Look at that fluffy loaf

12

ရေမြုပ်ထနေသောbathtubထဲ၌ ဖြူဖွေးနုနယ်သည့်ခန္ဓာမှာ တပိုင်းတစပေါ်နေ၏။bathtubကြွေထည်ကို မှီကာ အတန်ကြာငြိမ်သက်နေခဲ့သောkim sunooသည် ရေချိုးခန်းနံရံမှအကြည့်ခွါ၍ မျက်ဝန်းလှလှများကို မှိတ်ချလိုက်လေ၏။

သူ၏မြင်ကွင်းထဲ၌ သွေးစက်တို့တစ်စက်ချင်းစီးကျနေသည့်လက်တစ်ဖက်ရှိသည်၊sunghoon၏ပြတ်သားသည့်မျက်ဝန်းတစ်စုံရှိသည်၊သူ့အား ကျောခိုင်းထွက်သွားခဲ့သော အားနည်းနေသည့်နောက်ကျောပြင်ကျယ်တစ်ခုရှိနေသည်။

သူဆက်မတွေးချင်တော့ဘဲ ရေဘားခလုတ်ကို သွေးအေးစွာ ဖိပိတ်လိုက်ပြီး bathrobeဝတ်ဆင်၍ ရေချိူးခန်းအပြင်သို့ထွက်လာမိ၏။ရေစိုနေသည့်ဆံသားအိအိများကို ခပ်ဖွဖွသုတ်နေရင်း တိုင်ကပ်နာရီကိုကြည့်မိရာ ည8:30။အဝတ်အစားလဲပြီးနောက် အိပ်ယာပေါ်မှဖုန်းက အချက်ပေးသံများဆက်တိုက်မြည်လာချိန် ပိုးသားသဘက်ကို ဆုပ်ကိုင်ထားသည့်လက်မှာ တဖြေးဖြေးတင်းကြပ်သွားခဲ့ရသည်။

park sunghoonလား ? sunooမျက်မှောင်တစ်ချက်ကျုံ့လိုက်မိပြီး ထိုဖုန်းကိုယူကာ ယခင်အတိုင်းဖုန်းချပစ်လိုက်ရန်ပြင်မိသည်။သို့သော်ငြား contact nameအဖြစ် ပေါ်နေသည်က သူတွေးထားသည့်လူမဟုတ်ဘဲ heeseung hyungသာ ဖြစ်နေခဲ့ပါ၏။

"hello hyung..."

sunooသည် ဖုန်းကိုနားနားမှာကပ်ထားမိရင်း Laptopဖွင့်၍စာကြည့်စားပွဲထက်နေရာယူလိုက်မိ၏။သူနှင့်heeseung hyungမှာ ဆက်ဆံရေးတစ်ခုကိုပြန်လည်တည်ဆောက်ခါစဆိုသော်လည်း သူတို့၏အချိန်အများစုကတော့ အလုပ်အတူတူလုပ်ဖြစ်ကြခြင်းသာ။

ဒီနေ့မှာလည်း လက်စသပ်နေသည့်projectအကြောင်းသာ ပိုမိုဆွေးနွေးဖြစ်ကြမည်ဟုတွေးခဲ့ပေမဲ့ heeseungဟာ သူ ထင်မထားသည့်ခေါင်းစဉ်တစ်ခုကို စတင်ပြောင်းလဲလို့လာခဲ့လေသည်။

"ကိုယ်ဒီနေ့ အန်ကယ်လ်နဲ့စကားပြောဖြစ်တယ်။ကိုယ့်မိဘတွေနဲ့တွေ့ဖို့လည်း အန်ကယ်လ်ဘက်က ဆန္ဒရှိနေပုံပဲ။ဒီတစ်ခါတော့ နှစ်ဖက်မိဘတွေ့ကြည့်ဖို့ကို ကိုယ်တို့အချိန်ဆွဲမနေသင့်တော့ဘူးမလား"

heeseungဟာ ဖုန်းပြောနေရင်းမှ face callဖွင့်လိုက်ရာ ရေချိုးပြီးခါစ ကြည်စင်နေသည့်မျက်နှာနှင့်kim sunooကို ဦးစွာမြင်လိုက်ရသည်။sunoo၏ခန္ဓာကိုယ်သေးသေးမှာ အပြာရင့်ရောင်pajamaထဲ နစ်မြုပ်ဝင်နေ၏။