MY GHOST (MIZO BL)

CHAPTER-4 (Ka thik)

Choka atanga ka chhuak chu Cindy-i bulah chuan Jonathana chu alo thi reng, min rawn hmuh veleh a thu sawn a, thutthleng pakhat zawkah chuan a thu ta daih, ka va en zawk ringawt, thingpui leh chhang ka ken chu dawhkan teah chuan ka dah, titi zui mawlh mawlhin ka inkawm.

Chutia kan inkawm mawlh mawlh lai chuan Jonathana chu a tho a, ka room ah a chho ta daih, a tlai ve deuh tawh avang chuan Cindy-i pawh chu a haw ve ta a.

Ka room ah chuan ka chho zui ve nghal, Jonathana chu alo awm miah lo ka han hawi kual deuh chuan balcony ah chuan alo ding tih ka va hmu, ka phei ve nghal a, a ngawih reng avang chuan keimah zawk chuan "Vawin enge ilo tih"
Ka ti ta thawr ringawt a, "Khanu kha tunge" Tia min rawn zawh let ve tak daih avang chuan mak ka ti angreng viau "Ka thiannu, ka hrilh tawh che kha"

"Thian chauh maw"

"Aaaa diktak chuan ka bialnu hlui ania, mahse tunah chuan thian pangai ang kan ni tawh"

"I bialnu hlui nen thian in ni maw"

"Aw mahse ngati nge min zawh a"

"Ka thik"

A thusawi chu a sawi zawi bawk si, ka hresual emaw ka ti hman, mahse a hmel ka en chuan a thutak hmel bawk si

"Eng maw I sawi"

"Engmah"

A kalsawn ta daih a, tih ngaihna ka hrelo viau mai, keipawh chu ka inbual ta daih a, ka inbual hma khan Jonathana chu roomah a awm lo hrim hrim.

Ka inbual zawh chuan inhnuaiah ka chhuk a, ka nu pawh alo haw tawh, "Lawma vawin chuan chawhmeh chu i lei ta em" "Aw ka lei nual kha, fridge ah khan ka dah".Fridge chu a en zui a, an room ah chuan a lut a, ava inthlak aniang.

Ka hawi ka hawi pawh chuan Jonathana chu ka hmu mai lo, a chhuak lawk aniang tiin ngaih tha deuh chuan ka awm zui.

Zanriah kan ei thleng chuan alo la lang leh ta miah lo a, hepa hi kal bo daih a tum emawni ka ti rauh rauh, alo haw theih tak reng reng loh avang chuan ka ngaih a tha tawh lo, zawng tur chuan ka chhuak ta nge nge a.

Kawngsir thim lai deuha mihring pumrua lo ding ka hmuh takah chuan ka ve hrethei mai, hmanhmawh taka va panhnaiin, sawi pah hian "Jonathan hetah enge i tih"

"Min lo hmuh kha ka ring reng a"

"Enge i kal bo daih a, min tihlauthawng alawm"

"Minlo ngaihtuah maw"

"Aw ka ngaihtuah loh che in, ka thian alawm I nih"

"I thian maw ka nih"

"I ni lo ami"

A ngawih tak reng avang chuan "Lo kal rawh, haw ang, a tlai tawh" Ka ti a, ani pawh chu a rawn tho ve ta mai, ka hnungah chuan a chuang a, in lam panin kan tlan zui ta ani.

In kan thlen chuan roomah kan chho tlang nghal a, mutna ka siam zawh chuan kan mu zui ta nghal a, mahse zanin chu ka muhil thei mai lo, Jonathan thusawi leh a awmdan vel ka ngaihtuah chuan mak ka ti thar leg thut, ka ngaihtuah rauh rauh lai chuan min rawn ku ah thut, tawlhsawn deuh ka tum chuan minlo kuah nghet leh sawt, "Enge" Ka tih chuan "Tihian awm lawk ang" A rawn ti ve leh, ka tawng zui lo va, che lo chuan ka mu ta tawp, ka hriat loh karin kalo muhil ta aniang.

Zing ka harh chuan ka bulah chuan Jonathana alo awm tawh miah lo, hlauhthawnna chuan ka khat leh nghal vek, ngati nge maw nile.

Inhnuai ka chhuk chuan sofa-a Jonathana lo thu reng chu ka hmu, ka hahdam ta huai mai, nizan avang khan ka hlauthawn hma ta em em anih ka ring, ka biak chuan ka nuin mak a ti dawn lutuk tih ka hriat avang chuan ka be ta lem lo a, choka ah chuan ka lut zui a, thingpui chu ka in ta vel ringawt, sitting room lam chu ka hawi pah leh zeuh zeuh thin, Jonathan kal bo leh daih ka hlau ani.

Hna kal tura ka chhuah dawn chuan Jonathana chu ka va melh "Ilo kal ve dawn lo ami" Ka tih chuan mak a tih hmel hle mai, ni e, mak a ti ve viau ang, min zui turin ka la ti ngai lo hrim hrim ani "I phal ami" A rawn tih chuan ka nuih te lam lam a za zawk "Lo kal vat rawh, ka kalsan dawn che ania" A rawn tho rawng ngang mai, hetia amaha alo awm hian a khua a har ve thin tih ka hria a, ka khawngaih thar ani ber.

Jonathana hi ka tan chuan thlarau emaw ang ani ve lo a, ka khawih thei a,ka hmu thei a, ka be thei bawk, ka tan chuan mihring pangai ang ani. Engtikah emaw a kal bo a la ngaih chu ka ring a, thian ka kawm tam vak lo a, pakhat chu ka kawm ve thin a ani mai, chuvangin Jonathana kal bo hunah chuan ka khua chu a har ve viau ka ring a, kan la inkawm theih lai hian hlim taka siam ka tum ani. Puih ngaihna ka hriat loh avangin ka inthiamloh a, mahse amah pawh hian min hrethiam ve viau chuan ka hria.

_____________________________________

Khati zawng kha ni leh mai teh se, ka buai deuh a, ziahna hun pawh ka nei vaklo, min lo hrethiam hram hram teh u, a tawi tih pwh ka hria, hei pawh hi hmanhmawh deuha ka ziah ania, min lo chhiarsak avangin ka lawm ltk e..... 👋👋👋