MY GHOST (MIZO BL)

CHAPTER-7

Jonathana thusawi avang chuan ka mutchhuak pawh a reh nghal vek, a lam chu ka hawi a, ka mitah tak chuan min lo en kar "Engmaw i sawi"

"I hriat ang kha a ni mai"

"Mahse mipa i ni sia"

"Ka hria mipa ka ni tih chu, hetiang hian ka la awm ngai bik lo"

Nia keipawh hetiang ka la awm ngai bik hleinem, mahse a ni teh thut lutuk a, ka awm thiam lo a ni ber, ngawi reng chuan ka melh ta tawp, ka room a thim bawk silo nen, a hmel chu ka hmu chiang ropui mai si, a thutak em em lehnghal "Chuan engtin nge" A rawn tih leh chuan chhan dan tur pawh ka thiam lo.

Jonathana hi thlarau tih dawnin a ni thei chiah bawk silo, mihring pangai a ni bawk silo, ka hrethiam lo, mahse a lakah feelings ka nei ve tlat bawk si, mipa lakah feelings ka vawikhat neihna ani a, tunlaiah hi chuan a hluar tawh tih pawh ka hria, mahse ka chunga thleg turah ka ruat ngai lo hrim hrim.

(Skip)

Zing ka harh chu, Jonathana ka hmu hmasa ber, min lo en leh kar tawh, mahse tunah hi chuan ka ngaihbel nge mawni a danglam tlat, ka lai lutuk chu ka tho chhuak nghal daih, nizan khan ka chhang lo a, ka duh ve tho chuan ka hria mahse a rang teh thut lutuk a, sawi tur ka hrelo a ni ber.

Bathroom atanga ka chhuak chu bathroom bulah Jonathana chu alo ding reng, en chhoh deuh ha pah hian "Enge i tih" Ka han ti ve ringawt a, "Bathroom ah khan ka lut ve duh" Alo ti daih si, hre ve awm tak ka nia, ka van zak tak.

Jonathana bathroom a a luh chhung chuan ka insiam a, nghak lem lo chuan, inhnuaiah ka chhuk thla nghal, dawhkanah chuan chaw ei theih turin a awm tawh, ka ei nghal mawlh mawlh, Jonathana chu a rawn chhuk thla ve leh, ka bulah chuan thuin ngawi rengin chaw chu a ei ve, melh pawh ka melh ngam lo, ka lai zel.

Chaw ka ei kham chuan ka room ah ka chhoh san leh daih, ka thil ken tur vel chu ka siam a, hna kal tur chuan ka inpeih der, pakhat lah hian min rawn zui a tum ve leh anga, a bula ka awm chuan ka lai zel bawk si, inhnuaiah chuan ka chhuk a, engmah sawi loa chhuah nghal mai ka tum
"Bye" A rawn ti leh bawk si, hawi letin "Bye" Ka ti a, ka chhuahsan ta a.

Dawr ka thlen chuan kan pu chuan "Ehe Lawma ilo kal ka ring lo a, I zia tawh ami? " Alo ti nghal "Aw, ka pangai tawh" Ka lo ti ve mai, "Vawin chu order a tam lo a, hna a tlem deuh ang" Alo tih chuan ka lawm lutuk, haw hmaa, Jonathana hmu leh ka chak ni berin ka hria, mahse ngatinge nizan khan kalo chhan mai loh leh.

Kevin-a chu ka call nghal a, kan dawrah lo phei lawk turin ka ti, ani pawh an buai lo aniang, rei lo teah a rawn lang nghal, min rawn pan nghalin, ka koh chhan chu min rawn zawt, keichuan nizana Jonathana thusawi leh, thildang vel chu ka hrilh, a awih ka ring lo reng a, mahse mak chu a ti tho "Tak tak ami, mahse thlarau a ni sia, chubakah mipa lehnghal" A lo tih chuan "Ka hria, mipa ve ve kan ni tih chu, a mak ka ti ve tho, mahse a tak tak alawm" Ka tih chuan ka thutak zia a hria aniang, awih vak lo chung chuan "Awle" Alo ti ve mai.

(Skip)

In ka thlen chuan Jonathana chuan TV alo en, amah te chuan alo tlei ve em em awm sia, sawtia a thu mai mai ka hmuh pawh sawn hmuhnawm ka ti ania, min rawn hmuh chuan "Ilo haw tawh maw" Tiin min rawn pan nghal "Aw haw tawh chu nih hi" Ka lo tih chuan "I chau em" A rawn ti leh, min care thar vel lutuk chu mak ka ti lek lek.

Ka rooma ka chhoh chuan min rawn zui ve nghal, inthlak ka tum chuan ka bulah Jonathana a awm reng bawk si, "Ka inthlak dawn kal rawh" Ka lo tih chuan a nui huk "Enge a zah thlak loh, inthlak rawh, kalna tur pawh a awm loh hi" A tih chuan ka ngei angreng, mahse ka nam chhuak ta tho,rang deuh chuan ka inthlak.

Ka chhuk leh a, ka ril a tam deuh avang chuan noodles awm sa chu ka chhum,Jonathana lah chu min en reng pahin dawkanah chuan a thu char char bawk si, ka che khawr vek, ka lai hma si buaithlak.

(Skip)

Khumah chuan ka thu a, Jonathana chu ka bulah a thu ve, ka kut rawn vawn pah hian "Min hnar bik lo tih ka hria ania, pangai deuhin min chhang tawh rawh" A rawn tih chuan ka buai lehnghal vek, mahse ka inthunun hram hram, "Ihh aw diktak chuan keipawn ka.... " Ka sawi zo thei lo ka zak lutuk "Sawi zawm rawh" 
"Keipawn ka duh che"

"Khati mai tur kha alawm"

"Mahse.... "  Ka hmui chu a rawn hup "Mahse tih a ngai lo, tikhan kan inngaizawng ang"  A ti a, ka hmui a hupna kut chu a thlah riai riai, rawn kun hniam telh telhin "Pawi i ti em" A rawn ti, min fawh a tum tih ka hria, ka lu chu ka lo thing "Pawilo" Ka tih chuan ka sawi zo chiah min rawn fawp nghal, ka feel veng veng mai, mipa kan ni a, mahse a danglam lo, kan rilru a inhmu ve ve a, thil tha lo a ni tih pawh ka hria, mahse ka feelings hian min thunun a, ka dang zo lo ani ber, ka mipat pui ka vawikhat ngaihzawnna a ni a, mahse bialnu ka neih ai khan nuam ka ti zawk tlat, amah hian min hip em atin ni.

_____________________________________

Aw tikhan aw, karleh atang chuan ka regu theih deuh tawh ka ring, zanin pawh tum loh deuhin ka phur thutin hmanlo chungin ka rawn dah mai anih hi, anih leh phawt u 👋👋👋