روايــــة كـانــوا وحـوشـاً بــل ذئـــــــاب
بـقـلـم الــكــاتبـــه سُـــــــلاف حـــمــد
المقدمــــــــــة:
نادل: معليش من سمحلكن تجلسن هنا؟
تيسير: كيف يعني؟
كوثر: بلكي لازم ندفعو ع طاوله؟
خلود: لا ما اعتقدش
مايا: غير اسكتن وخلن الراجل يحكي .. كيف يعني من سمحلنا؟
نادل: حضرتك الطاوله هذي محجوزة!!
مايا: حضرتك!
سما: هذا يلي مسكتي فيه يعني؟
سما: كيف محجوزة هذا مطعم، عادي لقينا طاوله فاضيه و خذيناها
نادل: في راجل حجز الطاوله هذي خصوصا عشان موقعها مقابل للمنظر يبي يحتفل بعيد ميلاد بنته لذلك ياريت تسمحولي نغير طاولتكن
مايا: هي هي شنو هذا لنا ساعه نحنه هنا وطلبنا حتى الطلب
كوثر: معليش هذي طاولتنا كان حكيتو من البدايه
نادل: حضرتكن ياريت تفهمني النادل يلي قبلي معندش علم بس العائلة قريب توصل و حتصير مشكله
تيسير: تبي نوريك المشكله توا؟
مايا مسكت يد تيسير .. مايا: اسكتي
خلود: خلاص بنات خلينا نوقفو، نحنه شربنا العصير ونشوفو طاوله اخرى واساسا المكان مستفز كان نروحو خير
اينور: صاح بلاش مشاكل هيا نطلعو نبرموا نشوفو المكان شويا و نروحو
كوثر: لكن!!
جمانة: غير هي بس تحركي
وقفن وطلعن من جناح العائلات و تيسير و كوثر مش عاجبهن
مايا: بنات خلاص مفيش داعي للنكد!!
جمانه: وين إيلاف طولت
تيسير: رنن عليها
مايا: تلفونها ف شنطه
خلود: خلونا نستنو هنا تو تجي و نمشو
سما: شوفن المنظر برا خياال الحوض و الزرع خلونا نمشو نصورو برا
كوثر: اصبري شوي
خلود: بعد نصورو خلونا نرنو على هلنا و نروحو معجبنيش المكان بكل
تيسير: ولا انا فوضى مفهمتش شنو فيه؟
سما: به هيا نمشو ع سريع و نردو هنا
مايا: إيلا....
سما: بسرعه يا بنات هيا
مسكت يد تيسير و مايا و سحبتهن بقوة و مشن.....
الـحلقـــــة الــســــادســة (طـرف الـخـيـط)
_ "واخيرا قدرت نوصلك يا إيلاف"
لتفتت بقوه لأن الصوت مألوف ليا
_نقدر نفهم وين مختفيات؟
إيلاف: كرم!!
كرم يبحت فيا وباين عليه انه مش عاجبه
كرم: ايوا كرم.. ليا ساعه ندور فيكن و مش حافظ غيرك من صحبات كوثر كويس، لا هي ولا انتِ شفتكن
انا نبحت فيه و مش فاهمه حاجه و من وين جا فجأة
إيلاف: ك كيف جيت هنا؟
كرم: بعد سمعت انكن هنا طلعت من الامتحان وجيتكن، المكان هذا معروف مش كويس كيف جايات بروحكن؟ حتى انا و صحابي منحبوش نجو رغم ان مختلط يخششو اي شخص... لا وجايات في اليوم يلي فيه حفله!! الدنيا فوضى، وبعدين وين البنت يلي اسمها كوثر و الباقي كنك بروحك؟
أنت تقرأ
روايــــة كـانــوا وحـوشـاً بــل ذئـــــــاب
Mystery / Thrillerحسابي الانستجرام•• novels_writer_07 ــــــــــــــــ مع بداية العام الدراسي الجديد، مع الحماس الذي يملأ قلوبهن، تجد سبع طالبات أنفسهن غارقات في أسئلة لا نهاية لها. بينما تحاول البطلة التعامل مع مشكلة عائلية تكشفها بالصدفة، تواجه كل صديقة تحديًا من...
