وكر الخيلع

النهايه ..

سلام عليكم ادري تأخرت عليكم بالبارت بس تعرفون بارت اخير ويحتاج كتابه وتركيز
ولازم انطي حقه وتفاصيل مُهمه

ما جاي اصدك خلصت روايه وهذا البارت الأخير🙂🙂💔💔

الُمهم

بسم الله آلرحمن آلرحيم

اتمنى يعجبكم البارت 🤍

**

وقعت بكل تأكيد على الاوراق اللي كبالي وخلصت صرت اباوع على الوراقه ما مستوعبه اني تطلكت يعني هاهيه تخلصت من وكر الخيلع !!

وجحيمه وهوسه؟
معقوله تخلصت منه ومن تعنيفه وضربه
واغتصابه
وعلي يرجع الحضني ويبقى يمي !

كل هاي الأفكار بالي ما تروح مني كام بسام وطلع من البيت راح هيثم سد الباب ورجع كعد واني صافنه ماعرف شحجي شكول افرح لو ابجي لو شسوي مشاعري جانت متخربطه وهوسه بداخلي

قاطع تفكيري صوت هيثم وهوَ يحجي
هيثم : الحمدلله طلگ بنفسه لو ما يطلگ جنت اشوفه نجوم الضهر والله ..

اني ما حجيت شي بس لفت انتباهي علي جان واكف بالباب يباوع على هيثم

رحت ركض عليه شلته وصعدت فوك بغرفه سديت الباب وكعدت انوم بعلي لحد ما نام غطيته ورحت بفراشي مصدومه

مصدومه درجه جسمي يرجف وهواي افكار بالي ماعرف شسوي وشحجي محد يفهم الهوسه الي بداخلي

انو تخلص من جحيم شي صعب واني تخلصت منه ، كمت وتعوذت من شيطان ورحت توضيت وصليت شكر الـ الله

دخلت عليه ايڤا الي جانت شويه كبيره بس حاطه أيدها على بطنها طبت باوعت عليه وتقربت كعدت بصفي وحضنتني وحجت

ايڤا : الحمدلله خلصتي من الخيلع ..
هازال : ماعرف يا ايڤا راح اخلص منه إلى الأبد لو يرجع يدخل حياتي واني الصراحه اشك ورا سفرته يريد يسوي شي بس صليت شكر انو تخلصت منه إذا فعلاً مسافر وعافني

ايڤا : ماعرف اني هم فكرت هيج بس وكلي امرج إلى الله وماراح يقصر اكيد

هزيت راسي وهيه طلعت تريد تسوي اكل الهيثم

مرت الايام والاشهر ودخلنا سنه 2023 الخيلع اختفى من حياتي نهائياً ما سمعت اي شي انو يرجع لعراق او فد شي ماكو

وايڤا جابت ابنيه تخبل مثل الكمر وسمتها مريم نسخ من امي الله يرحمها مثل فرك الشعر والعيون نسخه يعني هاي نسخه مصغره عنها اني تعلقت بيها حيل مو أكلكم بنت اختي وطبيعي هيج اسوي

لا حبيتها كلش لان اول شي تشبه امي حيل ثاني شي بنت اختي البكر الي اجت بعد هواي ضيم وعوضت ايڤا وهيثم

تعلقت بيها حيل وجنت بين فتره وفتره نكعد بحديقه البيت على الشميسه نطلع حب وكرزات وجبس يعني كلشي وكلاشي ونكعد نسولف بمواضيع عشوائي وهكذا يمر اليوم