අරුමෝසම්

දහවන කොටස

ගෙදර ආව ගමන් මන් කලේ ඕෆ් වෙලා තිබුන ෆෝන් එක අරන් චාර්ජ් වෙන්න ගහපු එක. ඒක චාර්ජ් වෙනකන් මන් ගිහින් නාගෙන ආවා. තාත්තත් හය විතර වෙද්දි ගෙදර ඇවිත් තිබුනා.

'සාවින්ද්‍යා කියන්නේ මන් එක පාරක් කියවපු සෑඩ් එන්ඩින් එකක් තියෙන පොතක් අයුනි.. ඒ පොත ආයිපාරක් කියෙව්වා කියලා ඒ එන්ඩින් එකවත් කතාවවත් වෙනස් වෙන්නෙ නෑනේ...! නේද...?'

ඔලුවත් පිහදාන ගමන් බැල්කනි එකේ හිටපු මට මතක් උනේම එදා අනුක කියපු ඒ කතාව. එහෙම බැලුවොත් අනුක කියන්නේ මට කවදාවත් කියවන්න හිතන්නවත් බැරි පොතක්ද...? එන්ඩින් එක මොකක් වෙයිද කියලා නොදැන පිට කවරේ දිහා විතරක් බලාගෙන ඉන්න පුලුවන් විදිහේ පොතක්....

" දෝනා......තේ බොන්න "

පහල ඉදන් අම්මා කෑගහන සද්දෙට මන් ටවල් එක එහෙම්ම බැල්කනි එකේ අත්වැටෙන් වනලා පහලට ආවා. තේ කෝප්පේ එක්ක ක්‍රීම්කැකර් බිස්කට් ටිකකුත් අල්ල පිරෙන්නම අරන් මන් සෝෆා එකෙන් වාඩි උනේ ටිවී එකත් දාගෙන.

බලන්න එකක් හිතා ගන්න බැරුව චැනල් මාරු කර කර යද්දි හරී බඩුම තමා.... දෙරනේ යනවා අනුක ඉන්න ප්‍රෝගෑම් එකක්...!

" අපෙ අම්මා මට කියලා එව්වේ පේසල අයියා මොනා කිව්වත් උබ කටවහන් හිටපන් කියලා..."

අම්මො අනුක කිව්වේ පේසල අයියා කිව්ව මොකක් හරි කට කැඩුන කතාවකට උත්තරේ විදිහට. හොද වැඩේ පේසලායියේ ඔයාටත්...

"රිවයින්ඩ් කරලා මුල ඉදන්ම බලන්වා"

ඒක මන් ඔයිට කලින් බලපු එකක්. කමක් නෑ ආයි බලනවා. ඉතින් මන් ඒ ප්‍රෝග්‍රෑම් එක රිවන්ඩ් කලා. අනුකයි දිලුක්ශ අයියයි ක්‍රිස්ටි කියන අයියයි තමා බෑන්ඩ් එකේ අයගෙන් හිටියේ. සින්හ නාදේ.., රාවනා..., යක්කුත් පිටියට ආවා.... සින්දු ටික එයාලා ඒකේදි කිව්වා. තව කෙල්ලෙක් නටපු එකකට අනුක කෙල හැලුවා කියලා පේසල අයියා නොකිව්ව දෙයක් නැ... හිනත් යනවා හැබැයි ඉරිසියයිත් වගේ....ඒ උනාට මන් දැක්කනේ අනුක එහෙම බැලුවෙ නැ... මගෙ ඇස් වලින් එයාට බේරෙන්න බෑනේ..හ්හ් ඒ මදිවට ඒ කෙල්ල එක්ක තියලා ෆොටෝ එකකුත් ගත්තා. හොදම වැඩේ කියන්නෙ ඒ අක්කා එක්ක ඉද්දි අනුක කොටයි...