فـديار: اجه رائد وكلي كلام نصدمت منه انو يريد يطلكني لان خلصت المده اضل يمهم صراحه نقهرت حيل لان تعودت عليهم وتعودت ع مريم حسبته اختي رحت احضر غراضي واني دمعه بخدي هل بيت بعد ما افوتله حضرت ملابسي وجنطتي ونزلت ودعت مريم وام رائد ومرت حسن وكل بلبيت ودعتهم صعدت لفوك ومحسيت اله سحبني رائد .
رائد: رحت كتله اريد اطلكج بس محضر اله مفاجئه ومراح اكوله ل اي شخص من كتله نطلك حسيته نصدمت ف راحت تحضر غراضه ونزلت ودعت اهلي كلهم وصعدت سحبته بحضني وبسته براسه وكتله بتوفيق بحياتجج .
فـديار: كلي هيج رائد واني حضنته وبجيت وره شويه طلعنه وهيج ودعت البصرهه ولبيهه ورجعت لبغداد وره ساعات وصلنه لبيتنهه نزل رائد وياي وفتح لباب ابويه ونصدم من شافني كبل حضني.
ابو فـديار: يابويه بنيتي هلا بيج .
فـديار: ضل بابا حاضني ويبجي وسلم ع رائد ورحت سلمت ع ماما ولبنات وضليت حاضنه ماما وابجي وكتله طلكنه اني ورائد وره شوي كال ابوي بنيتي رائد يريدج كمت اشوفه شيريد ها رائد .
رائد: سحبته لحضني وكتله انتضري سبوع وراح تجيج هديه مني .
فـديار: نصدمت شنو من هديه باسني براسي وراح .
بعد مرور اسبوع
فـديار: بهل سبوع كضيته طلعات وي اهلي وتونست بس منسيت رائد ومريم وعمتي وشتاقيتله وره شوي امي كلتلي نزلي يمه اجانه خطار استغربت منو اجه بهل وقت بدلت ملابسي ونزلت ونصدمت من شفت عمتي ام رائد اهنا ومريم وياها رحت حضنتهن وابجي وحضنت مريم وبجيت كعدنه نسولف ونصدمت من كالت ام رائد .
رائد: بهذا سبوع الراح حجيت وي اهلي وقررت اتقدم لفديار واسويله عرس للان لبنيه حبيته واريده مرتي ف اتفقت وي اهلي نروح هل ايام اجه اليوم نروح بي كعدت من صبح لبست دشداشه رصاصيه ورتبت نفسي ولبست ساعتي طبعا هاي وره مخلصت شغل عليه رشيت عطر ونزلت انتضر اهلي خلصو اهلي وطلعنه سيارتين اني واهلي ومريم بسياره واخواني وزوجاتهم بسياره وصلنه بغداد ورحنه مباشر لبيت بنت كلبي دخلنه للديوانية وحريم راحن للصاله مباشر شوي وابوي كال .
ابو رائد: اول شي بسم الله الرحمن الرحيم يابو فـديار ليوم احنا جيتنه تختلف عن كل جيات اجينكم وعدنه طلب وانشالله ما تردونه .
ابو فـديار: كول يخويه ابشر ميردك احد وانشالله ماتطلع منا وانت فرحان .
ابو رائد: والله يابو فـديار ليوم اجينه نريد قرب منكم ونطلب ايد المحروسه بنيتكم فـديار ل وليدي رائد وانشالله كلشي تفصلونه احنا نلبسه ومانقصر وياها لان هيه بنيتنهه .
ابو فـديار: والله ياخويه شريد اكلك مثل اني ع رائد خوش ولد واني من يمي اني واخوانه نكلك كبع واخذ بس لازم ناخذ رائي لبنيه وانشالله خير .
رائد: ابوي طلبه من ابوها وبقهه بس موافقته وانشالله توافق ضلينه شوي اتغدينه وخلصنه .
فـديار: نصدمت من كالت ام رائد .
ام رائد: والله ياخيتي ليوم جاين نطلب ايد هل حلوه ل وليدي رائد وانشالله ما تردونه .
ام فـديار: ياخيتي لبنيه بنيتكم وانشالله اشوف اخوانه وابوها واردلج خبر هليومين .
فـديار: ضلو للغده وراحو طلعنه نودعهم لمحت رائد فديت طولهه شيخ كلبي .
فـديار: صافنه بامان الله لان ضايجه واجت ماما كلتلي ابوج يريدج رحت لغرفته دكيت لباب كلي ادخلي كتله ها حبيبي محتاج شي .
ابو فـديار: تعالي بنيتي اكعدي ادحجي وياج .
فـديار: كول بابا .
ابو فـديار:بنيتي تعرفين ليوم اهل رائد شعدهم اجو مو وطلبو ايدج مني وستحيت اردهم لان همه خوش ناس بقه قرار يمج .
فـديار: خجلت من بابا وكتله بابا افكر وردلك جواب .
ابو فـديار: مسحت ع راسه وكتله خوش بنيتي ربي يوفقج .
فـديار: ضليت افكر وبتالي نمت كعدت صبحت سبحلت ونزلت كعدت يم اهلي ورديت خبر وكلتهم .
يتبعععع
ــــــــــــــــــــــــــــــــــــ
هلو عـمري هاذا بـارت واسـفه ع تـاخير قـلبي بس اني سابقا كلت حسب اوقات فراغي نـزل بـارت واحبـكم باي لا تنـسون تصويت 🤍.
576 كـلمه 🤍.
