MY GHOST (MIZO BL)

CHAPTER-8 (Ka tiam ache)

Tunlai chu hna a tlem a,ka haw hma thei hle,ka haw hi chuan Jonathanan minlo nghakhlel thei lutuk,hetia hna bang min lo lawmtu hi alawm ka duh.

Jonathana nen pawh kan inpawh sawt em em a,mahse a danglam tawh,a hma kha chuan thian pangai angin ania,mahse tunah chuan..... Ni e, kan inngaizawng tawh miau alawm.

"Vawin chiah chu kalo kal ve,ka ngai che"  Hepa hi chu aw... A tider vak vak kher zel,mahse ka tan a nuam tho, "Aw vawin chauh aw anih leh"  "Yes ka bialpa hi a fel ber"  Min tihdan vel avang chuan ka nui vur vur, ahmaa a mizia dam raih leh zawi zet kha chu a bo tawh,kan inngaihzawn atang hi chuan a thawveng sawt ni maiin ka hria.

Ka kalna apianga min zui det dettu chuan ka nuih a tiza ngang mai,lian pui si hian a duhawm em em bawk si,ka duhna a zual telh telh lehnghal, hetiang em em hian ka ngaihzawngte  ka la thlahlel ngai lo, Cindy nena kan nih lai pawn hetiang em em hian ka la vei ngai lo hrim hrim,Jonathan a hi chu a danglam bik tlat.

"Jonathan"   Ka ko a,alo hawi vat, "Engtikah emaw chuan kal bo ta la,engtin kalo awm ang?"

"Ka kal bo lo ang"

"A theih loh ang,engtikah emaw chuan i nihna ila hrechhuak anga,I kal ala ngai tho tho ang"

"Chuchu engtin nge i hriat"

"Film velah ka hmu thin,i nihna i hriat chhuah tawh chuan,min theihnghilh ang a,engtinge ka awm ang"

"Ka theihnghilh ngai lo ang che"

"Min tiam rawh"

"Ka tiam ache"

(Skip)

Ka bula kawr ha loa mu reng Jonathana chu ka melh,ka nui vur vur, mahse ka zak thar leh,nizan kha,a mit a rawn meng, min rawn en a, ani pawh a nui ver ver, a van duhawm tak,"I tha ber" A rawn tih chuan ka lo lai lutuk, ka thawhsan tur pawh chu min chelh leh rih, mahse ka tho ta nge nge a.

Sawi tawh angin Jonathana hi chu ka tan chuan mihring pangai ani a,ka khawih theih mai bakah ka be thei bawk a,buaina ber chu a nihna a hre lo hi ani,mahse engang mi pawh ni se,keichuan ka duh tho tho.

A ngai ang bawkin hna pawh ka kal leh ta ngei e,mahse Jonathanan min zui lo a,darkar rei lo te pawh ka hmuh loh chuan ka ngai nghal zel hi ka hrethiam lo,ka duh em vang pawh ani mahna.

In ka thleng chu ka hawi kual vel,Jonathana chu ka hmu mai lo,inchhunga ka zawn kual fe pawh chuan ka hmu lo,ka mangang nghal lutuk, "Enge i zawn a"  Kawngka bulah chuan alo ding reng,ka va pan hnai vat "Khawnge i kal" Ka hmel a en chuan a ngaih a tha lo tih ka hre thei, "Ka chhuak harh lawk mai mai, ngati nge i hmel chu"  Ka kuah nghal thlawp,minlo kuah let ve mai bawk, "Min kal bo San daih emaw ka tia"

"Enge maw I sawi le, ka kal bo San ngai lo ang che ka tih kha"

Min kuahna chu a thlah a,ka en chho ha,a hmel ka hmuh chian leh takah chuan ka rilru a hahdam nghal vek, "I ril a tam em,thil ei ila" A tih chuan,nui ver ver chungin choka lamah chuan kan inzui phei nghal,mahse kan inkai reng,ka thlah phal lo ani ber.

(Skip)

Mutna ah pawh chuan minla kuah reng a,min ngaih zia pawh ka hre thei, keipawn ka ngai lutuk,reilo te pawh kan inhmuh loh chuan kan inngai em em zel chu anih hi,ka nghawng ah chuan a thaw ham ham a,"Nizan kha" A rawn tih chuan ka lai lehnghal, "I vawikhatna a ni tih ka hria ania" A rawn tih leh phei chuan ka lai leh tawh lutuk,ka tawng ngam tawh lo, a nui deuh hak hak a,"I tha" Tih ringawt a rawn sawi,in thlahlel takin kan inkuah a,kan muhil ta nge nge.

Next morning

Ka harh chiah chu ka mumang ka hrechhuak nghal,ka hlauthawng leh nghal vek,Jonathana chu ka en a, alo la mu,ka lawm lutuk,zuk kunhniamin a hmuiah chuan ka kiss zeuh,min lo pawt hnai dawr a,"Khawimaw ka tho duh" Ka tih chuan min kuah nghet leh sauh "A ngai lo,la mu ve rih rawh"
"Hna kal ka ngai alawm"
"A ho lutuk ala hma"
"A hma tawh lo, a tlai tawh, nangpawh tho rawh"

Peih loh hmel zet chuan a tho ve ta nge nge,mahse kei erawh ka ngaih a tha thei lo ka mumang vang khan.

Nizan ka mumangah Jonathana chu ka hmu a,kan awmna pawh chu ka hrelo, thingkung hnuaiah kan thudun a, hlim takin kan inkawm, mahse vawi leh khatah boruak chu a rawn danglam vek a,khua a thim vek,Jonathana chu a tho a,kal mai a tum chu "Khawnge i kal dawn, min lo nghak" Ka ti a, ka lama rawn hawi pahin "Tu nge i nih" A rawn ti "Keimah Lawma ngati nge a Jonathan" Ka tih leh chuan thinrim hmel  pu chung chuan "Kal rawh" A rawn ti leh, ka hrethiam lo lutuk ka mittui chu a tla a,mahse Jonathana erawh chu engmah ngaihtuah lo ni awm tak hian a bo ta daih.

Ka mumang chungchang chu ka hrilh ve duh ta lo a,a ngai thutak lo leh anga,fiamthuah a la leh dawn tih ka hriat avang chuan ka hrilh duh ta lo a.

Ban vat vat chu ka duh,ka mumang vang khan nilengin ka ngaih a tha lo,ka awm loh hlan hian alo bo daih ang tih ka hlau lutuk,mahse min tiam tawh a,min kalsan ngai lo ang tih leh, min theihnghilh ngai lo ang tih ka ring tlat bawk.

____________________________________

Khati zawng kha ni leh phawt se,a lem viau em,min lo hrethiam mai teh u,ka duhdan ani miau sia,mahse in lo chhiar ve hrim hrim hi ka lawm.

Hemi lo hi vawikhat kalo dah leh anga,chuan chumi bak chu ka dah tawh rih lo ang,kan exam dawn bawk sia,Friday ah ka lo tum anga abak chu exam zawhah bak ka thei tawh lo ang,ka chhungten phone an la dawn a, exam zawh atang chuan nitin ka dah theih tawh ka ring, anih leh phawt u........ 👋👋👋👋👋