مع بداية العام الدراسي الجديد، مع الحماس الذي يملأ قلوبهن، تجد سبع طالبات أنفسهن غارقات في أسئلة لا نهاية لها. بينما تحاول البطلة التعامل مع مشكلة عائلية تكشفها بالصدفة، تواجه كل صديقة تحديًا من نوع مختلف، وبينما تتشابك خيوط الأسرار وتزداد الأمور غم...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
استاذ ايمن: حضرتك تقدر تدخل معايا للمكتب بلاش نحكو قدام الطالبات ضابط: تمام.. لتفت على الشرطي يلي معاه : خليك هنا أي شيء يصير ناديني الشرطي: تمام
خش الضابط و استاذ ايمن و فهيم *والد رغد
استاذ ايمن: تحب تشرب شيء؟ ضابط: لا شكرا فهيم: معليش مش وقت الكلام هذا انا بنتي مفقوده ومنعرفش شنو يلي ممكن يكون صاير معاها و.... ضابط: استاذ فهيم تطمن انا معاك هنا و قاعد نشوف في شغلي استاذ ايمن: شوف حضرت الضابط استاذ فهيم جانا امس وسأل على بنته و نحنه قلناله ان بنته مش موجوده في المدرسه و محضرتش الا يوم الاحد ضابط: به ممكن نشوف سجل الغياب؟ استاذ ايمن: طبعا انت عارف هذا اول اسبوع لبداية السنة و مازلنا نرتبو في الاسماء و.. ضابط: يعني؟ استاذ ايمن: اا نقصد ان مفيش سجل حاليا بس سألنا زميلاتها في الفصل و قالن انها مجتش لا الاثنين ولا الثلاث و أحد المدرسات كاتبه اسماء الغياب ليوم الاثنين و هي كانت احد الطالبات ضابط: تمام فهمت.. انا محتاج انك تتعاون معانا استاذ ايمن على شان نقدرو نحلو القضيه هذي استاذ ايمن: اكيد اي شيء نقدر عليه ضابط: انا محتاج اني نحكي مع طالبات الفصل و مع المعلمه يلي سجلت الغياب و جميع معلمات فصلها و ياريت تقولي لو الطالبة حكت مع الاداره او تعاملت مع اي شخص في المدرسه اي معلومه ممكن تفيدنا استاذ ايمن: حضرت الضابط هو بصراحه كنت نفضل لو ان مندخلوش باق الطالبات في الموضوع و.. فهيم: طبعا متبيش حد يسمع و خايف على سمعت مدرستك لاكن انا لو ملقيتش بنتي حنوريك السمعة على اصولها ضابط: استاذ فهيممم... لو سمحت ضابط: تفضل شنو كنت تحكي؟ استاذ ايمن: اولا نحب نقول لاستاذ فهيم ان امر الطالبه يهمني حتى انا اكيد و كان قصدي ان منبيش باق الطالبات يخافن بس مش مشكله لو هذا حيساعد تقدر تحكي مع الشخص يلي تبيه بس تذكر ان الطالبه اولى ثانوي و كان يوم الاحد اول يوم دراسه لها هنا يعني لا اعتقد انها تعرف احد المدرّسين هنا ضابط: خلي الموضوع هذا عليا انا.. اذا بكره ان شاء الله بوجود الطالبات حنجي و نحكي معاهم فهيم: بكره؟؟ كيف هذي انا نقترح انك تفتش المدرسه و الان!! استاذ ايمن: عفوا بس انا ليش نحس انك قاعد تلوم فينا على عدم وجود بنتك؟؟ فهيم: طبعا لان على حسب كلامكم ان بنتي كانت في المدرسه الاحد و بعدين اختفت استاذ ايمن: ونحن شنو علاقتنا لو ان بنتك لا سمح الله تكون نخطفت وهي مروحه لحوشها مثلا؟ مش انت يلي قلت انها كانت تروح مشي؟ هل كان المفروض ان نمشو معاها لغاية حوشها؟ نحب نقولك بعد خروجها من باب الساحه هي ليست مسؤليتي و انما مسؤليتك انت يلي مسافر و مخليها تروح بروحها في وقت و في زمن زي هذا.. يعني منسمحلكش تعاتبني على اهمالك لبنتك!!
