Part-15
"မင်ဂယူ မတွေ့ရတာကြာပြီနော်"
မျက်စိရှေ့က ကောင်အား ကြည့်ရင်း ထွက်လာသည့်ဒေါသများအား ပြန်ထိန်းလိုက်ပေမဲ့ အကြည့်တို့ကိုတော့ ထိန်းလို့မရခဲ့
"ပြန်လာသေးတယ်နော် ခင်ဗျား ပြန်လာရဲသေးတယ်နော်"
" ငါ့ညီလေး ကဒီအကိုကို အရမ်းမတွေ့ချင်နေပုံပဲ"
"ခင်ဗျား ဒါတော့သိသေးသားပဲ"
တဖက်လူက ပြီတီတီပြုံးလိုက်ကာ
" မင်းက အရင်ကအတိုင်းခွေးပေါက်လေးပဲနော် အဟင်း အဖေတူ အမေကွဲညီလေးသာမဟုတ်ရင် ငါကသိမ်းသွင်းမိမှာပဲ"
"ကျစ် ခင်ဗျား စကားပြောဆင်ခြင်စမ်းပါ"
"ဟားဟား စတာပါ ညီလေးရာ အခုလဲ ဒီအကိုက မင်းကိုလွမ်းလို့လာတွေ့တာပါ အိမ်ကိုလဲမလာပါဘူး စိတ်ချ ပါးကတော့ငါ့ကိုတွေ့ချင်နေမှာပဲ မင်းပြောပေးပါလား"
"မပြောပေးနိုင်ဘူး ခင်ဗျားဘာသာပြော"
အကြည့်စူးစူးတို့နှင့် အံကိုတင်းတင်းကြိတ်ကာပြောလိုက်ပြီးမှ မင်ဂယူ့ရဲ့ လည်ချောင်းများ ခြောက်ကပ်လာခဲ့လေသည်။
သူနှစ်ပေါင်းများစွာ မေ့ထားခဲ့ရသည့် အကြောက်တရားများ ရွံရှာမှုများ က ပြန်ပေါ်လာကာ မျက်စိရှေ့က လူကို သတ်ပစ်ချင်လောက်အောင်အထိ မုန်းတီးမိသည်။
ငယ်ငယ်ထဲကနေအခုထိ နှိမ်ခံလာခဲ့ရသည့်အချိန်များ ပါးရဲ့အမြဲ သားကြီးဆိုသည့်စကားသံများ အမြဲစိတ်အနှောင့်အယှက်ပေးခဲ့သည့်ထိုလူ့ပုံရိပ်များက သူဖျောက်ဖျက်ပစ်လိုက်ချင်သည့် အတိတ်များသာဖြစ်သည်။
"မတွေ့ရတာကြာတဲ့ ညီလေးကအခုလိုစိမ်းကားနေတော့လဲဒီအကိုက ဝမ်းနည်းသွားပြီဗျာ "
အပိုတွေ လုပ်ပြနေသောထိုလူအား ထထိုးပစ်ချင်စိတ်ကိုမနည်းထိန်းချုပ်နေရသည့် မင်ဂယူသည် အံကိုသာကြိတ်ထားလိုက်မိသည်။
"ငါ့ညီလေး ဒီလောက်စိတ်အနှောင့်အယှက်ဖြစ်နေရပြီဆိုတော့ဒီနေ့အဖို့ တော်ပါပြီ နောက်ရက်မှ ငါ့ရဲ့ ယောက်ဖလေးကို နှုတ်ဆက်ဖို့လာခဲ့မယ်နော်"
YOU ARE READING
He Is My Sweetest Boyfriend(Ongoing)
Romanceလက်ထပ်ပွဲတစ်ခု ......။ အသုံးချသည့်သူနှင့် အသုံးချခံလိုက်ရသည့်သူအကြားဖြစ်တည်လာမဲ့ အချစ် .........။ "နတ်ဆိုးနဲ့တူပေမဲ့ အဲ့ဒီလူကနည်းနည်းချစ်စရာကောင်းတယ်" Gyuhan Fanficion