MY GHOST (MIZO BL)

CHAPTER-9

Inchhung ka lut chiah chu "I chau em,I ril a tam em" A rawn ti nghal, ka thaw huai mai, "Aih chau lo,mahse ka ril a tam deuh" Ka tih ve chuan nui ver ver chungin a eitur siam sa ni awm tak chu a va la,a duhawm kher mai.

Ka nu chu a rawn ri lut phawr phawr,a thawhpui te nen an intithiamlo leh tawh aniang,a thil lei vel chu dawhkanah chuan a dah,keiin ka lo tifel nghal zel,chawhmeh lah hi a lei duhthaw thei si.

Zanah chuan ka nu chu naupang ho paper check in a buai hle,keipawh ka hman bawk a,tiin a bulah chuan ka va thu "Nu ka tih ve theih chite a awm em" Ka ti a,Ka nu chuan a bag atanga paper dang rawn lachhuak teuhin "Kha heihi lo ti ve rawh", a lo tih chuan ka lawm ru angreng,tihtur ka nei loh lutuk hi chuan ka awm thiamlo lek lek zel.

" Mu tawh ang" Rawn ti deuh chhentu Jonathana chu rum tawkin ka melh,"Ka zo tep" Ka tih chuan ka nu zawk chuan "I zawh hma chuan a pawilo zawk,mahse uluk la aw" A rawn ti daih, amah ka bia emaw a ti aniang,a awm ve tho e.

Ka nu ka mangtha hnu chuan ka roomah kan chho a,kan chhoh pah te chuan Jonathana chuan ka hnungah min kuah char char,min ngau viau aniang😅

Mutna ah chuan min kuah nghet nasa mai, "Vak vak ache, min kuah na ania" Ka ti chu "A na lo,ka ngai che lawm" A lo ti, ka khi leh nghal ver ver,a khat tawkin min kiss leh zeuh zeuh bawk nen,mut pawh a muthilh theih meuh lo.

Morning

Ka pum na chuan min tiharh,dar 5 chiah chiah alo ni,bathroom ah chuan ka lut vat,ka chhuak leh chu Jonathana alo mu silo a,ka ngaih  a tha lo nghal,mahse ka hawikual chu balcony ah alo ding reng, "Enge khatah i tih" Tih pah chuan ka va pan hnai, rawn hawi pahin "I awm silo a,ka harh a,ka lo nghak che" A lo ti ve leh,van over tak, tha deuh chuan kan mu leh,inrinni a ni bawk a,thawhtlai theih tho ka tih vanga mu leh ka ni.

Ka harh leh chu sana ka en nghal, khai a dar 9 alo ri tawh Jonathana chu kaitho vatin bathroom ah ka lut nghal..... Ka chhuak leh chu ka phone alo ri tawp chiah,Jonathana chu melh pahin "Lo la ta che Kevina anih kha, min rawn hrilh anga" Ka han ti a,a ni lah chu ngawi rengin a kut chu a en a,a mangan hmel si, "Ngati nge Jonathan" Ka ti a,a bulah chuan ka va thu phei nghal,min rawn kuah tum awm tak hian a phar a,mahse min khawih lo,mangan hmel tak hian, "Ka khawih thei lo che,engmah ka khawih thei tawh lo" A rawn tichhuak, keipawh chu ka mangang nghal hle,khawih ka han tum ve thin mahse ka khawih thei bawk silo,a tlang zel,ka mittui pawh a tla zawih zawih tawh,Jonathana erawh chu a mittui farkhat pawh a tla lo.

"Ka thi aniang" A rawn ti chhuak hlawl "Chutiang sawi suh,I thi lo ang,I taksaah i let leh anga,I dam ang" Ka ti, mahse keipawn ka thusawi chu ka awih lo zawk.

A kal bo ka phal lo a,ka hlata a awm ka remti lo,amah hi a awmchhun ani ka tan chuan ka ngaihzawng lo neih ve tawhte kha chu ka duh a,mahse ka hmangaih lo, Jonathana hi chu ka hmangaih a,hmangaihna hian gender a thliar lo,mipa leh hmeichhia chu pathianin inkawp tura a duan ani meuh mai,mahse enge a pawina,kan inhmangaih miau chuan.

Kan inkuah thei tawh lo a,mahse kan la inbe thei tal alawm,mahse a va tawk zo silo em,ka kuah chak a,min fawhna te kha ka thlahlel ngawih ngawih.

Kevina chu ka call let a,kan sawilawk tawh anih vangin bazar chu kan tum ta tho,mahse Jonathana chungchang erawh kala hrilh rih lo,kan inngaihzawn tawh thu chu a hre tawh a,mahse a hriatna pawh ala rei lo,chutih laiin tukin mai khan thil a danglam a,keimah pawn ka hrethiam lo.

Ka insiam zawh chuan  inhnuaiah kan chhuk a,chaw chu ka ei mawlh mawlh,ka ei zawh chuan ha te ka nawt a,Kevina te in lam chu kan pan ta a,schooty pawh ka keng lo,busin bazar pan kan tum tho a.

Kevina te in kan thlen chuan alo inpeih der tawh,mahse min rawn en khan ka mitmengah danglam a hmu aniang chu, "Ngati nge,iva hlim loh hmel ve,Jonathana ilo hruai lo ami" A lo ti nghal,"Hruai e,ka vei lamah hian a ding" Ka han ti chu nui ver ver hian "Anih chuan kal ang u" Alo ti ve mai,kan chhuak ta a.

Bazarah chuan eng eng emaw chu kan lei ve nasa,chawhmeh chu tlemte chauh ka lei,ka duhzawng pwh ka lei peih meuh lo,ka tha a tho thlawt lo,Kevina pawh chuan mak tih hmel deuhin min en leh vang vang thin,mahse a hnu lawkah chuan "Min hrilh vek rawh, I hmel atang diklo a awm tih ka hria ania" A rawn ti reng a,keichuan tukin zinga kan thiltawn vel chu ka hrilh,min khawngaih ve hmel hle mai,hetiang em em hian ka hmangaih ang tih pawh a ring bik lo aniang chu,"Haw mai ang u" A rawn tih chuan keipawn kalo hnial lo, kan haw ta a.

In kan thlen pawh chuan ka zawi vek,nisa bawk nen rilru thawpik nen, ka chau der mai,mahse Jonathana chuan nuihmel put ala tum hram hram,keipawh chu pangai taka awm ka tum,mahse ava harsa si em,hetiang em em hian ka rilru hi alo hah thei tih pawh kalo hre hleinem.

Mutna ah pawh ka mittui ala tla,min kal bo San se engtin nge ka awm ang, ka bula mu pawh chu a meng kar,"Kal bo suh aw" Ka tih chuan "Ka kal bo San ngai lo ang che,ka hmangaih che lawm, I hria tiraw" A lo tih chuan kalo bu nghat nghat,ka kuah leh chak takzet mahse a theih tawh siloh.

Morning

Ka harh chuan ka bul vel chu ka dap kual leh,mahse a lo awm tawh lo,nizan ka mumang chu hrechhuakin ka mittui a rawn tla nghal,ka zawng buai duh ta lo,min kalsan taah ka ring hmiah tawh,ka ring sual lo bawk ang.

Ka insum zo lo chu ka tap ta,puan chuan ka ka chu ka hup a,ka van ngai dawn tak em,hetiang tur chuan lo intawng lo law law ila ni tur ania,ka kalsan lo ang che i tih kha, min hmangaih ani lawm  ni,lo let leh rawh, ka ti a, ka mittui chu ka dang zo thlawt lo ani e.

Kal bo lo se chu tunah pawh hian a rawn kal anga,min rawn thlamuan mawlh mawlhin ka ring,mahse a thleng thei tawh lo chutiang chu,min kalsan tih ka chiang tawh em ani.

______________________________________

Keimah zawk hi ka mittui te tla dawnin ka hria, ka khawngaih eee, mahse anla intawng leh lo ang tih tunge sawi thei.

Ka rawn dah leh hun tur hi ka hre chiah lo a,mahse minlo ngaichang ve dawn nia,ka conti leh chak leh nghal tawh,mahse exam ka hmachhawn dawn bawk si,lehkha zir lamah rilru pek a ngai ve tawh sia, chuvangin ka rawn conti vat theilo maithei a,mahse kalo tum hrim hrim dawn nia......... Comment te,vote te kha min lo duhsak ve deuh ru plss..