ياغاية نوفل ومناه

بارت ٦

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
- بكرا بنفس الوقت -

كانو ينتظرونهم يجون وبعد دقايق جو ونطق حمدان : الحين ابوي نايم يمدينا ندخل وانا بدخل امي تدور البنت وحنا بندخل احتياط ونوقف عند باب غرفته واذا صحى عاد نمسكه اهم شي البنت تطلع وحنا ندبر انفسنا لو من الشباك نطلع عادي بس اهم شي الحريم
نوفل هز راسه وحمدان ركب سيارته ونوفل وخالد ركبو الشاص وحركو لبيت ابو حمدان ، نزلو وكان نوفل لابس حزام وفيه خنجر مدري وش اسمه بالضبط بس اتمنى انها وصلت ، حمدان طلع المفتاح ودخله بالباب وفتح معه ونطق : الحمدلله ماغيره
نوفل : من وين جبته ؟
حمدان : محتفظ فيه
نوفل هز راسه ودخلو ، كانت بالغرفه لحالها وتتلفت ونفس ماقلنا بالبارتات الماضيه من الضرب اللي تتعرض له كانت شبه مجنونه ، كان ابو حمدان بغرفته ولا نام ، طلع المسد،س وهو يمسح عليه : الليله بحرق قلبك نفس ماحرقت قلبي قبل ٤٨ سنه
حمدان : عشان الوقت كلنا نتفرق اذا احد لقاها يطق اصعبه
نوفل : مايحتاج انا اعرف مكانها جنب المطبخ
حمدان رفع نظره للغرفه اللي جنب المطبخ وتذكر انها نفس الغرفه اللي كان يسكر ابوه عليه فيها ، نوفل تقدم وهو يدور المطبخ ، التفت على يساره وكانت فيه غرفه ، قرب وهمس : غايه
فزت غايه اول ماسمعت صوته ونطقت : مين
نوفل : نوفل
التفت نوفل على حمدان : وين المفتاح
قرب حمدان من عند الباب وهو يجرب المفاتيح اللي عنده ، بعد عدة ثواني بعد عن الباب وضرب يده على الجدار ونطق : مغيره
خالد ضحك بسخريه : الحين مالقى يغير الا هالباب !
نوفل : بعدو بكسر الباب
حمدان : واذا قام !
نوفل : خل يقوم اني لا اطعنه بهالخنجر
حمدان : يارجال فكنا شره !
نوفل دفه ونطق : اقول بعد
صار يضرب الباب بمتنه ( كتفه ) ركض حمدان لغرفة ابوه وطلع مفتاحها ودخل المفتاح وقفل الغرفه ،
خالد : حتى غرفته ماغيرها
حمدان : الحين لو تبي تفجر البيت فجره
ابو حمدان استغرب من صوت الباب ، قرب وحاول يفتحه ولا فتح ونطق : يابنت
نوفل صار يحاول يكسر الباب ، غايه صارت تصيح من الصوت العالي وكانت ماسكه راسها ، نوفل سمع صوتها وهي تصيح وعض على شفته ونطق : حسبي عليك
ابو حمدان صار يطق الباب بقوه ، نوفل وهو يضرب الباب بكتفه : ابعدي ياغايه
انكسر الباب ورفع عينه لها ، هز راسه وهو يشوف الغبار والوساخه اللي حولها ، ام حمدان ركضت لها وهي تحاول تقومها ، نوفل بدت تمدع عيونه من منظرها وكيف كانت مبهذله ، بعد غايه عنها وصارت تصارخ وتردد : بعدي عني بعدي بعدي
ام حمدان : يابنتي قومي خلاص شوي كيف صرفتي
غايه : ما اعرفك انتي ليه اروح معك
قرب نوفل ونطق : وانتي تعرفيني امشي معي
غايه رفعت راسها وهي تطالعه ، كانت عيونه بالارض ، رفعت يدها ليده وكانت عيونها عليه ، مسكت يده ونطقت : بتوديني لابوي وامي ؟
نوفل هز راسه : اكيد بس لاتعاندين وروحي معنا
غايه : ط..
سكتت يوم سمعن سكرت الباب ورمي النار وصوت ابو حمدان وهو يقول بأعلى صوته : بذبحكم كلكممم
غايه قربت لنوفل وتمسكت بطرف ثوبه ، حاول يبعد عنها لكن صارت تقرب له ازود ، طلع الخنجر وسحب ولده وثبت ولده وحط الخنجر على رقبته ونطق : ارمي النار وبرمي راس ولدك عند رجولك
ابو حمدان ضحك : لا ؟ تهدد ؟
نوفل : انا عند كلمتي لاتخسر ولدك نفس ماخسرت اخوك
ابو حمدان : ماعندي شي اخسره
نوفل : طيب جرب ارم وشف
كان خالد وراه والتفت على الخشبه وسحبها وصرخ بأعلى صوته : خلها تطلع
وبنفس الوقت ضربه بالخشبه على كتوفه ، ترك نوفل حمدان والتفت لغايه ونطق : اطلعي برا
غايه بدموع : لا لا ابيك معي
خالد : رح انت والحريم انا وحمدان نتصرف معه
نوفل التفت لحمدان ونطق : اعتذر ع..
حمدان ضحك : يارجال رح ادري وش مقصدك من حركتك هذي
نوفل ابتسم وشال شماغه واعطاه غايه وغطاها فيه ونطق : امشي
مشى قدامها وقربت له ومسكت يده ، حاول انه يبعد يده عنها لكن ماقدر ، طلعو من العماره ولا امداهم طلعو الا سمعو طلق النار ، التفت نوفل وترك يد غايه ودخل داخل ، حمدان كان منسدح وغرقان بـ د،مه ، خالد كان واقف وهو متصنم بمكانه ، دخلت غايه وهي تصارخ بأسمه : نوفل نوفل
التفت نوفل عليها والتفت على ابو حمدان اللي رفع السلا،ح عليها ، صار نوفل بينها وبين ابو حمدان وكانت على اطلاق ابو حمدان النار لكن من حسن حظ نوفل ان غايه كانت قصيره وكان ابو حمدان مصوب على قلبها ويوم جاء نوفل صارت من ناحية اخر صدره يعني تقريباً بنص بطنه ، مسك نوفل بطنه وهو يطالع بالد،م اللي صار يطلع من جسمه ، خالد كان بالمطبخ وجاب اكبر معلقه قدامه ، ماكان ابو حمدان منتبه وجاء خالد ورمى الملعقه على يده وكانت كبيره وثقيله ، طاح السلا،ح وركض خالد بأسرع ماعنده وخذا السلا،ح ووجهه على ابو حمدان ونطق : ان تحركت اني لا افرغه ببطنك
كانت غايه عند نوفل وهي تردد : لاتروح
ركضت ام حمدان لولدها وكان ولدها مصاب من ناحية قلبه ، طلع خالد جواله ودق على الشرطه والاسعاف ، حاول نوفل يمسك نفسه لكن ماقدر وكان بيطيح لكن غايه مسكته بيدينها لين صار راسه على كتفها وحاول يبعد عنها لكن كانت متمسكه فيه ، وصلو الاسعاف والشرطه لكن بعد فوات الاوان

- بالعزبه -

عبدالكريم : اتصلو على نوفل خلوه يجي الاجواء بتعجبه هنا
نياف : سم ياجدي الحين بتصل عليه
حاول يتصل عليه لكن كان جواله مقفل ، جده دق عليه وابوه وعمانه كلهم لكن ماردو ، بعد دقايق نطق نياف : جدي دقينا عليه وما رد على واحد فينا
عبدالكريم : خلوه اجل يمكن انه عند خوياه وجواله طافي
نياف : ان شاء الله بس بيفوته نسناس الهوى
عبدالكريم ضحك : الله يعوضه
الكل ضحك وكملو سوالف ،

- بالمستشفى -

طلع الدكتور وشال كمامه ونطق : حاولنا باللي نقدر عليه لكن الولد توفى عظم الله اجركم
انهارت امه ونطقت : حسبي عليك من رجال حسبي عليييك
خالد تقدم : ونوفل يادكتور ؟
الدكتور : بالعنايه المركزه
كانت غايه تحاول تهدي ام حمدان لكن ام حمدان من الصدمه اغمى عليها ، بعد دقايق كانت غايه عند خالد ونطقت : ابي اشوف نوفل
خالد : بالعنايه مانقدر
عرفو اهل نوفل وجو للمستشفى وكان معهم عمان نوفل ومن ضمنهم سعود ، فتح سعود عيونه بصدمه وهو يشوف غايه ، غايه اتجهت لابوها وضمته وانهارت بكى بحضنه ، كان ماهو مصدق انه شاف بنته واللي من ليلة زواجها من ابو حمدان مايشوفها حتى صوتها يسمعه بالخش والدش ،
سعود : وشلون جيتي
غايه بدموع : نوفل خاطر بحياتي عشاني
عبدالله بصدمه التفت لخالد ونطق : وش هالكلام اللي قاعد اسمعه !
خالد : اي نعم ياعمي نفس ماسمعتو واللي دخلنا بيته ..
سكت خالد لثواني ونطق عبدالله بحده : منهو !!!
خالد مسح وجهه ونطق : حمدان ولد ابو حمدان
سعود : وينهو ولده
خالد نزل راسه : توفى الله يرحمه
سعود غمض عيونه وه ماهو مستوعب كلام خالد ونطق عبدالله بحده : من اللي تسبب عليه !!
خالد : ابوه جاء واطلق النار عليه
سعود : وامه مادريتو وينها ؟
خالد : يوم سمعت الخبر اغمى عليها وودوها عاد
سعود : لا حول ولا قوة الا بالله
عبدالله : إنا لله وإنا إليه لراجعون
عبدالكريم : الله يصبر قلبها هاربين منه طول هالسنين ولا ندري اذا هم احياء ولا اموات وبالاخير طلعو يبون يفزعون ومات الله يصبر قلبها ويعينها
مناف : وينهو فيه
خالد : مسكوه الشرطه
مناف : احسن وقلعه تقلعه بعد
عبدالكريم : استغفر ربك ياولدي هو من بعد وفاة اخوه وهو ما ..

-

اخباركم اعلومكم بعد البارت؟