vel.

Kevina chu ka en leh, a mengphawk nasa mai, "Aw ka awih mahse, a van mak,a takah ka vawikhat hriatna", a rawn tih leh chuan a hmel ka en a, ka nuih ta vak vak mai, a hmel awmdan chu nuihzatthlak zawk, hetiang em ema a mak ti hmel hi ka la hmu ngai lo hrim hrim.

A awih ta chu ka lawm angreng viau, hetu hi chuan hrilh tur ka nei ve dawn ta, tiin ka lawm ru hle mai.

Kan titi char char avang chuan sana pawh kalo en lo, ka en meuh chuan alo tlai tawh lutuk, dar 4 alo ri tep tawh, kan hawsan ta phawt a, haw kawngah chuan Jonathana chuan "Ava lawmawm ve, kha i thian pa chuan a awih ve hram alawm" A rawn ti, "Nia a lawmawm khawp mai, a awih kha ka ring vak lo a, mahse kha a awih chu anih kha" Kalo ti ve leh.

(Skip duai)

Mut tumin ka roomah chuan kan chho, khumah chuan ka mu thlawp, Jonathana chuan min rawn kuah leh, mahse zanin min kuahna erawh chu a danglam, keipawh chuan ka feel ka veng veng thei, ka awmdan hi keipawh ka inhrethiam lo lek lek thin, ka mipat pui ka star em chu ka ring bawk silo, mahse a lakah feelings ka nei tlat bawk si, ka nghawgah chuan a rawn thaw lum ham ham "Jonathan" Ka tih chuan "Mmm" A rawn ti ringawt, "Enge awmzia"

"Eng chu"

"Kan awmdan hi"

"I hrethiam lo maw"

"Hriatthiam tur a awm ami"
A lam chu ka hawi a, min lo melh kar mai

"Aw engmah i hrethiam lo maw"

"Aw"

"Anih chuan ka sawi kher a ngai ami"

"Eng chu? "

"Ka duh che"

A thusawi chuan min ti phuzawk thei, hetiang a sawi chu ka beisei thlawt lo ani, ka meng kawk mai bawk.

_____________________________________

Khati zawng kha ni leh phawt se, a ngaihnawm chho ve tan dawn tawh turah ngai ang,Kevina hi ka duh.Mondaya rawn dah ka tum tehreng nen, ka hman leh lo a, kar khatah vawikhat rawn dah kalo tum thin dawn nia... Chuan vot leh comment te kha duham ve deuh a, chuan in chhiar tho a, minlo follow ve ula tiraw🤭 anih leh phawt u👋👋