ياغاية نوفل ومناه

بارت ٧

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
عبدالكريم : استغفر ربك ياولدي هو من بعد وفاة اخوه وهو ما ..
سعود صد وسكت عبدالكريم ، مرت الايام ونوفل بالمستشفى ، انسجن ابو حمدان وام حمدان جلست بالمكان اللي كانت هي وولدها فيه واصيبت بالجنون ازود من قبل واللي كانت قبل تجينها نفس الحالات مرات ومرات لا اما هالمرا للاسف صارت مجنونه بالكامل ، غايه خلعت ابو حمدان وجلست عند اهلها ،

- بالمستشفى عند نوفل -

نياف وهو داخل الغرفه : وشلون العضيد
نوفل حاول يقول ونطق نياف : خلك خلك
جلس نياف ونطق نوفل : بخير الحمدلله
صقار : والله ان لك فقده
نوفل : عساس اننا شفناك من بعد زواجك ماشفنا وجهك
صقار ضحك ونطق : ايه نشوف اذا تزوجت
نوفل سكت ولا قال شي ،
نيف ركى ظهره وصار يحك وجهه ونطق : مثلاً مثلاً اذا حبيت وحده شلون اعرف انها تحبني
نوفل ضحك ومسك بطنه ونطق : يقلع ابليسك
نياف : وش فيك تضحك وانا الصادق
صقار غمز : اخطب وبتعرف الجواب
نياف : واذا كان عمرها مايتعدى ١٨ سنه ؟
نوفل ضحك وسكت بألم من جرحه ،
خالد : وانت ماتلقى تمزح الا يوم ولد عمك مصاب
نياف : ياعيال صادق انا ما امزح !
صقار ضحك بسخريه : وش تبي ببزر عمرها ١٨ سنه انا اضبطك بوحده
نياف : اخو فهد
نوفل : ماقصده بس هو يقصد انه يزوجك بس
نياف عدل جلسته : ادري ادري بعدين خويكم ذا زاحف لو احد غيري فهمه خطا
صقار ضحك : لا عاد ارحمنا يازوج ام ١٨ سنه
نياف : الشره علي اللي اجلس معكم
قام نياف ونطق صقار : امزح
طلع نياف من الغرفه ، مرت الاشهر وطلعت غايه من العده وخلال العده تعالجت من الحاله النفسيه اللي هي فيها ، نوفل تعافى وكان واقف قدام المرايا ويعدل غترته ونطق : كذا احلى ؟ ولا لو اسوي هذا كذا و..
حمد بعصبيه : يانوفل كأنك اول من يخطب خلاص امش
نوفل التفت له ونطق : اسمع انا من اليوم اسمي العريس
علا : لو مزوجتك خويتي ابرك
نوفل ضحك : ومنهي خويتك ؟ تراها بزر عمرها ماتعدى ١٧ وانا بصك الثلاثين
علا : عساس ان غايه مو عمرها ١٩؟
نوفل سكت وبعد ثواني نطق : اختك هذي سكتها
حمد نطق وهو يضحك : اعطييه
علا : اسكت انت الثاني تأخرنا منكم اف
حمد : يمه شوفي بنتك
عبدالله دخل : وش هالصراخ !
نوفل : يبه ماعليك منهم امشو بس انتم فضحتونا
عبدالله : ايه ايه امش قدامي انت اول
نوفل سكت ومشى ، الكل راحو لبيت سعود وبعد دقايق من جلوسهم نطق عبدالله : جايين نخطب بنتك غايه لولدنا نوفل
سعود ابتسم : هذي الساعة المباركه
بعد دقابق دخل سعود ونطق : ياغايه
طلعت غايه : سم
سعود : عمك عبدالله جاء وبيخطبك لولده نوفل ها وش قلتي
غايه : مابي
سعود : وشو اللي ماتبينه !
غايه : بابا خلاص انا تعقدت من الزواج مابيه
سعود قرب يدينه لراس غايه وصار يمسح على راسها : يابابا خلاص هذاك راح بخيره وشره
غايه: بس مابي
سعود : فكري زين قدامك وقت وتذكري ان هذا ولد عمك وهو اللي خاطر بحياته عشانك
غايه غمضت عيونها وهي تتذكر ،
سعود : بقولهم بنتنا بتفكر وانتي يابابا فكري
غايه هزت راسها ، مر اسبوع ونطق نوفل لامه : يمه متى يردون
دقت قمر والتفتت اميره لجوالها وشافت اسمها وضحكت : ليتنا مطرين المليون
نوفل فز من مكانه : امها !
اميره : اي يمه
ردت اميره وخذو ثواني قليله ونطقت اميره بصدمه : الله يكتب اللي فيه الخير .. مع السلامه
نوفل تلاشت ابتسامته : ليه يمه شفيه وجهك
اميره : رفضت
نوفل بحده : يمه وشو اللي رفضت مو على كيفها !
اميره : يايمه البنت توها طلعت من ازمه محد يعلم فيها الا الله
قام نوفل من مكانه واتجه لبيت سعود وكأنه مجنون ، سعود عقد حواجبه ونزل فنجاله من طق الباب القوي ، قام ونطق : الله يستر
فتح سعود الباي وهو يشوف نوفل : عسى ماشر
نوفل بكل قوته نطق :

ياغاية نوفل ومناه
ياكل امانيه واماله

ضحيت بنفسي لجلك يا غايته
وترفضين عشقي بدون سبه ؟

لو اني مدفونٍ تحت التراب
كان عيونك من الدم تسيل

مير اني برحل لـ ديارٍ بعيده
لكن لاترتجين رجعتي ياغايته

سعود بصدمه : نوفل اذكر الله
نوفل : ذاكره لكن بنتك ياعمي ماخلن فيني عقل
كانت غايه تسمعه ودموعها تنزل ،
نوفل كمل : هذا اللي عندي ياعمي بحفظ الرحمن
راح نوفل وحاول سعود يتفاهم معه لكن ماقدر ونوفل ركب سيارته وحرك ، دخل سعود ورفعت غايه نظرها لأبوها ونطق سعود : علامك هنا واقفه
غايه بدموع : طيب ماقصدي كذا مابيه يروح
سعود : لو انك قلتي اسبابك ووضحتيها كان ماراح لكن الله يعوضك ويعوضه
غايه راحت لغرفتها وقفلت على نفسها وفتحت دولابها وشافت شماغه واللي كانت تبي ترجعه له لكن من الواضح انه بيصير عندها لطيلة حياتها ، ضمته على صدرها وهي تتذكر كيف ضحى بحياتها عشانها ، كان غلاه بقلبها عادي لكن يومنه راح بان غلاته بقلبها ونفس مايقولون الواحد مايحس بالنعمه اللي عنده الا لما يفقدها ،

خالد : انت بصوابك !
نوفل بعصبيه : ايه والحين تدررون لي شغل برا الديره هالديره ماني جالسه فيها دقيقه وحده وبتزوج من برا القبيله وبخلف وهي خلها كذا
صقار : يارجال انت كذا بتظلم نفسك والبنت اللي بتتزوجها
نوفل بحده : خلاص انا سكتت وصبرت عليها طيلة هالاشهر وصبرت على هالالم اللي ماهقيت اني اتشافى منه وبالاخير كذا ؟ عاد والله ماني متزوجها
خالد : استغفر ربك
نوفل : ماني مستغفر عن حلفي الحين تدورون لي شغل وانا بفصل من شغلي
صقار : لا لا هذا ماهو بصاحي
نوفل : انا مجنون واللي مو عاجبه يطق راسه بالجدار
خالد مسح وجهه براحة يده ونطق : الله يعين ندور لك شغل هذا مطلبك

بعد اسبوعين لقى نوفل شغل بحايل وكان اهل نوفل رافضين انه يطلع من الديره لكن نطق بقلة حيل : اذا تبون راحتي خلوني ابعد عن هالمكان
نطقت اميره بدموع : بس تكفى يايمه لاتطول علينا
ابتسم نوفل وكانت بعيونه دموع لكن كان يحاول ينسك نفسه ونطق : بجيكم ان شاء الله وخلال هالفتره يايمه دوري لي حرمه على ذوقك لكن مابيها لا من القبيله ولا من الديره بكبرها ابي ابعد لجل جروح قلبي تلتئم
اميره مسحت على راسه : ابشر يمه
طلع نوفل من البيت ومن الديره بكبرها وسافر لحايل وكان صدره ضايق لكن جبر نفسه على هالشي عشان ينسى جروحه القديمه ، ابتسم بكل حزن وغنى بأعلى صوته :

بان الفراق وحان توديع الاحباب
والدمعه اللي بين الاهداب حارت

ماكنه الاّ دمع رجال قد شاب
قام يتذكر كيف دنياه صارت

عقب الجماعه والحبايب والاقراب
اصبح وحيدن والليالي استدارت

على وليفن راح عن صاحبه غاب
اقفت به الدنيا غصيبه وبارت ..