MY GHOST (MIZO BL)

CHAPTER-11

Ka harh chu damdawiinah kalo awm,ka bulah chuan Kevina alo thu a,ka harh tih a hmuh veleh, "I uin min hrilh a,pawi ka tihpui khawp mai che" A rawn ti nghal, "Sawi rih lo ang ka chau" Ka tih chuan a ngawi ve mai bawk, ka nu leh pa leh ka u chu an rawn lut a, ka nu chuan, "Bawiha ngatinge tunlai hi i va dam tha lo ve" A rawn ti vat,"Aaaa nu ka damlo satliah mai mai lawm,lungai suh" Ka tih chuan ani pawh chuan duat deuh hian ka luah a chul a.

Damdawiin atang chuan kan chhuak a,keipawh ka zia tawh avangin ka u chu hna kal turin ka tilui tlat a,a kal hram,ka nu erawh ka tilui thei lo,inah min awmpui a tum tlat sia,ka pa chu Kolasib ah ala awm ni awm tak ani.

In kan thlen chuan ka nu chuan ka ril tam leh tam loh min zawt a,keipawh chuan a tam thuin kalo chhang,thil kan ei mawlh mawlh lai chuan ka pa chu a rawn lut a,ka hmuh veleh "Pa enge damlo chu a an" Kalo ti vat, ka pa chuan "Ngatinge iva ngaihsak ve a"  A u nen kan inhriat thu ka hrilh ta ringawt dawt bawk, ka pa chuan "Kolasib ah inneih hmang turin an kal a,kawngah an accident anih kha,amah chiah kha hliam na lutuk lo tuar awmchhun ania,abak chu an la biak theih lo vek" A tih chuan ka thaw huai mai.

Ka khumah chuan ka mu a,Jonathana bawk chu ka mitthlaah alo lang leh, inkuah riala ka khuma kan mutdun laite kha ka ngai a,amah tawp kha ka thlahlel ani ber,mahse tunah chuan a hmel ka hmu thei lo a,ani kahin min hre bawk silo,bialnu ala nei zui, ka thil ngaihtuah avang chuan ka mittui ka dang zolo leh tawh,a rawn luang ngiai ngiai a,hruk buai pawh ka tum lo, mipa mah ni ila sawi tawh ang khan ka rilru a no a,chubakah Jonathana ka tawn atang phei chuan a no leh zual.

Karkhat lai chawlh ka lak avang chuan vawin chu intihthawven nan tiin tlangah ka kal a,mahse hun kaltawh bawk ani ka ngaihtuah ni,Jonathana nena kan kal dun laite kha ka hrechhuak lo thei lo,ka tawt up up a,mahse tap turin mittui tla tur ka nei tawh lo ani ber, Jonathana hi lo kal se, min rawn kuah leh se ka ti thin, mahse a theih tawh silo.

Skip duai

Karhnih a liam pawh chuan hma kala sawn thei meuh lo, hna chu ka kal ve thin tehmeuh mai,mahse ka hna bana min lo lawm em em thintu kha ka hrechhuak zel bawk si,ka engtih mah a tui nek lo e.

Ka phone alo ri a,Kevina alo ni ka la vat

"Hello"

📞:I hman tawh em

"Aw ka hman chu nimai,lo phei la schooty ka khalh peih lo min phur mai rawh"

📞'Aw kalo phei nghal,pawnah lo awm rawh aw

"Aw"

Phone chu a dah nghal. Vawin chu intihthawven nan tiin lenchhuah mai mai kan tum a,keipawn chuchu ka mamawh reng bawk, sunday ah hi chuan ka awl ve thin bawk em a,hman deuha ka awm chuan ka ngaihtuahna kalo kawm leh malh malh zel,ka duh lo.

Tlangah kan leng a,mahse kan veng nen chuan a inhlat lutuk,sunday a nih vang nge, kal an tam ve viau a,inngaizawng hlir an la ni zui,inngai taka an awmdun vel ka hmuh chuan ka thik lutuk,Jonathana awm ve se chuan ka khawhar biklo tur.

Kan zawna lo dingte chuan ka mit an la hle mai,Jonathana leh Christinai,mak ka ti lutuk, ngatinge theihnghilh ka tum laiin a rawn inlan, Kevina chu kheuh zeuhin "Kal dawn ang" Ka ti a,anih lah thla alo la tui nasa, "Lawk" A ti zel si "Jonathana te hi" Ka tih leh chuan ka hawina lam chu a en a, "Saw saw maw Jonathana chu" A rawn ti hu mai,a tawng ring si, a tawng ri chu an lo hre pha aniang chu an rawn hawi ta mai,Kevina chu kal sawn pui ka tum, hepa hi chu mawl lutuk mai.

"Lo ding lawk" Tih ri avang chuan ka ding a,ka hawi let zui nghal, Jonathana nen tak chuan kan inmelh fuh, rei vak lo kan inen reng hnu chuan "Lo kal teh thil sawi dun lawk ang" A rawn ti a,ka hamhaih lutuk, a hrechhuak ta aniang a, tiin ka lawm ru tho.

Kan bula restaurant ah chuan kan pahnih chauhin kan lut a, thutna lo awm remchang hmasa berah chuan kan thu zui nghal, kan thu fel chiah tihah "Tunge i nih" A rawn ti anih chu, minla hre lo anih dawn hi, keipawh chuan nun thar a nei tawh tih hriain "Min hre lo ang,keipawn ka hre lo che" Ka ti a, mahse a lu thin deuh nar nar pah hian "Dawt sawi suh, vawihnih chiah kan la inhmu a, mahse ka hmuh tawh hnu I ang ka tia,ka hmuh che hian ka hriatthiam siloin ka rilru a tawt up up zel bawk, enge kan inzawmna"  A rawn tih leh chuan lawm tur nge pawh ka hrelo.

"Lallawmkima ka nia, ni e, kan inhre thin alawm, mahse inhre satliah kan ni lo"

"Enge awmzia"

"Nangnen hian maw, kan....

" Sawi vat tache"

"Kan inhmangaih thin a,mahse i harh chhuah leh khan min hre tawh lo a"

"Engtik lai khan nge kan lo inhmangaih a"

"I taksa i chhuahsan laiin"

"Chutiang thil awihawm loh anih chu,min bum tum hlek suh"

"Ni lo e,ka tum lo, thudik alawm ka sawi"

"Kan inhmangaih amaw, chupawh dawt mipa leh nghal a sawi pawh kha i zak nange"

Thinrim takin a chhuak, thudik a duh a, thudik chu ka hrilh a, a awih leh silo a, ka hmangaih em em Jonathana kha chu a anglo riauin ka hria,mahse a ni miau bawk si.

Restaurant atanga ka chhuak chu Kevina chuan "Enge in sawi, a thinrim hmel lutuk a" A rawn ti nghal "Haw pahin ka hrilh ang che" Ka tih chuan a bu nghat a, kan haw zui ta nghal a.

______________________________________

Laklawh deuha han tihtawp hi nuam vel ltk.... A tawp tepppp ania