حادث غير حياتى

الفصل الثانى

اللهم صل وسلم وبارك على سيدنا محمد وعلى اله وصحبه وسلم تسليما كثيرا

مرام ها قولتى ايه يا ست محاسن
محاسن: هو فى كلام بعد كلامك يا هانم بس عدم المؤاخذه اخذ فلوسى قبل كتب الكتاب
مرام: نص قبل ونص بعد
محاسن: بس
مرام بحده: مافيش بس و ده النص الاول
محاسن: من يد ما نعدمها خلاص اللى تشوفيه يا ست هانم تحبى اجيبها امتى
مرام: انا كلمت المحامى يجوزهم بالتوكيل اللى معاه بتاع عز وادى الورق واقف على امضتها هتاخدى الورق معاكى تمضيها وتجيبيه مامضى وانتى جايباها النهارده
محاسن : بعد المغرب هتكون عندك
مرام : تمام

عند عهود
كانت تنظف المنزل وتحضر الطعام بعد ما اخذت حقنه السكر فهى مريضه سكر وراثى من والدتها
وجدت محاسن تدخل عليها وهى سعيده
عهود: حمدلله على السلامه ياما محاسن
محاسن : الله يسلمك يا عروسه
نظرت لها عهود باستغراب وقالت: عروسه
محاسن: اه عروسه مبروك كتب كتابك النهارده
عهود بصدمه: ايه
محاسن: ايه ايه يا بت بقولك كتب كتابك النهارده
عهود: كتب كتابى ايه اللى انهارده انا مش عايزه اتجوز اصلا
محاسن: ليه ياختى مش عايزه تتجوزى مش بنت زى كل البنات ولا هخللك جنبى
عهود: انا عايزه اكمل تعليمى عايزه ادخل الجامعة
محاسن بحده: وانا قلت مافيش تعليم وهتتجوزى النهارده يعنى هتتجوزى النهارده
عهود: لا مش هتجوز
قامت محاسن وجذبتها من شعرها وقالت انتى بتعرضى كلامى يابت انا يتقال لى لا دا انا ارميكى رمية الكلاب انتى وابوكى فى الشارع
عهود: ما تقدريش دا بيت ابويا
قهقهة محاسن وقالت ضحكتينى يا بت وانا ماليش مزاج اضحك بيت ابوكى ايه يا ام بيت دا بيتى انا باسمى انا
انصدمت عهود وقالت ازاى دا باسم ابويا مش باسمك
محاسن: ما ابوكى كتبهولى زمان عشان اوافق اتجوزه
يعنى تلمى نفسك وتجهزى عشان هتروحى بيت جوزك النهارده بدل ما ارميكى انتى وابوكى العاجز ده فى الشارع لكلاب السكك
عهود: بدموع حرام عليكى
محاسن: حرمت عليكى عيشتك يلا غورى اجهزى
دخلت عهود غرفتها تبكى نظر لها والدتها وحاول ان يتحدث ولكنه لم يستطع ذهبت له ونامت على قدمه تبكى وضع هو يده على راسها

بعد وقت دخلت لها محاسن
محاسن: انتى يا بت لسه ماجهزتيش
عهود: ارجوكى بلاش عشان خاطرى
محاسن: يلا ياختى مالكيش خاطر عندى قومى انجزى
ثم نظرت لها وقالت عشر دقائق لو ما قومتيش لبستى هخدك بالهدوم اللى عليكى وانتى عرفه انى ما بقولش كلام وخلاص ثم تركتها وخرجت
ابدلت عهود ملابسها وهى تبكى فهى وافقت خوفا ان تبقى فى الشارع هى ووالدها
خرجت من الغرفه وجدت زوجه والدها تمسك فى يدها اوراق وتقول تعالى امضى
نظرت عهود لها نظره رجاء ان تغير رايها ولكن وجدت محاسن تنظر لها بحده وتقول اتحركى بسرعه يلا ذهبت لها ومسكت القلم بيد مرتعشه وهى تنظر لها وتقول عشان خاطرى بلاش ولو على الفلوس انا هنزل ادور على شغل وهشتغل وهجيب فلوس
محاسن: فلوس ايه يا ام فلوس انتى مفكره الملاليم اللى هتاخديها لو اشتغلتى دى فلوس انتى عارفه انا هاخد كام من الجوازه دى
عهود: يعنى بتبيعينى عشان الفلوس
محاسن: ببيعك بدل ما تقولى كتر خيرها هتجوزنى وتسترنى بدل ما انتى بايره ومش لاقيه اللى يبص فى خلقتك
عهود: انا مش عايزه اتجوز اصلا
محاسن : انتى هتقعدى تجدلى كتير امضى واخلصى بدل ما اقوم امسح بيكى بلاط الشقه وهخليكى تمضى برده
نظرت لها عهود بدموع وقالت بداخلها حسبي الله ونعم الوكيل ومضت واصبحت عهود حرم عز التهامى
اخذت محاسن الورق وقالت يلا
عهود بدموع: هسلم على بابا الاول
محاسن : طيب يا اختى سلمى وخلصينا
ذهبت عهود واحتضنت والدها وهى تبكى وقالت هجيلك على طول مش هسيبك
نظر لها والدها بدموع فهو لا حول ولا قوه له
ثم تركته وخرجت من الغرفه ثم وخرجت من الشقه باكملها مع محاسن لبدء حياه جديده مع زوجها هل هى حياه سعيده ام حزين سنرى