සුදු රෝස 🤍

Chapter 02

හංසි මිස් බස් එකෙන් බැස්සට පස්සේ චෙස් කණ්‌ඩායමේ ලමයි හැමෝම එක්කෙනා පිටිපස්සේ එක්කෙනා බස් එකෙන් එලියට බැස්සා.

'ඔන්න එහෙනම් ඉස්කෝලේ නම්බුව රකින්න හැමෝම...මං කෝච්ව හොයන් එන්නම්. එතකන් හැමෝම එක තැනකට වෙලා ඉන්න'

හංසි මිස් ගියාට පස්සේ මිස් යනකන් බලන් හිටපු තිවේන් කට ඇරියා

'අනේ මේ මචෝ නම්බුවට බම්බු ගහගන්න කියල එනවකෝ යන්න ටොයිලට් එකට'

'නට් ලූස්ද තිවේන්? දැන් ආවා විතරනේ,තමුන්ට දියවැඩියාව ද?'

තිවේන් අහපු ගමන් ආකාෂ් අනිත්පැත්තට ඇහුවා

'එනවකෝ සගෝ මෙතන මුදා හරින්න කලින්'

'අපෝ හරි හරි ඔය අඩවැඩියාව නවත්තගනින්'

ආකාෂ් ලමයි ඉන්න පැත්තට හැරුනේ යන්න කලින් අවවාද දෙකක් තුනක් දෙන්න

'මං මේ හැමෝටම කියන්නේ අපි දෙන්නා පොඩ්ඩකට ගිහින් එනකන් මෙතන විකාර කරන්නේ නැතුව ඉන්න. මං විශේෂයෙන්ම ඔය පොඩි උන්දැල ටිකට කියන්නේ'

ආකාෂ් කිව්වේ විශේෂයෙන්ම අවුරුදු 15 පහළ කණ්ඩායමේ ලමයි දිහා බලාගෙන

මොන විහිලු කරත් ආකාෂ් කියන්නේ තමන්ගේ රාජකාරිය හරියට කරන කෙනෙක්. ඒ නිසා ආකාෂ් ඉස්කෝලෙ වැඩ වලදී ටිකක් සැර කෙනෙක් කියලා හැමෝම දන්නවා.

ඉතින් මේ නිසාම ඉස්කෝලෙම මේ hp කොලුවට බයයි. හැබැයි බයයි කියල ආකාෂ් විහිළුවෙන් ඉන්න වෙලාවට එයාව කථාවට අල්ල ගන්න එයාගේ පංතියේ ලමයි අමතක කලෙත් නෑ

'ටග්ගාලා වරෙන්කෝ මගුලක් කරන්නේ නැතුව'

'තිවේන් මං hp-

'hp උනාට කමක් නෑ උබේ රෙදි ගලවන්න කලින් මෙන්න මෙහෙ වරෙන්'

තිවේන් ආකාෂ් වත් අතින් අල්ලගෙන ටොයිලට් පැත්තට ගෑටුවා

'අතෑරපන්කෝ මගේ අත...මිනිස්සු වැරදි විදිහට හිතනවා මචං'

'ඇයි දැන් මොකක්ද ප්‍රශ්නේ?'

'උබ මේ මගේ අතිනුත් අල්ලන් යන්නේ ටොයිලට් එකට සගෝ.'

ආකාෂ් ඒ කිව්වම තිවේන් එයා දිහා කිණ්ඩියට වගේ බැලුව