روايــــة كـانــوا وحـوشـاً بــل ذئـــــــاب
بـقـلـم الــكــاتبـــه سُـــــــلاف حـــمــد
المقدمــــــــــة:
"أكـثــــر مــا يـؤلـم هـو الــشـعور بــأن كـلـمـاتـنـا تـظـل غـيـر مــسـمــــوعـة، وأن مـشـاعـرنــا تُـعتبـر مجـرد أهـــواء عـابــرة."
الـحلقـــــة الــثـامـنــة (بــدايـــة الــنـهـــايــــة)
ساعة 7:40 الصبح:
كانن البنات واصلات ماعدا اينور وخلود .. خشيت و سلمت عليهن .. طبعا مقدرتش نرقد من بعد موضوع معاذ و كان باين عليا اني متضايقه
كوثر: إيلاف؟ كنك
سما: صاح باين انك زعلانه شنو فيه؟ .. صارت حاجه على موضوع امس؟
مايا: متقوليش هلك سمعو بالموضوع؟
إيلاف: لالا ملش علاقه
كوثر: به شنو فيه
إيلاف: معاذ امس...
كنت نبي نحكي لعند ما شفت اينور جايه من بعيد و عيونها دموع و اول ما شفتنا بدت تبكي
جمانه: شنو احكي؟؟
إيلاف: هذي اينور؟؟ كنها تبكي
سيبتهن و مشيت اتجاهها و لحقني على طول و قتها شفنا عيونها كيف باين عليهن التعب من البكاء
كوثر بصدمه: اينور شنو فيه!!!
اينور حضنتنا و بدت تبكي ..
خذيناها على التواليت و بعدين جلسنا في مكانا المعتاد و بدينا نحاولو نفهمو منها شنو الموضوع
اينور تحكي وهي ماسكه نفسها من البكاء: امس قالتلي منى ان صحبتها و بنتها جايات و اني لازم نساعدها في الضيافه
إيلاف: تمام؟
اينور: طلعت صحبتها جايه تتعرف عليا و تبي عروس لولدها
كوثر: نعم!!
مايا: كيف يعني؟ مقالتلكش هي؟
اينور: لا تخيلي كنت جالسه معاهم زي الهبله منعرفش شي و المشكله مفهمتهم اني موافقه و ان معنديش مشكله و اني مناسبه و بيرفكت في كل شيء و كأن معنديش رأي ولا قرار
خلود: كيف يعني؟ كيف تحطك في الموقف هذا؟
إيلاف: به ليش ما حكيتي و فهمتي صحبتها انك متبيش
اينور: كنت نبي نحكي وقفت و سألت و قلتلها شنو قصدكم وعن شنو تحكو .. قعدت منى تقول هي خجوله و كلام زايد منعرفش شنو علاقته و بعدين سارة هذي قررت تمشي و قالتلها نستنو منكم رد
جمانه: حي على الاستفزاز!!
إيلاف: كملي كملي
اينور: بعدين طلعو و قعدت نحكي مع منى و حكيتلها بأي حق تتصرفي بدون ما تاخذي رأيي و المفروض سألتي الاول
سما: شنو قالت؟
اينور: قعدت تقول ان لو سألتك كنتي بتوافقي يعني .. و ان العريس مناسب و انت مش صغيره و هما مش مستعجلين و كلام هكي
كوثر: شنو دخلها انت صغيره ولالا هذا قرارك
إيلاف: دقيقه .. كيف محكيتيش لعمو صالح؟ احكيله و خليه هو يتصرف معاها
كوثر: بالضبط اها .. عندها بنت تجوزها بعد تكبر شدخلها بيك
اينور: ماهو انا ليش منهاره يا بنات!!
سما: كيف يعني؟
خلود: اينور حكيتي مع عمو صالح يعني؟
اينور: حكيت .. و ياريتني ما حكيت
أنت تقرأ
روايــــة كـانــوا وحـوشـاً بــل ذئـــــــاب
Misterio / Suspensoمع بداية العام الدراسي الجديد، مع الحماس الذي يملأ قلوبهن، تجد سبع طالبات أنفسهن غارقات في أسئلة لا نهاية لها. بينما تحاول البطلة التعامل مع مشكلة عائلية تكشفها بالصدفة، تواجه كل صديقة تحديًا من نوع مختلف، وبينما تتشابك خيوط الأسرار وتزداد الأمور غم...
