{စာလုံးပေါင်းပြန်မစစ်ရသေးပါ}
______&&&&&___&&_
U version
ဆည်းလည်းလေး (သို့) သူကြီးက ကျုပ်အပိုင်
“ သောတရေ မင်းရဲ့ရေကြည်အေးလေးလာပြီဟေ့ ”
ပဲကျဲနေသည့် သူ့အား ရယ်သံလေးနှောလို့ပြောလာသည့် ကိုကြိုင်ရဲ့စကားကြောင့် ကင်းတဲရှိရာဆီကိုကြည့်လိုက်မိတော့ ငါးဆင့်ချိုင့်လေးကိုဆွဲပြီး သူ့ကိုပြုံးကာကြည့်နေသည့် ချစ်ရသောအားတွေ့လိုက်ရသည်။
သူလည်းလက်ထဲက ပဲတောင်းကိုချလိုက်ပြီး ကင်းတဲရှိရာဆီဦးတည်၍ ခြေလှမ်းကျဲကြီးများနဲ့လျှောက်သွားလိုက်သည်။
“ ဒီနေ့စောသား ”
“ အင်း…စောစောချက်ပြုတ်ပြီးလို့လေ ”
“ မောနေရောပေါ့ အင့် ”
ပြောလိုက်ရင်း တဲထောင့်တွင်တည်ထားသည့် ရေအိုးစင်မှ ရေတစ်ခွက်ခပ်လိုက်ပြီး ကမ်းပေးလိုက်တယ်။ပြီးသည်နှင့် သူလေး၏လက်ထဲမှချိုင့်ကိုယူလိုက်ပြီး
“ လာ ဒီမှာထိုင် ”
ဆိုကာ ရေသောက်ရန်ဟန်ပြင်နေသည့်သူ့အား ပေါင်လည်လောက်ထိအမြင့်ရှိသည့် ဝါးကွပ်ပျစ်ပေါ်တွင်ထိုင်စေလိုက်သော သူကြောင့် ဦးစွာထိုင်လိုက်တော့ သူ့ကို ထန်းဖူးခမောက်လေးဖြင့် ယပ်အသာခတ်ပေးလာသည်မို့ နှုတ်ခမ်းထက်မှအပြုံးဟာပိုလို့ပီပြင်လာရသည်။
“ မင်းကပိုပင်ပန်းနေမယ့်ဟာ တော်ပြီ မခတ်နဲ့တော့ နေ့လယ်စာစားကြရအောင် ”
“ ဟွန်းး…တေး ကိုယ်တို့လက်ထပ်ထားတာဖြင့် နှစ်ပြည့်တော့မယ် အခုထိအဲ့ဒီ ' မင်း ' ဆိုပြီးတော့ပဲ သုံးနှုန်းနေတုန်း ”
“ သံစဉ် မင်းဟာလေ… ”
မကျေမနပ်လေးဖြင့် နှုတ်ခမ်းတစ်ထော်ထော်နှင့်ပြောလာသည့် သူကြောင့် သဘောကျကရယ်မိရင်း ပြေးလိုက်မိသည်။
ဟုတ်ပါတယ်လေ။သူတို့နှစ်ယောက်လက်ထပ်ထားတာ နှစ်ပြည့်ဖို့သိပ်ပင်မလိုတော့ပေ။ လအနည်းငယ်ဆိုရင်ပဲ ပြည့်တော့မည်ဖြစ်သည်။
YOU ARE READING
ဆည်းလည်းလေး (သို့) သူကြီးက ကျုပ်အပိုင် {Short Story} [Completed]
Short Storyတစ်နေ့ တစ်နေ့ ခင်ဗျားရဲ့ ဆူပူကြိမ်းမောင်းတဲ့ဆဲဆိုအော်ဟစ်သံလေးတွေကိုမှမကြားရရင် ကျုပ်ရင်ထဲမှာဟာတာတာကြီးနဲ့ နေလို့မကောင်းဘူးဗျ...
![ဆည်းလည်းလေး (သို့) သူကြီးက ကျုပ်အပိုင် {Short Story} [Completed]](https://img.wattpad.com/cover/376754203-64-k574487.jpg)