فديار: كلهم خلصو زياره وضليت كاعده اني ورائد نسولف وشويه وكال كومي نفتر اشتريلج كم شغله اخذ ايدي وكمنه رحنه للسوك يم الامام دخلنه محل ملابس اخذت تركات اثنين وفساتين وكلشي احتاجه حسيت منطيني اوكي وكلي شتري يعجبج ودور اخذني لكوزمتك وهم اخذت الحتاجه واحبه مخليت بنفسي شي .
رائد: شفتهم كلهم راحو واني كعدت يم فديار نسولف شويه وكتله كومي اشتريلج اخذته للمحلات الملابس خليته تاخذ تعجبه ومبين فرحت ودور اخذته لكوزمتك واخذت تعجبه وخلصنه ورحنه خلينه بكوستر ورجعنه كعدنهه ننتضر اباوعله وجهه نور من حجاب وعيونه ناعسات اريد الزمه وابوسهه لزمت ايده وبسته ودور ضلينه كاعدين وره نص ساعه اجو اهلنه .
فديار: من رجعنه من سوك راح يودي غراض للسياره ورجعنه كعدنه ضل يباوعلي اني توترت وخجلت ونزلت راسي هوه اخذ ايدي وباسه ضلينه كاعدين شوي واجو اهلهم اردف رائد .
رائد: يمه اذا ماعدكم شي يلا هم يالله نتوكل ورانه طريق .
ام رائد: لا يمه خنتوكل .
فديار: كمنه رحنه للسياره ورائد لازم ايدي ويمشي كدامهم وصلنه وكعدني بمكان وهوه كعد وكلهم صعدو وصارت دنيا ليل كلي خلي راسج ع كتفي ونامي مبين تعبتني .
رائد: رحنه للسياره صعدنه بيه كلهم صعدو واني كعدت يم فديار وصار اليل وكلت لفديار تنام فتحت ايدي اله وكتله يلا بنيتي نامي وصدك نفسه ثكل ونامت بعد 3 ساعات يلا وصلنه لان طريق طويل كعدت فديار .
فديار: من بعد مانمت ماحسيت اله وسياره وكفت وكعدني رائد حمحمت وكمت نزلنه وكلمن راح لبيته واني ورائد صعدنه لغرفتنه هوه ذب ملابسه ونام ع جربايه اني رحت سبحت ولبست شلحه ورجعت نمت بصفه سحبني لحضنه ونمنه بهدوءء .
ـــــــــــــــــــــــــــــــــــــــ
في الصباح
رائد: كعدت ساعه ب6ونص لان اليوم عندي التحاق رحت سبحت ولبست زي العسكري وجاي البس وسمعت صوت وراي درت وجهي ولكيته فديار ستوه كاعده اردفت بهدوءء .
فديار: اني نايمه وحسيت اكو حركه يمي فتحت عيوني شوي شوي وشفته رائد ديلبس زيه العسكري اردفت بهدوء وكتله وين تريد دار عليه وكلي بنيتي لازم التحق صارلي اهواي مرايح خلصت عطلتي اني ضجت ونزلت راسي هوه اجه يمي واردف .
رائد: كلتلي وين تريد ومن كتله التحق حسيته ضاجت ونزلت راسه رحت يمه ورفعت راسه وبسته وكتله بنيتي ماطول اسبوع واني يمج وداعت عيونج الحبهن .
فديار: رائد اهواي سبوع ضل اهناك واني ماكدر والله .
رائد: يابنيتي چـا شسوي مجبور اروح واني اخابرج كليوم ونفتح كام تمام عمري؟
فديار: تمام كليوم ومو تنسهه وحضنته من ركبته خليت راسي بركبته واشمشمه بيه مدري شبيه وخرني عنه وراح طلعت وراه نزلت جوه لكيت عمتي كاعده صبحنه عليهه .
فديار: صـباح الخير عمهه .
رائد: صباح الخير الغاليه .
ام رائد: صباح العافيه يمه ها يمه وين تريد اشو لابس ملابس دوام .
رائد: اي والله يمه خلصت عطلتي ولازم ارجع للدوام .
ام رائد: خوش يمه محروس بل نبي انشالله .
رائد: يمه ديربالج ع فديار واذا صار شي تصلي عليه جاي احجي ونزلت مريم اردفت .
مريم: صباح الخير خويه .
رائد: صباح النور بنيتي .
مريم: ها خويه راح تلتحق ؟
رائد: اي يروح اخوج ديربالج ع نفسج وع امي وع فديار بنيتي انتي .
مريم: صار خويه تدلل .
فديار: اشوفه يحجي وي امه واخته ويوصي بيهن عليه فدوه اروحله شويه وكام وصلته للباب سحبني لحضنه وباسني براسه واردف .
رائد: بالج ع نفسج يروحي واذا صار شي خابريني ولا طلعين بدون متكليلي خوش بويه .
فديار: صار وانت هم ديربالك ع نفسك ومن توصل خابرني لايضل بالي عليك .
فديار: باسني براسي وراح ركب سياره ذبيت مي وره ورحت دخلت جوه غسلت مواعين الريوك كعدننه نسولف وي عمتي شويه وكمنه نحظر الغده سوينلهم مقلوبه مال دجاج طبكت التمن وكلشي وخلينه الغده ع طباخ ع نار هادئه ورحنه نسولف لشوي وكمت طفيت الطباخ ب12 صعدت صليت وخلصت وشفت جهازي مامتصل رائد خليت ونزلت صبينه الغده وتغدينه وخلصنه شلنه المواعين وسويتلهم جاي وشربنه وصعدت لغرفتي طبيت سبحت وطلعت تمدتت شوي وتصل رائد جاوبته بسرعع .
رائد: الو ها بنيتي ستوني خلصت وكدرت اخابرج .
فديار: هلا رائد ضل بالي ليش تاخرت .
رائد: ماكو بنيتي شلونه امي ومريم وانت شلونج .
فديار: كلنه بخير الحمدلله انت شلونك تغديت لو بعدك .
رائد: عساكم بلخير بويه اي تغديت وصليت .
فديار: عوافي ضليت اسولف وياه بل نص ساعه ودور راح يكمل شغله واني تمدتت ونمت .
يتبعععععع.
ـــــــــــــــــــــــــــــــــــــ
هلـو عمـري هاذا بـارت واسـفه ع تـاخير يروحي لا تنسـون تصـويت احبـكم بـاي 🤍.
669 كـلمه 🤍.
