روايــــة كـانــوا وحـوشـاً بــل ذئـــــــاب
بـقـلـم الــكــاتبـــه سُـــــــلاف حـــمــد
الـحلقـــــة الـرابعــة (خيــال أم حـقـيقــة)
فتحت عيوني و جاء في بالي أن يلي صار معايا كله مُجرد حلم، حتى سمعت صوت البنات••
كوثر، خلود: ناضت ناضت
تجمعن كلهن جنبي و معاهن مس تهاني
مس تهاني: إيلاف كويسه .. تسمعي فينا؟
قدرت نستوعب إني مزلت في المدرسه و حاليا قاعده في المستوصف الخاص بالمدرسه
كوثر: شنو صارلك يا بنتي .. ليش اغمى عليك فجأة!!
لتفتت عليها و تذكرت الشيء يلي شفته في المخزن و دموعي نزلن لا ارادي
سما: إيفو🥺.. ليش تبكي قوليلنا شنو صار معاك
مس تهاني: إيلاف يوجع فيك شيء تحبي ناخذوك للمستشفى او نتصلو بأهلك؟
إيلاف: لا ما فيا شيء .. و اكيد حيجو قريب اساسا
كوثر: إيلاف احكيلنا متخوفينيش
خش استاذ مالك
مالك: ردت لوعيها؟ خوفتينا عليك يا إيلاف .. كيف حالك توا
إيلاف: تمام الحمدلله
مالك: به تقدري تقوليلنا شنو حسيتي؟ الممرضه طمنتنا؟
إيلاف: كك. كنت ناخذ في الصندوق يلي قالت عليه مس تهاني
كلهم يبحتو فيا و يستنو بفضول شنو بنحكي
إيلاف: وبعديين
مالك: وبعدين؟
إيلاف: بعد ما جت عيني على تحت شفت...
مايا: شنو؟؟
إيلاف: شفتت دم .. دم
كوثر: دم!!؟
كلهم نصدمو
مس تهاني لفت على مالك .. و استاذ مالك بحت فيها
كوثر: دم شنو إيلاف؟ و كيف اغمى عليك؟
إيلاف: ماهو لما انا شفته خفت و منعرفش توترت و خبط راسي في الرف بالقوه و بعدها معش حسيت بشيء
مس تهاني: ماهو نحنه سمعنا الصوت و جيناكي في نفس الوقت ..... و دقيقه دقيقه .. دم شنو يلي تحكي عليه من وين يبي يجي الدم؟ انا دخلت و شفتك على الارض .. و ناديت استاذ مالك وهو يلي شالك وجابك هنا و حتى هو شاف مكانش في دم ولا حاجه .. صح يا استاذ مالك؟
استاذ مالك: بحت فيها ... ص صح
إيلاف: ايوا بس انا شفته
مس تهاني: يا حبيبتي يعني بالعقل كيف يبي يكون فيه دم.. ، اكيد يتهيألك... يعني حتى لو بديتو ضغط في الدراسه نقولو بس مازال هذا ثاني يوم شنو يلي شاغل بالك هكي
مكانش عندي كلام نقوله رفعت راسي و نظرتلها بأستغراب و بعدين قلت للبنات خلينا نطلعو بلكي بابا جاء ... و نحنه نمشو في الممر:
استاذ مالك: بنااات..
التفتنا عليه
إيلاف: نعم يا استاذ؟
بحت فيا و بعدين في البنات
كوثر: انت متاكد يا استاذ ان مشفتش شيء جوا
استاذ مالك: بنات شوفن مش كل شيء نسمعوه او نشوفوه حقيقي .. لذلك يا إيلاف انسي يلي شفتيه و متفكريش فيه تمام؟ و ديري بالك على نفسك ... حتى انتن يا ينات
جمانه: تمام يا استاذ .. شكرا اكيد انت مش ديمه تبي تنقذنا
استاذ مالك: 😊 تفضلن
و مشينا
أنت تقرأ
روايــــة كـانــوا وحـوشـاً بــل ذئـــــــاب
מתח / מותחןمع بداية العام الدراسي الجديد، مع الحماس الذي يملأ قلوبهن، تجد سبع طالبات أنفسهن غارقات في أسئلة لا نهاية لها. بينما تحاول البطلة التعامل مع مشكلة عائلية تكشفها بالصدفة، تواجه كل صديقة تحديًا من نوع مختلف، وبينما تتشابك خيوط الأسرار وتزداد الأمور غم...
