ياغاية نوفل ومناه

بارت ٤

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
نوفل فز من مكانه وطلع برا الخيمه وتوجه لخيمة الحريم وهو يصارخ بأعلى صوته : على جثتي هالزواج على جثتييي
غايه فزت من مكانها وعرفت ان ابوها علمهم ،
نوفل وقف عند الخيمه ونطق بأعلى صوته : اذا تزوجيته بيكون موته على يدي سامعههه
طلعت اميره ونطقت : ياولدي وش هالكلام انجنيت انت ! البنت بتتزوج انت حاشر نفسك ليه
ملاحظه : قمر علمتهم ان غايه بتعرس بس ماقالت اي شي بخصوص ماضي سعود
نوفل : اذا راحت معه اعتبروني قتاله
راح نوفل وركب سيارته وراح لأستراحة خوياه ، دخل وهو معصب ونطق : ليه ماحذرتوني من هالشعور اللي بداخلي ليييه !!!
خالد فز من مكانه ونطق : عسى ماشر ؟؟؟
نوفل : خطبها واحد هداد
صقار : وشو !
نوفل جلس وكمل : جاي امس يهدد وجات هي وقالت موافقه بس لايقول شي
خالد : نوفل بلا مقالب مستوعب وش تقول انت !
نوفل رفع نظره لـ خالد : ليتها كذب
صد وهو يحاول يمسك نفسه ،
صقار : وش بتسوي الحين
خالد : ماله الا السكوت خلاص البنت بتروح
التفت نوفل ونطق بحده : على جثتي هالزواج يصير وانتم معي
خالد : والله انك منت بصاحي
نوفل : ومجنون وجايز لي جنوني
قام نوفل من عندهم ومرت الايام وراحت غايه مع ابو حمدان غصبٍ عن الكل وعيون ابوها وامها وعيون نوفل تشوف ، عرف وين بيته وكان واقف مع خالد وصقار بليلة عرسها قدام بيت ابو حمدان ،

- بمكان يبعد عن الديره مسافة الربع ساعه -
حمدان : يمه تدرين ان ابوي تزوج
ام حمدان : من
حمدان : بنت سعود العبدالكريم
ام حمدان تذكرت تعنيف ابو حمدان لها والتفتت لولدها ونطقت : لازم ننقذها منه
حمدان : وشلون !
ام حمدان ضحكت : مدري
حمدان سكت ونطق بينه وبين نفسه : لاحول ولا قوة الا بالله

- قدام بيت ابو حمدان -

كان نوفل يطالع بيت ابو حمدان وراص على سنونه ،
خالد : وش ناوي عليه
نوفل : بفرغ الرشاش فبطنه
صقار بصدمه : نوفل اركد كافي عمك !
نوفل صد وركب سيارته ومشى ولا قدر يتحمل انه يشوف اكثر من كذا ،

- داخل البيت -

ابو حمدان قرب لغايه ومسكها من ذراعها بقوه ورماها بغرفه مافيها اثاث ابداً وسكر الباب عليها وكانت لحالها والغرفه فيها غبار وهي عندها حساسيه من الغبار وصارت تعطس وتحك يدينها ، طلع ابو حمدان من البيت ،
خالد التفت لصقار : اركب اركب لايشوفنا
ركبو السياره وكانن السياره مضلله ولا احد يقدر يشوف ، مشى ابو حمدان وركب سيارته ومشى ،
صقار رفع يده ونطق : ما امداه دخل وش اللي يترك البنت لحالها بالبيت !
خالد : هذا مريض نفسي بس دق على نوفل يمدينا نهرب البنت من بيته قبل يجي
اتصل على نوفل ورد نوفل ونطق صقار : طلع من البيت وتركها لحالها
نوفل بصدمه : اسألك بالله
صقار : ايوالله تعال بسرعه
قفل من صقار نوفل ورجع ، كانت غايه تشوف العناكب حولها وكانت متقززه منهم ، وصل وسحب بريك بأقوى ماعنده ونزل من سيارته وخلاّ الباب مفتوح وراح عند البيت وكانت عيونه للشبابيك ، قامت غايه وفتحت الشباك تبي الهوى يجيها لانها انكتمت من ريحة الغبار ، نوفل شاف الشباك انفتح وكان عيونه على الشباك وكان واقف وصامت ، خالد وصقار وقفو جمبه ونوفل فتح عيونه وهو يشوفها ، صدو صقار وخالد ،
خالد : هذي هي وش نسوي الحين
نوفل ولا كأنه سمع خالد ونطق بأعلى صوته : جايك ياغاية نوفل ومناه واماله
غايه نزلت نظرها للارض وفتحن عيونها بصدمه ،
نوفل : عندك حبل !
غايه : وش جابك انت هنا !!!
نوفل : جاي اخذك من هالمهزله اللي سويتيها
غايه : ماني رايحه الا لما انتقم منه
نوفل : يابنت الحلال امشي معي انا اوريك فيه بس اشمي معي
غايه : ماني ماشيه
نوفل : قلبي ما التفت لغيرك !
غايه : خل قلبك لك اما انا بنتقم لابوي
نوفل : وانا معك بالانتقام بس امشي معي
غايه : اذا تبيني امشي معك ابيك تنفذ اللي ابيه
نوفل : قولي
غايه : روح وانا اتصرف
نوفل : والله ماني رايح
خالد مسك كتف نوفل : يارجال امش
نوفل بعد عنه : ماني ماشي !!
صقار بصوت عالي : يابنت الناس امشي معنا هالسوالف ماهي للحريم
ابو حمدان سمع الاصوات ونطق بصوت عالي : ياعرب
غايه قفلت الشباك اول ماسمعت صوته ، خالد وصقار سحبو نوفل للجيب ونوفل كانت عيونه على الشباك ، ركبو وحرك صقار بعيد ، نوفل كان ساكت وبنص الطريق صرخ بأعلى ماعنده : ليه ماتركتوني اذبحه
كان صقار يسوق وخالد التفت لنوفل : خبل انت !
نوفل : تبيني اتركه معها ويسوي فيها نفس ماسوى بحرمته الاولى وولده واللي للحين محد يدري هم ميتين ولا حيين !
خالد تنهد : بنرجع بس خله يروح ويفكنا
نوفل سكت ولا قال شي وكان يحس انه بحلم ولا هو مصدق وكانت تمثله هالابيات :
راحت لغيري وانا واقف على دوره
قدّام عيني وانا ماعاد يمديني

يابنت منتي من العشاق معذوره
ليتك تركتيلي اللوحه تعزيني

- بعد يومين -

كان خالد وصقار ماسكين نوفل لايروح لابو حمدان وكان نوفل بهذي اليومين عصبي درجه اولى ، وكانو بالاستراحه ،
نوفل : متى ناوين تتركوني
خالد : اذا مسكت اعصابك
نوفل تنهد : هذاني ماسك اعصابي بس خلوني اروح تكفون مابي يصير فيها شي
خالد : طيب يله قومو الشكوى لله
كانت الساعه ٧ بالليل وكان برد ووقفو عند البيت ، التفت نوفل لصقار ونطق : الان طلع لي رقمها
صقار : ها؟
نوفل تنهد ونطق : اذكر انك طلعت رقم واحد اعرفه ابيك الحين تطلع رقمها
صقار : وش بتسوي !
نوفل : طلعه وانا اوريك وش بسوي
خالد دف صقار ونطق : لا ماهو مطلعه قل وش بتسوي
نوفل تنهد : بدق واقنعها تجي معي وارجعها لبيت اهلها وتخلعه بس خل صقار يطلعه واللي يرحم والديكم
صقار ركب الجيب وطلع اللابتوب حقه ونطق : كنت بنزله بالبيت بس اشوى اللي نسيت
نوفل : بسرعه طلعه
بعد دقايق طلعه ونطق صقار : اكتب عندك صفر خمسه ..
كنت نوفل الرقم ودق ، كانت حاطه شريحتها بكشاف ( جوال الجدات اللي مايعرفونه ) ومخبيته بشرابها ( تكرمون ) ، دق جوالها وزفت وردت بدون ماتشوف الاسم ،
نوفل التفت وبعد الجوال عنه ونطق : ردت ياعيال
خالد رص على سنونه ونطق : قل بسرعه لايجي
نوفل اخذ نفس وقرب الجوال لأذنه ونطق : مسيتي بالخير
غايه بتعب : من معي؟
نوفل : شفيه صوتك كذا ؟
غايه : من معي ؟؟
نوفل تنهد ونطق : معك رجالٍ بيضحي بنفسه عشانك
غايه : نوفل؟
نوفل نزل راسه وحرك رجله ونطق : اي
غايه : وش تبي !
نوفل : من بعد ذيك الليله واللي يجيتي واحتميتي فيني ورحتي .. ابشرك اخذتي قلبي معك
غايه : مافهمت
نوفل : بنفس اليوم اللي جدي قال لابوي يدق على ابوك ويجينا خطبتك وانصدمت انك مخطوبه واللي صدمني اكثر ان اللي خطبك ابو حمدان بس اتركينا منه انتي وش فيه صوتك ؟
غايه بلعت رايقها : ليه واضح على صوتي؟
نوفل تنهد : وش مسوي فيك
غايه طالعت يدها واللي كانت كلها اماكن ضرب : ماسوى فيني شي بس ..
سكتت ونطق نوفل : بس وشو !
غايه : مقفل علي الباب لي كم ساعه ولا اكلت شي
نوفل : حسبي عليك يابو حمدان
اخذ نفس ونطق : خمس دقايق امر البوفيه واجيب لك شي تاكلين بس وش تبين
غايه : اي شي بس شلون توصله وانا بالدور الثاني ؟
نوفل : نفس ماجبت رقمك اجيب الاكل لك بس خليك معي لاتقطعين
راح نوفل للبوفيه وكانت قريبه لبيت ابو حمدان ، بعد دقايق طلع وهو معه الكيس والتفت لصقار وخالد ونطق : راقبو لي هالتيس اذا جاء واحد منكم يدق علي بس صقار هات سماعتك البلوتوث هذي
صقار اعطاه وضحك : سايمها بخمس ريالات بس ماترجع
نوفل : اذاني انظف من وجهك بس هات
خالد ضحك : انجز انت وياه
نوفل ركب وحده من السماعات و ورفع ثوبه وربط الكيس بشماغه وربط شماغه بخصره وفسر اكمام يدينه واتجه للشباك ونطق : افتحي الشباك
انجهت للشباك وفتحته ، نوفل كان معروف من صغره انه يتسلق الجدران وكأنه قرد لين ابوه مره هاوشه ولا تسلق اي جدار وبعد هالسنين رجع وتسلق الجدرا عشانها ، تعلق بالمواصير وصار يتسلق بين وصل للشباك ، كانت جمب الشباك بس من بعيد وترجف تخاف ان ابو حمدان يطب عليهم، بعد اربع دقايق دخل نوفل من