فـديار: ليوم صباحية عرسي كعدت قبل رائد رحبت سبحت وصليت وبعدين لبست قفطان ابيض ولبست كم ذهبه عندي ورتبت نفسي ورحت كعدت رائد همست يمه حبيبي اكعد يلا صار صبح بسته بخده ضليت العب بشعره شوي وحرك عيونه ابتعدت عنه وهوه فتح عيونه وعاكد حاجبه ضحكت بداخلي لان مبين ضاج .
رائد: نايم بامان الله وست فديار ماتكعد راحه لازم تتحرش فتحت عيوني وكتله مو نايم ليش تتحرشين ولج وكلبته صرت فوكه .
فديار: لفيت اييدي ع ركبته وكتله ليش تتبله عليه يمته تحشرت فيك اني يمتهه .
رائد: هذا كله دسوي وتكولين متحرشت بسته بخده وبطرف شفته .
فديار: يلا حبيبي كوم اتاخرنه ورانه طريق .
رائد: خوش بنيتي كايم كمت سبحت ولبست دشداشتي بيضه وتعطرت وصليت وبعدين اخذت ايده وطلعنه توجهنه للبصره .
فديار: من بعد ماطلعنه وتوجهنه للبصره اني ضليت طريق كله نايمه لو اكعد اكل لو انام بعد مرور 3 ساعات يلا وصلنه وكعدني رائد رتبت نفسي وخليت شوي مكياج وصلنه للفرع وشفت اهواي ناس بره دنكت راسي ورائد طبك سياره يم الباب واجه فتح باب وسحب ايدي ونزلنه دخلني لباب مطبخ وهوه راح للمضيف اني سلمت ع عمتي .
ام رائد: مبروك بنيتي صباحية مباركه شلونج بنتي .
فديار: هلا عمه الحمدالله الله يبارك بيج كعدت شوي يم نسوان وبعدين صعدت لغرفتي ارتاح شوي ونزلت وقت غده نزلت وشفت بيت مليان نسوان وزعاطيط ودوخه كعدتني عمتي براس السفره وهيه يمي كعدت وامي بجهه ثاني اتغدينه وخلصنه للعصر وبدت نسوان شوي شوي تخفف بقو بس كرايبهم دخل رائد واهله واهلي رحت سلمت ع بابا ونطاني هديه مباركه وشوي كعدنه دور اشرلي رائد اصعد فوك بس غلست وكعدتت فشله اعوفهم .
ام رائد: بنيتي اذا اجن نسوان اكعدي شوي وكومي لضلين كاعده وهسه كومي صعدي يم رجلج عسريع .
فديار: ما عمه خليني كاعده اهنا شوي واصعد .
ام رائد: ولك رائد يمه صيح لمرتك راح تشلع كلبيي .
رائد وهوه يصيح من فوك: كومي صعدي ولج بسرعهه .
فديار: بخجل اي اجيت صعدت فوك اول مدخلت سحبني وخلاني ع باب .
رائد: مو كتلج تعالي وراي ليش غلستي ولج .
فديار: ياحبيبي عيب اعوفهم واجي واحنا ستونه اجينهه ففشلهه .
رائد: تعال نامي بحضني تعبان .
فديار: تمام عمري سحبني لحضنه ونمنه .
رائد: خليته بحضني ونمنه كعدت ع رنه جهازي خليت فديار ع نومته وشفت فهد يتصل جاوبته .
فهد: استاذ رائد ندري بيك عريس بس مو هلكد تنسانه .
رائد: هسه انت مكعدني من احلى نومه علمود هذا كلامك تافهه ياتافهه .
فهد: لا عيني اسفين ع ازعاج بس يردوك بدوام ممكن تجي لان شغله ضروريه يمكنن ياعريسنهه .
رائد: خير انشالله يلا تجي عليه لو اجي بسيارتي .
فهد: لا اني جايك حظر نفسك.
رائد: يلا خوش سديته منه ودرت وجهي شفت فديار عابسه وكاعده .
فديار: كعدت ع صوت رائد وهوه يحجي بتصال وسمعته يريد يروح لدوام اني ضجت غير ليوم زواجنه شلون يعوفني ويروح دار وجهه عليه واجه يمي حضن وجهي وباسني بخدي كتله وين تريد رائد وين تريد تعوفني .
رائد: يروحه رائد انتي والله عندي شغل ضروري هسه خابروني ولازم اروح ويمكن ماابات ويمكن ارجع تمام بنيتي .
فديار: تمام وخابرني لا تنسه حباب .
رائد: صار بنيتي تدللين.
فديار: كمت حضرتله ملابسه ولبس باسني براسي ونزلنه اني وياه لجوه شاف امه سلم عليه .
ام رائد: ها يمه وين تريد خيرك .
رائد: يمه عندي شغل بدوام لازم اروح ديربالج ع فديار واذا صار شي خابريني خوش يمه .
ام رائد: بعيوني يمه تروح وترجع بسلامه .
فديار: رحت طلعت وياه للباب سحبني وباسني بشفتي وبراسي وكال .
رائد: ديربالج ع نفسج بنيتي واذا صار شي خابريني خوش ولا طلعين بدون متكوليلي ابد ومال طلعت وجهازك مغلق لو شي هاي متمشي عليه مطلعين بدون علمي خوش بنيتي .
فديار: صار من توصل خابرني لا تنسه هزلي راسه واجه فهد صعدو وراحم سديت باب ورحت دخلت جوه كعدت يم عمتي اسولف شوي وبعدني ضايجه لان رائد راح تنهدت ونزلت مريم ضلينه نسولف وبعدين عمتي كلتلي كومي حضري روحج راح يجن نسوان صار عمه كمت صعدت فوك لبست فستان مرتب ولبست كم ذهبه ونزلت كعدت اجو نسوان ومبارك وهوسه وزلم بره ل7مغرب يلا فكت صعدت فوك سحبت وصليت وكعدت ارتاح .
يتبععععع .
ـــــــــــــــــــــــــــــ
هلو عمري شلونجن حيلي انتن رواية اذا ستمرت هيج ماكو تفاعل بسرع وقت راح انهيه وهاهيه بس مرايد انهيه لان احداثه حلوه ف عمري اريد منكم تفاعل حيلي ولا تقصرون واريد متابعه هم تمام حيلي .
676 كلـمه .
