روايــــة كـانــوا وحـوشـاً بــل ذئـــــــاب
بـقـلـم الــكــاتبـــه سُـــــــلاف حـــمــد
المقدمــــــــــة:
يقولون "اعتزل كُل ما يؤذيك " فهل لي أن اعتزل عائلتي و جميع العالم و اذهب إلى حيثما ذهبت امي..
الـحلقـــــة الـخـامـســــة (واقـع مـؤلـم)
اينور نشرت العباره يلي في المقدمة على حسابها في الانستغرام و حطت راسها على طاوله المكتب و بدأت تبكي
قبـل ساعتـين:
اينور كانت في الصاله و تتصفح على الانستغرام و فجأة جتها رساله من شاب "احمد
احمد: هلا.. بديتي مدرسه؟
اينور: اهلا .. بديت امس
احمد: وكيف كانت ثانيه ثانوي؟
اينور: ماخذينش حاجه مازال
احمد: به ان شاء الله بالتوفيق
اينور: شكرا
وبعدين لاحظت زوجة ابوها منى واقفه على مدخل الصاله ومركزة معاها .. ابتسامة اينور اختفت و توترت و طفت التلفون
منى: مع من كنتِ تحكي؟
اينور: مع البنات
منى: وليش خفتي و توترتي هكي؟ عطيني خليني نشوف تلفونك
اينور: مفيش حاجه شنو تبي تشوفي؟
منى: اينور تكذبي اخرى؟ انا نعرفك بعد تكذبي لما جيتكم كان عمرك 6سنين نعرف حركاتك كلها .. جيبي التلفون ولا نحكي للباتك يشوفه هو؟
اينور خافت و عطتها التلفون بتردد
منى فتحت التلفون و كانت على المحادثه و عطتها نظرة وهي مصدومه و ردت تقرا ف الكلام و قعدت تنزل و تشوف في المحادثات القديمه
اينور وقت منى كانت تقرا: منى خليني نفهمك تمام مش زي ما يخطر في بالك نحنه اصدقاء لا اكثر و منحكوش واجد اساسا
منى: نقدر نفهم من الشاب هذا ومن امتى تحكي معاه
اينور: منى شفتي المحادثة مفيش شي غلط هو ضافني بس و حكينا كم مره بس
منى: شفت شفت بس من امتى تحكي مع شباب انتِ؟ شنو عرفني لو انك مش دايره حاجات اخرى
اينور: شنو بندير مثلا؟ مش انتِ تقولي انك زي اختي الكبيره و انا نحكيلك على الاساس هذا صدقيني مفيش حاجه اخرى نحكو برسميه هكي بس يعني..
منى: اسكتي.. معندنش نحنه اصدقاء و منعرفش شنو .. صالح لو سمع الكلام هذا منعرفش شنو ممكن يدير تحسابي بيقول لا مفيش كلام غلط في المحادثه و عادي، عيب عيب وين هذا!!
اينور: تمام انا عارفه خلاص معش حنحكي معاه مش مشكله و عطيني تو نحذفه قدامك توا
منى عطتها نظره غريبه 😒
منى: تبي تضحكي عليا بكلمتين توا يعني؟ تحسابيني هبلة و كأني منعرفش قديش انتِ خبيثه و الحركات يلي منهن تصير مشكله بيني و بين باتك .. تحكي بأستهزاء: اختي الكبيرة 🙄 بطلي بطلي حركاتك هذينا
اينور تبحت فيها وهي مصدومه هذي نفسها الانسانه يلي ديمه تضحك و ادير في حاجات مطلبتهنش منها عشان ترضي بابا طلعت شايله في قلبها و كأنها تنتظر فيا نغلط
أنت تقرأ
روايــــة كـانــوا وحـوشـاً بــل ذئـــــــاب
Mystère / Thrillerمع بداية العام الدراسي الجديد، مع الحماس الذي يملأ قلوبهن، تجد سبع طالبات أنفسهن غارقات في أسئلة لا نهاية لها. بينما تحاول البطلة التعامل مع مشكلة عائلية تكشفها بالصدفة، تواجه كل صديقة تحديًا من نوع مختلف، وبينما تتشابك خيوط الأسرار وتزداد الأمور غم...
