روايــــة كـانــوا وحـوشـاً بــل ذئـــــــاب
بـقـلـم الــكــاتبـــه سُـــــــلاف حـــمــد
المقدمــــــــــة:
كانت صدمة يعني مكنتش متوقعه الصراحه بس حنبدا نعود نفسي على حاجات زي هكي
الـحلقـــــة الثـانـيــة (يـوم لا ينســـــى)
كلهم:
𝐻𝒶𝓅𝓅𝓎 𝒷𝒾𝓇𝓉𝒽𝒹𝒶𝓎 𝓉𝑜 𝓎𝑜𝓊 .... 𝐻𝒶𝓅𝓅𝓎 𝒷𝒾𝓇𝓉𝒽𝒹𝒶𝓎 𝓉𝑜 𝓎𝑜𝓊
مشاعري اختلطن ما بين فرح و صدمة و دموعي يلي مقدرتش نتحكم فيهن...
كان الكل موجود في السور برا ماما و عميمه و بنات عميمه و خالاتي الاثنين و يلي فاجأني اكثر البنات كانن كلهن موجودات و بما في ذلك تيسير....
سلمت عليهم كلهم وجت تيسير و حضنا بعضنا و كالعادة مقدرنش نتحكمو ف دموعنا .. وبعدين بدينا نجهزو ف الحاجات
______________________
احتفلنا و كملنا و خشيت انا و البنات جوا و قعدنا نحكو و سألنا تيسير كيف كانت المدرسه و من شافت......
تيسير: شنو رايك في المفاجأة وكيف معطيتيش ردة فعل لانه ولا وحده فينا عايداتك
إيلاف: تعرفي هذي اول مره نحس بشعور المفاجأة بالشكل هذا
تيسير: الصراحه مكنش مخططات للشيء هذا يعني كنا ناويين نعايدوك عادي و نطلعو لمكان و نحتفلو بيك برا بس عميمه اماني*ام إيلاف .. تواصلت معايا عن طريق ماما (ام إيلاف و ام تيسير صحبات) ..... و اقترحت الفكرة و قالتلي نقول للبنات و عجبتنا
كوثر: بس يلي استغربته هدوءها مدارتش شي و معدلتش
إيلاف: الصراحه في البدايه شكيت يعني كلكم ولا واحد من هلي و لا وحده فيكن تذكرت بس بعدها قلت خلاص يعني اليوم قريب ينتهي شكله نسوني جد
تيسير: الصراحة متوقعتش تكون رده فعلك هاديه هكي كنت مستنيه منك مشكلة مع البنات😂
البنات: 😂😂
مايا: حبيت خشينا كلنا في الـ17 ... ان شاء الله تكون سنة خير عليك
البنات: امين يا رب
طبعا نحنه تعرفنا على بعضنا في خامسه ابتدائي ما عادا تيسير انا تعرفت عليها من اولى ابتدائي و حكيت الشيء هذا ...
و طول السنوات يلي قرينا فيهن مع بعضنا ولا مره وحده فينا نست عيد ميلاد الثانية لذلك كان شي غريب بالنسبه ليا بس فرحتي لما عرفت ان ولا وحده نست منقدرش نوصفها ♡♡..
تيسير: بنات شنو رايكن نتفقو على طلعة مع بعضنا بما أن مازال بدايه السنة و مفيش ضغط واجد
اينور: فعلا لو بنأجلوها حيبدأ جو الامتحانات و مش حنفضو نطلعو
إيلاف: باهي وين المكان وين نمشو
سما: ليش ما نمشو للمول يلي فتح جديد في ناس واجد قالت عليه حلو و هادي
إيلاف: بس فاتح جديد اكيد عليه زحمة واجد
كوثر: بالضبط .. ليش ما نمشو للمنتجع يلي مشيناله المره يلي فاتت
جمانة: انا مش حنقدر قلت المره يلي فاتت بعيد علينا
مايا: لازم يكون مكان مناسب لنا كلنا
إيلاف: في منتجع اسمه Florida مناسب لنا كلنا هذا
مايا: كنت بنقولها بنت نعرفها وهلها مشوله خاطري نمشيله
خلود: بس عليه ملاحظات المكان هذا
إيلاف: ملاحظات زي شنو؟
خلود: صديقتي اقاربها مشوله قالو ان مش حلو
اينور: مش حلو من اي ناحية يعني
خلود: قالت مش دايرينه للعائلات يخشوله حتى الشباب و فيه شباب واجد و تحسيه فوضى
مايا: كيف هذي؟ صحبتي مدحاته قالت حتى المكان كبير واجد لدرجه متحسيش بالزحمه من كثر ماهو كبير
خلود: منعرفش هذا يلي قالته ليا
تيسير: به و الحل توا؟
سما: نمشو و نشوفوه شنو خاسرين نحنه لو معجبنش معش نمشوله
إيلاف: صح .. اساسا نحنه حناخذو طاوله مش حيصير حاجه و اكيد جلسه العائلات مش نفسها متاع الشباب
كوثر: يعني متفقين كلنا؟
جمانة: انا معنديش مشكله المكان قريب مني و عادي
إيلاف: خلود؟
خلود: خلاص مدامكن اتفقتن عليه مش مشكلة
مايا: الباقي تم؟
تيسير: انا تم
كوثر.. اينور.. سما: تم
أنت تقرأ
روايــــة كـانــوا وحـوشـاً بــل ذئـــــــاب
Mystère / Thrillerمع بداية العام الدراسي الجديد، مع الحماس الذي يملأ قلوبهن، تجد سبع طالبات أنفسهن غارقات في أسئلة لا نهاية لها. بينما تحاول البطلة التعامل مع مشكلة عائلية تكشفها بالصدفة، تواجه كل صديقة تحديًا من نوع مختلف، وبينما تتشابك خيوط الأسرار وتزداد الأمور غم...
