ياغاية نوفل ومناه

بارت ٥

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
بعد اربع دقايق دخل نوفل من الشباك ، فك الشماغ ونزل الكيس وبعد ونطق : انا بصير عندك لايجي هذا ويسوي فيك شي
كانت يد غايه طالعه من برا الجلال ونوفل انتبه ان فيه شي غريب ،
غايه : شكرًا بس ا..
نوفل قرب لها ونطق : وش فيها يدك؟
غايه : مافيها شي بس بعد
نوفل مسك يدها وهو يطالع فيها ونطق : لابو اللي خلقوك يا..
سحبت يدها منه ونطقت : خذ الاكل اللي انت جايبه خلاص مابي منك شي
نوفل : وكذا خلاص ! لين تصيرين نفس حرمته اللي حتى اهلها مايدرون وينهي فيه !
غايه رفعت نظرها له : انا بنت سعود واقدر عليه وبخليه يندم على اللي سواه بأبوي
نوفل صد ونطق : ولو كانت نهايتك على يده؟
غايه : قصدك نهايته على يدي
التفت له ونطق بحده : ماشفتيه وشلون !! جثه ولا احد يقدر عليه حتى انا يالرجال ما اقدر عليه كيف انتي !!
غايه : انا اقدر !
نوفل : لا ماتقدرين ا..
سكت يوم سمع صوت الباب اللي برا وصقار دق عليه ، نوفل مسك يدها ونطق : امشي معي هذا هو جاي
غايه : والله ماني رايحه انت روح
نوفل : لاتحلفين !
غايه : قلت روح !

صقار : رد يانوفل رد رد

نوفل هز راسه ونطق : طيب طيب ان كاني مافرغت الرشاش فبطنه ما اكون نوفل
ترك يدها واتجه للشباك ونزل ، فتح ابو حمدان الباب وشاف الكيس عندها ونطق بعصبيه : هذا وشو !
نوفل كان بقى شوي له وينزل لكن سمع صوت الخيزران وصوت غايه وهي تقول : خلاص خلاص
ماقدر يستحمل صوتها وطاح على ذراعه ، ركضو صقار وخالد له ، قام نوفل وهو ماسك ذراعه ويطالع بالشباك ،
خالد : يولد فيك شي !
صقار : امش للمستشفى
نوفل : ماني متحرك من هنا الا لما اقط راسه بالارض
خالد : مهبول !
نوفل قام على حيله وبعد وكانت عيونه على الشباك وهو يسمع صوت ابو حمدان وكان يصارخ ويقول : قومي سوي العشاء
قامت غايه للمطبخ بألم وراحت تسوي عشاه ، كان شباك المطبخ كبير ومفتوح وكان نوفل يطالع لها ، بعد دقايق كانت تقطع اللحم وطالعت للسكين ونطقت : اخوك كان بيذ،بح ابوي بالسكين صح؟
ابو حمدان : وش هالسؤال؟
غايه : لا بس اسأل
ابو حمدان سكت ،
غايه : مشتاق له ؟
ابو حمدان نزلت دموعه : اي
غايه التفتت له ونطقت : روح ارتاح واضح انك تعبان
ابو حمدان راح للصاله وكان خاطره متكدر من طاري اخوه ، بعد ثواني معدوده انحت وطلعت جوالها الكشاف واتصلت على نوفل ونطقت بصوت قصير : تعال
نوفل : ماطلع
غايه اتجهت للشباك ونطقت : تعال من الشباك الكبير بسرعه
نوفل : واذا شافني معك !
غايه : اللي قلت لي قبل شوي عليه وانك تفرغه ببطنه جيبه معك
نوفل : وش اللي براسك؟
غايه : الرجال عرفت نقطة ضعفه بس انت تعال وسو نفس ماسويت بذيك الحرمه المجنونه
نوفل : لا
غايه : والله انك تسوي اللي قلت لك عليه
نوفل : صومي ثلاث ايام
غايه : نوفل !
نوفل غمض عيونه من بعد ماسمع اسمه بفمها ، غض على شفته وقفل الخط ،
صقار : وش تبي
نوفل : تبيني اذ،بحه
خالد مسك راسه ،
صقار : وش بتسوي الحين
نوفل : ماني مسوي شي خلها تتحمل الطريق اللي مشت له برجولها
خالد : بعد ما خليتنا هنا تقول هالكلام !
نوفل ماقال شي وراح لبيته ، مشت الايام وكان نوفل وده يروح لها لكن كان ماسك نفسه ،

- بعد ايام -

كان صقار منسدح ويطالع للسقف ونطق : اخلي زواجي هالشهر ؟ ولا الشهر الجاي ؟
نوفل ضحك : خير البر عاجله
خالد : وشور الحرمه
صقار قام وابتسم : لا اكيد بشاورها
نوفل : اجل رد لنا خبر عشان نسافر معك شهر العسل
خالد : يلا انا ونوفل نسافر معكم
صقار : كنسل مافيه زواج
نوفل وخالد ضحكو ومر شهر وحددو يوم الزواج وجت ليلة الزواج ، مرت ليلة الزواج وهم مبسوطين وراحو خالد ونوفل لمكانهم المعتاد ،
خالد : يلا عقبالنا
نوفل : انت الله يستر عليك اما انا خلاص زواج ماني متزوج
خالد : لو انك صاحي ماكان خليتها ذيك الليله ولا البنت تحتاجك
رفع راسه نوفل للحرمه اللي جتهم هي وكان معها ولد ، وقف وصد ،
ام حمدان : السلام عليكم
نوفل وخالد : وعليكم السلام
حمدان : ماتعرفون شي عن ابو حمدان ؟
نوفل التفت له وحط عينه بعين الولد ونطق : الا نعرف عنه جاء واخذ بنت مالها ذنب وكل هذا عشان الانتقام وعلى وشو؟ على قصه مدري من وين جايبها ولا ندري عن صحة كلامه !
خالد حط يده على كتف نوفل : يرجال هد
نوفل بعد يد خالد عنه وكمل : يوم كنت بشوف حياتي واتزوج جاء وخذاها !!! الا ياليت تسوي فينا خير وتفكنا منه
حمدان : بقولك شي بس مابي هالعلم يطلع وبخليكم تعرفون الحقيقه
خالد ونوفل عقدو حواجبهم ونطق نوفل : حقيقة وش ؟
حمدان : ابو حمدان ابوي
نوفل ضحك : شكلك انجنيت وشو اللي ..
سكت لثواني ونطق : انا اول مرا اشوفك من وين جيت؟
حمدان : وهذا اكبر دليل اني ولده
خالد : ولده له كم سنه مختفي هو وامه اكيد انهم هم
نوفل : ويمكن يلعبون علينا
خالد : ماظنتي
حمدان : انت تبيها تطلق منه وتتزوجها انت ؟
نوفل سكت ولا تكلم ورد خالد : اي
حمدان : طيب وانا اساعدكم بس اهم شي ما اشوف وحده بهالمكان وتصير نفس امي
نوفل : والطريقه ؟
حمدان : خلك معي ولا عليك بس الحين الوقت تأخر بكرا بنفس المكان والساعه اجيك لحالي
راح حمدان ونطق نوفل : يولد رقمك شي
خالد : لاتحاول الحين يرجعون ويختفون مرا ثانيه

مر يومين وهم نفس الحاله ينتظرون حمدان يجي لكن ماجاء وراحو لبيت ابوه والوضع نفسه ماتغير ، كان ابو حمدان يعنف غايه لين صارت شبه مجنونه وش تتلفتت وتضحك بدون سبب ، حرمها من ابسط حقوقها وكانت حتى اهلها ماتشوفهم وسعود دخل بحالة اكتئاب ولأنها بنته الوحيده ولا قدر يستحمل بعدها ،

رجعو لمكانهم وهم فيهم كمية يأس وان مستحيل حمدان يرجع ، نوفل فتح عيونه ونطق : مو هذا هو نفسه ؟
خالد : الا هو
نزلو واتجهو له ،
حمدان : انتظركم وينكم ؟
نوفل : رحنا شوي وجينا انت اللي وينك
حمدان : صار لي ظرف مع الوالده بس كل شي زين الحين
خالد : وش اللي براسك؟
حمدان : نهربها
نوفل ضحك : صاحي انت !
حمدان : اي صاحي والوالده بتساعدنا
نوفل رفع يده : لو سمحت لاتدخلها بأمور ماتعنيها
حمدان : مو انا هي اللي اصرت لكن انها تعبانه اليوم ولا جت معي
خالد : اذا تحسنت تعال انت وهي
نوفل : صامل ؟
حمدان : مو انا هي
نوفل هز راسه وسكت ،

- بكرا بنفس الوقت -

كانو ينتظرونهم يجون وبعد دقايق جو ونطق حمدان : ..