فـديار: كـعدت ساعه ب7 صبح وكعدني بنات سحل لان ليوم العرس وحيل متوتره كمت سبحت ونزلت جوه واشوف فيلق مال نسوان كاعد نصدمت وكلت صباح الخير .
ام فـديار: صباح النور بنيتي اكعدي تريكي .
فـديار: صار ماما كعدت اتريك ومتوتره وماريد الريوك يخلص اكل ع كيفي لمن صاحت بيه مرت اخوي يلا كمت صعدت لبست مثل بشت وصلنه اخوي حسن للصالون وتقريبا طلعت ب9 اول مدخلت للصالون سلمنه عليها لان نعرفه صديقتنه وكعدت شوي لان كدامي عروسه كعدت اني ومرت اخوي ناريمان واختي النعود وبنات خالتي شوي وصاحتلي ام صالون كمت وضلت تلعب بوجهي واني مثل نايم وره 3 ساعات يلا خلصنه معرف ليش {هسه نعوف فديار ونروح يم بطلنه}
رائد: كعدت الصبح ب6ونص وذكرت امس الحنه وشلون فديار طالعه تخبل بتسمت وكمت سبحت وصليت صلاه فجر ونزلت لكيت الغاليه كاعده صباح الخير حبيبت كلبي .
ام رائد: صباح الخير وليدي .
رائد: غاليتي سويلي ريوك من ايدج لحلوه .
ام رائد: تدلل يمه اكعد شوي ويجي يمك .
رائد: ميدل عليج ضالم يمه بست ايده وراسه وكعدت شوي وسوتلي ريوك تريكت وخلصت وطلعت اشوف تحضيرات العرس خلصنه كلشي ديوان مرتبينه وبدت ناس تجي كعدت بديوان استقبل الناس وشفت ب9 كمت صعدت فوك لبست قاطي ومحابس ورشيت عطر ونزلت استقبلتني امي بل هلاهل وحضنتي بسته ب ايده وراسه .
ام رائد: الحمدلله يمه من شفتك عريس وانشالله اشوف جهالك بحضنك يمهه .
رائد: ربي يحفضج يلغاليه .
رائد: شوي وطلعت لبره تقريبا ب11ونص طلعت لزفه وسيارت صارت حلوه وصلنه بغداد ب1ونص بطريق وكفنه استراحه وشوي وكملنه راحو همه للقاعه واني رحت لصالون اخذ اميرتي وتصلت عليه قبل لا اوصل شوي وصلت ضليت بره منتضره .
فـديار: خلصت مكياج وكومتني العنود ونريمان البس بدله لبست والحمدلله مخربت التسريحه ويسئل يكول لازم بدله اول تلبس اني محبيت البسه اول لان ماخذ راحتي بكعده ف كلت بلخير البسه ولبسته وخلصت وتصل عليه رائد حجيت وياه كال شوي ونوصل واني صار مغص بطني وتوترت اجت نريمان يمي هدتني شوي وسمعت صوت الزفه يمكن اجو رتبني ام صالون وطلعت لرائد .
رائد: شوي وصلنه تصلت عليه علمود تطلعلي شوي وطلعت رفعت راسي واشوفه مغطين كلشي منه واني هاذا ردته لزمت ايده وصعدته بسياره وباقي بنات صعدو بسياره ثانيه وحركنه رحنه للمصوره ناخذ كم صوره ونرجع للقاعه .
فـديار: طلعتلي وكلتلي العنود كال غطو كلشي بيه ماريد شي يطلع منه وهمه غطو كلشي ماشفت حتى اختنكت طلعت لبره واشوفه واكف يم سيارته تقرب يمي اخذ ايدي وصعدنه ومتوجهين للمصوره وكلنه بعدين للقاعه وهوه طريق كله لازم ايدي ويتغزل واني متوتره وخايفه بس اهزله براسي شوي وصلنه وكالو انزلو نزلنه يم المصوره خلتني بغرفه اني وياه وشوي وهيه اجت وكفنه ناخذ لقطات مابيهن لقطات جريئه من اختيار رائد طبعا خلصنه وطلعنه توجهنه للقاعه .
