وكانت زفه نوف الاولى اتجهت الاضواء عليها وهي نازله من الدرج بكل ققه وجمال شافت الكوشه ابتست اول ماشافت جدها وخوالها ومشعل
والتيمو اللنات يشوفونها نازله ومشيتها متناسقة مع نغمات الزفه الي سوتها باسمها واسم مشعل
واليوم ذا نسل الرجال مشعل
تقدم لك وقال باغيك لي ود وغلا
باغيك يابنت الفخررر
حظي كبير ومعتلي
مدام صرتي من هليي
يانوف امري وادللي
في قلب مشعل لك مقرر
وصلت نووف للكوشه وشافت عبد العزيز مقبل لها ماقدرت تتحمل وبكتت
نزلو دموعها وهي تحضنهه
عبد العزيز:افاا تبكين
ابعد وقال :ما اتفقنا كذا ابد
جاها ابراهيم وقال :ربي يهنيك ويسعدك يابنتي
ومن بعدها راحت للجد قاضي وباست يده ومن بعده راسه ووقفت حنبه اخدو كم صوره كدا
ومن بعدها بدات مرايم زواج نووف تنتهي
وبدات مناهل تساعد بنتها عشان تطلع وتتوجه للفندق مع مشعل
(نتركهم ونروح لبشرى)
كانت جالسه في الغرفه وحدها جتها لحضه ادراك ان هي بتترك اخوانها وخواتها وجدها وقامت تبكي من غير اي سابق انذار جتها اميره تقول:بشوره زفتك لقتها تبكي وقالت:بشرى وشفيك
بشرى :من شده البكاء ما قدرت تتكلم
اميره:بشرى لاتخوفيني وش فيك
بشرى بصعوبه طلعو كلماتها وقالت:وا ابي اتركم
اميره:وحع احسب في شي وبعدها حضنتها :خلاص حبيبتي هي كذا الحياة
بشرى:بس صدق ما ابي
اميره:بشرى وش ذا الكلام بعد كل ذا تقولين ما ابي تبين نواف يغمى عليه يلا انا بكلم البنت تجي تعدل مكياجك لان زفتك قربت
راحت اميره وجت البنت تعدل مكياج بشرى
في القاعة تحت مستعدين لزفه بشرى
شافو الاضواء كلها على الدرج الي بدات تنزل منه بشرى وجنب الكوشه الجد قاضي وابراهيم وعبد العزيز ونواف ونايف
مشت بكل هدووء وثقه مشيتها متناسقة مع نغمات الزفه
هنو بشرى باحلا اليال
خدها نواف ابن الحلال
ابن الكرام ونالها
هذا نواف عز الرجال
سلمت عليهم وبدو ياخدوون صور للذكره
عند العيال
المدني وسعود وفارس جالسين
فارس؛الزواج وخلص وش رايكم نروح نلعب كوره
سعود :ماعندي مانع وشو بتروح
المدني مارد وقال سعود مرا ثانيه:مدني
المدني:هاا
فارس:لنا ساعة نتكلم بنروح نلعب كوره بتجي
المندي بشروود:اي بجي
سعود ؛اجل يلا نروح نبدل ومن بعدها نروح الملعب
ركبو في سياره سعود ووصل فارس بيتهم ومن بعدها راحو بيت الجد
في القاعة بعد ماطلعو بشرى ونواف واتجهو للفندق قامو البنات يلمون اغراضهم طلعو للعيال وكانت تدور بعيونها على المدني وقال لها علي:وش ادورين
غزل:المدني
مر سلطان وقال :راحو البيت بيبدلو وبعدها بيروحون الملعب هو وسعود
غزل:ملعب ذا الحزه
علي اخد الاغراض الي في يدها وقال:وش فيها هم عيال وبعدين مارح يبطون
ركب غزل السياره وهي خايفة خووف ماتدري وش سببه
عند المعاريس(مشعل ونوف)بعد ما اخدو لهم قهوه
ووصلو الفندق نوف كانت مرتبكة وخايفه حس مشعل فيها وقال:انا بروح اجيب العشاا وانتي بدلي براحتك
ماردت نوف وشافته طلع تنهدت وقالت :انا شلون بعيش ماحسبت حساب الوقت ذاا
بدات تغير فيتانها واخدت دووش حفيف شافت الارواب الي حهزوها البنات لها :يعني مالقو واحد مفسخ اكثر وانا شاريه ومجهزه واحد مستور
شافت واحد وليسته حطت ميكب خفيف وطلعت شافت مشعل داخل ومعة الاكل قال:يلا تعالي
جلست جنبه ومشعل مستغرب هدوئها قال: نوف حبيبي انا مو متعود عليك كذا هاديا
نوف:يالله يامشعل لاتخرب علي قرررت اصير اليوم ذربه
ضحك مشعل وقال:ابسري بس اليووم بس
كملو يوالف عن الزواج لحد ماراحو ونامو من شده التعب
عند بشرى ونواف
وصلو للفندق
دخلت بشرى تغير فستانها عشان تاخد دوش خفيف سمعت دقات باب الحمام الي كان نواف وقال:حبيبتي انا بروح بيجب اكل ببعد ماتطلعي في هديه حطيتها لك شوفيها
ابتسمت بشرى وكملت دوشها وببعد مده قليله طلعت شافت بوكيه الور الي كان ع السرير وايتسمت وقالت:يوووو كذا بحبه اكثر
قطع عليها صوت نواف الي تاكي على باب الغرفه وقال:اصلا انا ابيك تحبيني اكثر
بشرى بخجل:مشكور ع الوردات
قرب منها ومسك يدها وقال :ترا بس ورد مو شي ثميين
تااه لدقيقة في عيونها كان يطالعها بكل حبب حست بشرى بنضراتها وقالت :نواف لاطالعني كذا تضيع علومي
نواف وهو هايم في عيونها :وش اقول انا وذي العيون الناعسه جايبه راسي
احمرت خدودها بس صدمها بقبلته الي طبعها على شفتيفها من دون اي سابق انذاار ماكانت حاسه بشي من الدنياا ماوعت على نفسها الا وهي تبادله البوسه فرح داخل نواف من حس فيها ولا هو كان حاس في الدنياا معها بس صح على نفسه الا وهو معتليها ابعد عنها عشان يلتعقطون انفاسهم وشال التشيرت حقه ونزل يكمل قبلاته على نحرها وبكذا اعلنت بشرى زوجة لنواف قول وفعل🌚...
عند سعود وفارس والمدني في الملعب
لعبو وخلصو طلعوو من الملعب وكانو متجهين لسياره كانو يسولفو وقال لهم مدني :ابا اتجمل فيكم في عزاي
ضحكو العيال وقال فارس:يارجال ازهلها ان كنت ميت وان كنت حيي
يعود:عاد انا بنام ولا احد يجي جنبي
المدني:انت بذات اكثر واحد بتتعب من فرقاي
سعود:ياشين الثقه
بس قطع علي شخصين طوال بلاباس اسود واقنعة الواحد مسك فارس والثاني كان بطن سعود بس دخل المدني قدامة طاح المدني بين يدين سعود وركضو الشخصين الي طعنووه
سعود وهو يشوف المدني:مدني مدني تسمعني
فارس:مدني تكفى
سعود:السياره بسرعة
راح فارس يشغل السياره ويقربها لهم
وشالوه حطوه فيها واتجهو للمستشفى بقصى سرعة
في البيت
فزت غزل من نومها ومن كثر ماكانت الفره قويه صحة علي عليها وقال:وش في
غزل وهي خايفة:علي شفت كابووس يفجع
علي وهو يعطها مويا:بسم الله عليك بسم الله عليك تعوذي من ابليس
غزل :اعوذ بالله من شيطان الرجيم
شافها علي وقال:هاا احسن
غزل وبالها مشغول:بروح اشوف مدني
علي:يابنت الحلال مافي شي وش تبين في الحين
غزل:شفته في الحلم
علي:هذا حلم مافي شي نامي وان شاء الله مافي الا الخير
رجعت غزل تنام بس ماجاها النوم
في المستشفى عند فارس وسعود الي دخلوو المدني للعنايه على طول
شافو الدكتور وقاله سعود:طمني وش صاره
الدكتور فيصل:اسمعني وشاف علي (اخو غزل الي كان مستلم)
علي:فيصل وش فيه قالولي انك تبغاني التفت وشاف سعود وفارس وقال :وش تسوون هنا
سعود :علي تكفى المدني جوا في احد طعنه ادخل شووفه تكفى
علي الي الكبام نزل عليه مثل الصعقة وقالل:فييصل وش صاار
فيصل:ابيكم تسمعوني زيين الدنيا محيا وممات وكلنا بنرروح منها بس ابيكم تشدوو حيلكم
كانو متمسكين بحبل امل صغيير بس كانو يبو يسمعو انه في غيبوبه او انه انشل اهم شي يكون عايش بس صدمهم برد :عظم الله اجركم في اخوكم
انصدموو من الكلمه الي قالها فيصل
سند علي على طول لانه كان يبي شي يسند نفسه عليه وقال:تكفى يافيصلل تكفى
سعود :هيي انت وش عظم الله اجرنا مدني مامات هو قال لنا انبيرووح معنا العمره هو نايم وبيصحى لاتكذب انا بدخل اشوفه
مسكه فارس وقال:اهدى ياسعوود
سعود:فارس هو حي مامات تكفه خندخل نصحييه وهو نايم
حضنه فارس وانهار سعوود في حضنه بكل ضعفف كان يبكي بشده على اخووه الي من هم ورعان مع بعض حس ان الدنيا وقفت فيه
اما فارس الي كان متمسك مايبي يبكي بس ماقدر وبكااء على خويي دربه الي من وعاا على الدنيا وهم مع بعض
نروح عند عرسانا(عاد ما احب النكد والبكاء بس وش نسوي😭)
عند بشرى ونواف الي كان حاضنها وجالس يتاملها رفعت عينها له وقالت:مامليت وانت تشوفني اليوم
نواف:انا لو اضل اشوضفك من اليوم لاخر عمري مامليت
ابتسم بشرى ورجعت لحضنه وقالت:تعرف كنت دايم لنا اشوفك راجع بغرفتك في اليل واسمع صوت الباب تقفل ابكي
نواف:بسم الله عليك ياعمري
بشرى:كنت اتمنى دايم اتا الي اكون مكان ميعاد حتى بعد ماتزوجت بندر
نواف كشر وقال:لاتجيبين طاريه
ضحكت بشرى وقالت بدلع:نوافيي تراه ميت خلاص ماتجوز عليه الا الرحمة
ابتسم نواف وقال:وانا مابترحم عليهه سكت وبعدها قال:بشرى
بشرى الي عرفت وش بيقول او وش بيسئلها وقالت وهي تبعد عن حضنه:ادري وش تبي تعرف عدل جلستك عشان اقولك
عدل جلسته مشعل وقالت:كل الي صار انتي كنت انام على الكنب وبندر على السرير ولا واحد فينا كان طايق الثاني وهو مابتدر ولا قرب مني وكنت لنا بنام اتلحف بلحافين عشان لوقرب مني احس فييه
نواف:والله انك اعظم نعمة حصلت عليهاا
كنت افكر من اليوم الي دخلتي فيه بيته انك انتي حلاله وله الحريه يسوي اي شي
ابعت بشرى شعرها وقالت:عاد انا كنت متمسكة ببصيص الامل الي كانو البنات يقولولي عليه انه بطلق ميعاد وبتجيني
قرب منها وباس جبينها وقال:الله لا يحرمني منك
بشرى:ولا منك
نواف:طيب انا جعت وش رايك نروح ناكل الاكل الي ماكليناه
بشرى :طيب يلا
(نرجع للنكد)😭
في المستشفى
بعد ماقدر فيصل يصيطر على الوضع قال لهم ان :لازم ننهي الاجراءات عشان نغسله وندخله للثلاجة ويشوفه الطبيب الشرعي
فارس:طيب يافيصل روح انت خلص واحنى بنغسله ماعليك
رافيصل وتكفل فارس بكل شي لان الوحيد الي كان ماسك نفسه ومو منهار
غسلو وطلعو من المغسله وقابلهم فيصل:الحين بياخدونه لي الثلاجة
فارس:طيب احنى بنروح البيت
فيصل:لا خليكم نروح سوا بس بننتضر لساعة 10 الصبااح
تفهم فارس وراح جلس جنب سعوود وسند راسه على كتفه
الساعة 10
الكل كانو في الصاله ويسولفو عن العرس امس نزلت غزل وشافت سلطان وقالت:سلطان اخوك مارجع
سلطان:لا والله ماشفته لا هو ولا سعود
غزل:طيب ليش ماطلعت ودورته
سلطان :وين بدوره تكفين الحين بس يرجع علي بخلييه يادبه
علي :تعالي تكفين اليوم بس يرجع بربطه في رجل السرير عشان لاعاد يعودها ضحكوو وسمعو صوت غلا الي نازله من فوق
غلا :يبه
ابراهم:وش فيك
غلا:شفت علي وسعود ومعهم رجالين ساندينهم
وقفت غزل وقالت:وش تقولين
وقف الجد قاضي وطلعو العيال معه شافو سعود الي كان متلطم وعلي الي سانده فيصل وفارس معه
راح لهم سلطان وقال:وش فييه عليي وش صارً
شافه علي وهو عيونه مليانه دموع قال وهو يحضنه:رااح اخوناا ياسلطان رااح
قطب حواجبه سلطان وقال:علي مافهمت تكلم تكفى
فيصل ؛انا فيصل خوي علي والي صار انا ولدكم المدني عطاكم عمره
ما استوعبوو الي سمعو ولا احد فيهم كانه دخلوو في دوامه بس صحوو على صراخ غزل الي سمعت كل كلمه انقالت وانهارت تبكي كانو البنات حرلها برضو ماقادرين يستوعبو وش الي صار
كانو الكل منهار ويحاولو يواسو بعض بس ماعم قادرين حكى فيصل كل شي صار للجد قاضي
وقال لهم الجد:الدفن بيكون بعد العصر
وبكذا انفتح باب بيت الجد قاضي بس المرا هاذي مو عرس المرا هاذي كان عزا
العصر كانو يستعدون للجنازه بيجيبو المدني عشان تسلم عليه غزل والجده غزال كان طلب منهم
عند بشرى ونواف الي كانو يتجهزون لانهم بيجون بيت الحد دخل نواف وقال؛خلصتي
بشرى الي كانت تربط النقاب حقها قالت :نواف انا حاسه صاير شي
نواف:وش بيصير يعني
بشرى:ما ادري ولا احد كلمنا
نواف:عشان ماكلمونا قولي انهم مشعولين عنا المهم يلا نمشي
بشرى :يلا
في السياره بعد ماركبو وصل اتصال من نايف وقال وهو يضحك:قلتي ما اح. اتصل هذا نايف يدق
نواف:الو
نايف:هلا يانواف
نواف استغرب نبرت صوته وقال:وش فيك صوتك كذا
نايف:انت وين
نواف:جاي بيت جدي
نايف:طيب عجل ولا تبطي
نواف:وش صاير
نايف تعال وبتعرف وعلم مشعل بعد خله بجيب نوف
وقفل نواف قلبه نغزه وقالت بشرى:وش قال
نواف:ما ادري بس في شي صاير
بشرى:قتلك انا اعجل تكفى
تحرك نواف بسرعة ودق على مشعل
وصله صوت مشعل الي قال:ارحب
نواف:البقى مشعل انت وين
مشعل شاف نوف تركب اسياره:توني طالع من الفندق ورايح بيت ابوي ليش
نواف:دقو علي من بيت جدي وقالولي تعال وعلم مشعل يجي هو ونوف
مشعل:وش صاير
نوف:وش فيه
نواف:والله مادري علمي علمك بس تعال
مشعل :ماجي بجي مسافه الطريق
قفل مشعل وقال لها الي قاله نواف
نوف:اكيد جدي في شي
مشعل:لا تفاولي
سكتت نوف وهي تفكر وش صاير بيت جدها
في بيت الجد قاضي دخلت سياره الاسعاف تعلن وصول الجثمان زاد بكااء غزل اول ماسمعت صوتها بس قامت تمشي بلا روح ووراها الجده غزال الي بعكازها والحزن يكسوها ومعها بناتها وحفيداتها
راحت غزل ليياره الاسعاف ماكانت تشوف شي غير اخوها حتى الرجال الي كانو في الحوش ماشافتهم
نزلو الجثمان من الشياره وفتحوو الكفن نزلت لمستوااهوقالت:بدري ياحبيب اختك بدري
قرب منها سلطان وجلس جنبها وهويبكي كانو الكل يشوفونهم شلون يودعون اخوهم
دخلت سياره نواف ووراه سياره مشعل الي وقفو على الباب لان قلبوهم انقبضو اول ماشافو الناس وسياره الاسعاف
بشرى بخووف همست :يارب ماتفجعني في اخواني نزلت اول ماشافت نواف نزل
نفس الشي عند مشعل ونوف الي نزلت ورمت شنطتها وركضت للمكان الي في المكان وكانت تقول:من من
انصدمت اول ماشافت المدني نزلت دموعها بدون سابق انذار
ونفس الشي صار عند بشرى الي صفت جمب البنات تبكي بحرقة على اخوها
قرب علي(اخو غزل) من اخوانه يودع اخوهم
سلطان:مدني تكفى اصحى انا كنت بقول لعلي عليك انت تاخرت وكنت بقوله عشان يعاوشك تكفى
غزل بحرقه على اخوها:نااار ياخوي شابه فيني نااار ويش يبردها يانضر عيني
عند الحد قاضي الي شاف حال عياله كيف وقال بصوته الجهوري:طلعوووه ودخل المجلس
قربو العيال يسكرون الثابوت شافتهم غزل وقالت:تكفوون شوي تكفوون لا تاخدونه
اخويي تكفون
مسسكها علي اخوها وسندهاعليه وبيده الثانيه ضم سلطان له وقال:الله معك ياقلب اخووك
دخل ابراهيم عند الجد قاضي وقال:مارح تروح يبه
الجد قاضي:اذا مارحت بكون كسرت ضهر اخوانه وان رحت بكون اوجعت قلبي
ابراهيم:اذا مانت قادر ااجلس
الجد قاضي:بجي بجي بس خلهم يسبقونا
طلع ابراهيم وقال لهم يطلعون شالو العيال سيارتهم من البوابه وكان على يشوف زوجته منهاره قلبه تقطع عليها ماهو قادر يضمها بس يشوفها وده لو يشل الحزن من قلبها ويرميه
كانو الكل واقفين خلف عيال خالد يبكون بحرقه على اخوهم كانو يشوفونهم ثلاثتهم حاضنين بعض ويودعون اخوهم الرابع اصغرهم
نزل الحد وقال :يلا ياعيالي لازم نروح ولا نبطي
راحو البنات لغزل يسندوها عشان يدخلون
وطلعو العيال للمقبره
عند منصور ولد شنار
منصور:وش سويت انت وش سويت
الرجال:انا قلتلي اقتله
منصور:بس قتلك اقتل واحد كبير وماورعٍ صغيرر
مارد الرجال وقال له:اذلف من هنا اذللف
وبكذا بدات ايام العزاء ثقال على اهل البيت مرت عليهم كانها سيوف تقطع من ارواحهم
قضيى اليوم الاول وقضى اليوم الثاني وبكذا لين قضى الاسبوع
كانو كل العايله متجمعين في الصاله معدا غزل في غرفتها ومعها شمس
قال الجد قاضي:اسمعوني زين ابي منكم تشدون حيلكم مو عشاني ولا عشانكم عشان اختكم الي فوق
لاشافت نفسيتكم زينه وهي بعد بتزين نفسيتها انا ماقاعد اقولكم انسووه انا قاعد اوعيكم عشان تعرفون ان الحياة ماشيه تمام
العيال بصوت واحد :تمام
التفت للبنات:انتن بعد
البنات:ابشر
الجد قاضي:نوف بشرى ومنال كل وحده منكم بدق على زوجها وبترووح بيتها
كانت منال بتعارض وقالت:مابي اي معارضه وقبل ماكل وحده تطلع ابي اشوف يدكم فيها حناا
هزو ريسهم البنات
عند شمس وغزل شمس كانت ماسكه جوالها وتقلب في شافت غزل تتقلب وراحت لها:غزل فيك شي تبغين شي
قامت غزل وقال:بطني ياشمس بطني يوجعني
شمس:طيب عندك دوا. اجيبه لك ولا وشو
غزل الي شد الوجع عليها وقالت:لالا ماعندي بس كلمي علي او اي احد تكفيين
ركضت شمس وعي تنادي :دانه دانه
سمعت صوتها دانه وقالت :شمس وش فيه
شمس الي وقفت على الدرج وقالت:غزل تعبانه تعالو بسرعة
فز علي يركض لها ووراه اخوانها
