ياغاية نوفل ومناه

بارت ١

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
العصر بالعزبه هو وخوياه وشايل الصقر بيده اليسار وقال : يولد صورني اللقطه هنا خرافيه
خالد ضحك وعينه على صقار ونطق : صوره لايموت علينا
نوفل رفع حاجبه : وش قصدك ؟
خالد : سلامتك
صقار رفع جواله وصار يصور نوفل ونوفل يتميلح ، نوفل رفع يده يبي يلعب ( يرقص ) ، صقار عرف انه يبي يلعب من رفعة يده ونطق بصوت عالي : يولد الطير لا يضربك بجناحه
نوفل ضحك ومسح على شاربه : خله يجرب ريشه بيعلق بتقويمي
صقار اعطى جواله لخالد واخذ صقره من نوفل ونطق : والله انك النذل
نوفل ضحك : نمزح نمزح بس والله انك على اسمك صقار
صقار ابتسم وهو يمسح على طيره ،

نياف كان واقف ورفع يدينه ينادي : ياعيال حليب النياق بالراس لايفوتكم
نوفل التفت على خالد وضحك ونطق بصوت عالي : اخر واحد يوصل هو حمار
ركض نوفل وخالد ماقدر يمسك نفسه وركض ورا نوفل ، صقار ضحك بسخريه ومشى على مهله ،

نوفل من الرجال اللي مايحب طاري الحريم بمجالس الرجال حتى لو كان بينه وبين صديقه مايحب ابداً ويتضايق جداً من طاريهم عن الرجال حتى اسم الحرمه وهو اسمها مايحب ابداً ويقوم من المجلس بكبره وهذي من عادات بعض الرجال ونوفل حاط له عادات وتقاليد محد قد سمع فيها الا قليل وياما خوياه حاولو فيه انه يترك هالعادات الا وانه صامل على عاداته هذي ونوفل يحاول يقنع كل اللي حوله على عاداته اللي حاطها براسه ،

وصلو عند نياف
نياف رفع يده ونطق : وش هالمبزره !
نوفل وقف وهو يلقط انفاسه : وش تبي انت
نياف : والله لو جدي عبدالكريم شافك كذا انه لا يحط الخيزرانه فوق ظهرك
نوفل مسح على وجهه : ماعندكم مويا
نياف : لا بحرمك منه
نوفل ضحك والتفت على صقار اللي توه وصل وضحك بأعلى صوت عنده وقال : معوض خييير
صقار : والله انك البزر
نوفل رفع يدينه : مافيه احلى من انك تكون بزر نشيط
نياف مشى وخالد نطق : خلونا نروح لا عمي عبدالكريم يهاوشنا وليه ماجينا
نوفل : صح صادق
راحو عند الجد عبدالكريم وجلسو وصارو ياكلون تمر ويشربون حليب النياق ،

- الرياض -

سعود تقاعد وبيرجع للديره هو وزوجته وبنته ،
سعود : خلصتو ؟
رفع يده اليسار لجل يشوف الساعه وكمل : الوقت تأخر
غايه : بابا الشنطه ثقيله
مشى سعود بسرعه واخذ الشنطه ونطق : انا اشيلها يابابا بس انتي البسي عباتك يلا لان الوقت تأخر
غايه راحت عند المرايا وعدلت عبايتها وتحجبت ولبست نقابها ،
قمر نزلت من الدرج وهي تطالع البيت ونطقت : بنشتاق للبيت وللرياض كلها
سعود ابتسم : والديره بتنسيك شوقك للرياض
قمر نزلت واتجهت لـ سعود وحطت يدها على كتفه ونطقت وهي مبتسمه : هذي الرياض القلب محد ينساها
سعود ضحك : اكيد
غايه حطت يدينها على خصرها ونطقت وهي تضحك : وش هالرومنسيه
قمر بعدت عن سعود ونطقت : يلا نطلع ؟
سعود طالع بعيونها ونطق : اكيد
غايه ضحكت وطلعو برا وسعود وقف لين قمر وغايه طلعو والتفت للبيت وهو يطالع له وكان البيت كبير وكأنه قصر وابتسم وقفل الاضاءه والبيت تحاوط بالظلام والهدوء ، بعد ساعات انطلقت الطياره من الرياض لمحافظه من محافظات الديره وكان عبدالله ينتظرهم هناك عشان يوصلهم للديره ،
سعود شاف اخوه عبدالله وفتح يدينه له وضمه ونطق : ياهلا بأخوي ياهلا ياهلا
عبدالله طبطب على ظهر سعود ، بعد عنه عبدالله ونطق : وين بنتي غايه
سعود التفت ونطق : غايه عمك سلمي عليه
غايه اتجهت لـ عمها عبدالله وسلمت عليه ،
سعود : عسى ابوي مادرى اننا جينا ؟
عبدالله : ولا احد يدري
سعود : لانها طلبات غايه تقول بسوي سبرايز لجدي وجدتي
عبدالله : وشو هذا سيراز؟
غايه ضحكت ونطقت : سبرايز عمي يعني مفاجأه
عبدالله : ايييه ايييه مفاجأه اجل يلا امشو خلونا نسوي سيراز
غايه ضحكت وعبدالله حط يده ورا ظهر غايه وهو يسولف لها عن الديره ولانها اول مرا تروح للديره ولا كانت تدري وش هالديره بسبب ان جدانها كانو يجون للرياض وكانت دااايم تسمع بالديره عند صحباتها وتقولهم وش هي الديره ويضحكون عليها وانها ماتدري وش هي الديره وكانت غايه من اسعد البنات بهذا اليوم وانها بتروح للديره وتستكشفها ،