MY GHOST (MIZO BL)

CHAPTER-10

"Jonathan kal suh" Jonathana chu kalo au lawm lawm a,ani pawh chu a mittui tla ka va hmu thei, auh pah hian ka pan a,ka tlan ani ber,mahse a bul chu ka thleng thei lo,ka tap nasa tawh bawk si, "Min lo nghak,min hruai ve rawh kal suh" Ka ti leh mahse ani chu a hla tial tial tho, ring tak mai hian ka bengbulah tawng ri ka hre ta a, "Min theihnghilh daih rawh,min lo zawng suh aw" Tih hi ani,mahse ka hawi kual a, Jonathana chuan hla tak atang hian a ban alo vei lauh lauh mai,a nui ver ver bawk.

Ka u chu a rawn lut a, ka awmdan a rawn hmuh chuan "Bawiha ngati nge i tah a,I dam lo ami" A rawn ti nghal,ka u hi chuan min duat em em a, keipawn ka ngai reng bawk, chutia ka u hmel ka hmu leh phei chu ka tah a chhuak zual lutuk, ka u chu ka kuah a,ka tap leh ta, ka u chuan tihngaihna a hrelo lutuk, min kuah ve tawp.

"Sawi rawh le,ka hre vek duh,engvanga ka nau duat hi heti em em a rilru naa a awm ka hre duh ania, thudik min hrilh ang che" A tih leh chuan, ni e ka u ania, hriat ve a phu alawm,mahse ka tawng hlei thei lo ka insut leh deuh hrawk thin bawk nen ka u chuan "Va inphih fai la" A ti a,keipawh chu thuawih taki ka va inphih fai ve mai bawk a.

Ka u chu Jonathana nen kan intawn atanga ka mumang thleng chuan ka hrilh ta vek, a mittui a rawn luang ngiai ngiai, min khawngaih hle tih pawh ka hre thei,min rawn kuah lehin "Kan zawng dawn nia,a thi lo ang,ka pui ang che" A ti a,mahse a theih ka ring tawh lo, ka beidawng tawh, chubakah minlo zawng suh a ti sia,ka mittui chu a tla tawp thei lo a,ka hru leh zeuh zeuh thin.

Sunday ni mahse ka u nen chuan kan inkawm char char a,kan inkhawm talo, ka dam lo anga sawiin ka nu leh pate pawh chuan pawi an lo ti lo, ka u chu engkim ka hrilh tawh bawk nen, ahmaa ka thusawi alo awih duh lo kha a inchhir thu pawh a sawi, mahse a pawi loh thu chuan ka chhang.

Zanriah kan ei lai chuan ka pa chuan "Naktuk chu Kolasib lamah kal ka ngai dawn a,thil pawimawh buaipui tur a awm a" A rawn tih chuan ka nu chuan "Enge chulam daih daih ah" A ti ve leh,keichuan engah vak ka ngai lo, ka pa chu police ania a tih dan thin ania,mahse a thusawi leh chuan ka beng a verh zawk mai "Kar hmasa kha accident an awm a,tah chuan mipa pakhat damchhuak a awm a,tunah damdawiin ah a awm a,a harh tawh a,thuzawh vel a ngai a" A ti chu ka u chu ka va melh zawk, ani chuan "Pa khawiah maw" A tih leh, kapa chuan "Kolasib" A lo ti,ka u nen chuan kan khi nghal ver ver. "Pa a thlalak i nei em" Ka tih chuan ka pa chuan "Engatan nge i tih" Alo ti vat "Ka hmelhriat kha ani maithei a, ka ti leh. Ani pawh chuan a phone chu ka hmai zawnah a lek va a, ka rin ang ngei Jonathana thlalak chu ani, ka lawm lutuk chu ka mittui a tla dawn takngial.

Naktukah kal ve nghal kan tum, ka thawhna te chu ka bia a,chhungkaw thila zin a ngaih thu hrilhin chawlh ka la a,ka nu leh pate bulah pawh ka thianpa nu a boral a, ka ti a mahse lunglei ka sawi lo thung,ka nu leh pate chuan an remti vak lo nain, " Ka uin min kalpui dawn tho a," Ka tih takah chuan an remti ve ta nge nge a, ka lawm lutuk.

Ka pa aiin kan chhuak hmasa a,ka u nen kan ni bawk nen ka hahdam sawng sawng thei.

Skip

Kolasib kan thlen chuan hospital lam kan pan nghal a,ka pa hnen atangin a awmna vel kan hriat avang chuan kan buai vak lo, kan va hmu ta vat a, mahse a bulah chuan hmeichhe pakhat hian a kut alo vuan a, a muttui pawh a tla,mahse a mitmeng a nung sar a,a hmeltha em em zui, a nau pawh a ni thei ka ti a,ka u chu ka melh zeuh ani pawh chu va kal hnaiin "A muhil ami" A va ti" Chunu chuan "Aw nichin deuh khan a muhil a, tunge i nih a" A lo ti let vat "A thianpa u ka nia, tunge i nih zawk a" A ti let ve leh, Chunu chuan "Christina ka nia a bialnu" A ti anih chu, ka awih thei lo, mak ka ti lutuk mahse a ni ve thei tho a.

Ka u chuan "Chutia a that chuan a lawmawm e,keini pawh kan hawi ange" A ti a, ka lamah chuan a rawn kal a, Christina inti chuan "Anih leh phawt aw" A la rawn ri zui,a hmeltha si,a fel hmel si,a bialnu pawh alo ni mahna.

Ka pate an rawn kal avang chuan ka u nen chuan kan biru vat, mahse an tawng hriatphaknaah tho ani,Jonathana chu a harh a,ka pa chuan thil a zawt tan,an accident dan vel te chu a zawt a,Jonathana pawh chuan tha deuh a chhang ve mai zel bawk,ka pa chuan a hriat duh a hriat hnu chuan a chhuahsan leh ta a,ka pa chhuah rual chuan Christinai pawh chuan a zui chhuak ve nghal a,remchangah lain ka va lut tawp, Jonathana chuan mak tih hmel deuh a min rawn en pah hian "Ka hria che em" A rawn ti "Keimah Lawma kha" Ka tih chuan "Thianpa min hai ani lo maw" A rawn ti leh,ka mittui a rawn tlak takah chuan "E ka hai che niang" Ka ti ta ringawt ka chhuahsan ta a.

Ka u pawn mittui tling chungin minlo en ve, "U min hre tawh lo, haw ang tih tur kan nei tawh lo" Ka ti a,ka u chuan min kahin hospital chu kan chhuahsan a, Aizawl lam kan pan leh ta a.

Ka beiseina neih ve te kha engtin nge ni ang ani chuan min hre ve tawh silo a,ka hmangaih hmasa ber chuan min theihnghilh tawh, ka thin chu a rawn tawt up up a,ka thaw pawh a rang tawh ngang mai,mahse Jonathana ringawt chu ka la ngaihtuah fan a, ka theihnghilh lo ang che ti khan min tiam si a,mahse a thutiam a bawhchhia a, min theihnghilh leh si,ka mittui a tla a,ka thawh a hah bawk, a hrehawm lutuk mahse vanneihthlak takin ka u chu a rawn tlan lut vat a, a thim nghal vek.

____________________________________

Sorry aw...