ياغاية نوفل ومناه

بارت ٨

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
وصل نوفل لـ حايل واستأجر شقه وسكن فيها على مايدور له بيت ، انسدح على السري بتعب وصار يطالع بالسقف وتذكر غايه ، تعوذ من الشيطان وسحب اللحاف وتغطى فيه وحاول انه ينام ، ماقدر ينام وقام وفتح الشباك ، فتحت الشباك وطالعت للقمر ، رفع عيونه للقمر وهو يطالعه ، التفتت على الكرسي واللي كان عليه شماغ نوفل ، نوفل رفع يده وطالع فيها وهر يتذكر ملمس يدين غايه ، بعدت غايه من الشباك وقربت للكرسي وخذت الشماغ وهي تطالع فيه ، بعد نوفل عن الشباك وصار يدور بالغرفه ، جلست غايه على سريرها وانسدحت ، جلس نوفل على سريره وانسدح ، غمضت عيونها وكان شماغه بين يدينها ، غمض عيونه بتعب ، بعد ثواني قليله النوم غلب عيونهم ،

- بمزرعة خوال نياف -

كان نياف واخته منال يتمشون ، التفت نياف على منال ونطق : الا وش رايك بـ سعاد؟
منال : زينه بس ليه؟
نياف : كذا
منال ابتسمت : ايييه بدينا
نياف التفت لها ونطق بورطه : لا لا
منال ضحكت : الله يستر منك بس
نياف ضحك : اعوذ بالله منك

- قبل ثلاث شهور -

كانو بالمزرعه وراحت سعاد عند الخيل ووقفت بمكانها يومنها شافت رجال على الخيل ويحاول يتحكم فيه لكن ماقدر وطاح من عليه ، شهقت وركضت له ونطقت : تعورت ؟
رفع نظره لها وهو يشوفها : ها
سعاد بخوف : اشوف يدك
مسكت يده وهي تشوفها ، نياف مانزلت عينه من عليها ، بعد ثواني استوعب على نفسه وسحب يده منها وتنحنح ونطق : ماينفع كذا وش تسوين انتي
سعاد : اشوف اذا تعورت ولا لا
نياف بحده : ليه زوجك انا !
سعاد انصدمت من كلامه ونطقت : وش هالكلام !
نياف ضحك وهو معصب : وانا الصادق روحي بس لاهلك
سعاد : اشوا اللي ماني متزوجه واحد نفسك رخمه
التفت نياف لها ونطق بحده : اعقبي
سعاد قامت ونطقت : الشرهه علي يا الرخمه اللي اجيك ولا فيه رجال مايعرف للخيل ! يع يع بعد عني
نياف قام ونطق : الا الشرهه علي انا اللي مقابلك
مشى نياف ونطق بصوت عالي : صديق خيل هذا دخله داخل
العامل : طيب بابا
نياف بصوت قصير : وجهي ماهو وجه خيل انا حدي العزبه وراجع

- بالليل -

كانت سعاد بغرفة اختها رغد وكانت رغد ماسكه جوالها وتطقطق فيه ،
سعاد : رغد اتركي جوالك بقولك اليوم من لقيت
نزلت رغد جوالها : من
سعاد قالت لها السالفه كامله وزودت على كلامها : انا اللي مصدومه منه شلون ليه زوجك انا !
رغد كانت مصدومه وماسكه راسها وكملت سعاد : يع تخيلي اتزوج واحد مايعرف يركب خيل ي..
قاطعتها رغد : لاتلومينه وش هالحنيه اللي جتك فجأه !
سعاد : لاتلوميني كنت بساعده بس هو رخمه
رغد قامت ونطقت : شرايك تنامين؟
سعاد : طيب طيب
قامت سعاد لغرفتها وانسدحت ونامت ، نياف من ذيك الفتره لهاليوم وهو يفكر فيها ،

- حالياً -

منال : يمه سعاد مصوره بالانستا تعالي اوريك
فز قلب نياف لكن مسك نفسه ، بعد دقايق التفت نياف لـ منال ونطق : منال جوالي مافيه رصيد ابي ادق على خويي
الجادل : ولا تلقى الا جوال اختك
نياف : ابلكه ماعليك يمه بس ضروري
منال اعطت جوالها لـ نياف ، فتح نياف الانستا ودخل على اخر محادثه منال مرسلتها وكانت مرسله لها ( سعاد تصويرك يهبل ) ، خذا حسابها وضافها عنده ، دق على خويه عشان امه واخته مايشكون ونطق : الو انا نياف بس ان رصيدي خلص ودقيت على رقم ثاني الحين بجيك
ماجد بأستغراب : طيب
بلك خويه من جوال منال وطلع ، ارسلت سعاد له ( مين ؟ )
نياف : معجب
سعاد شافت الرساله ولا ردت ،
نياف : ردي الاضافه
سعاد ماردت ، بعد دقايق ضافته ، ماكان منزل وجهه وراح لخويه ماجد وجلس ونطق : اسمع فيه برنامج ما اعرف له واجد وانت اعرفك لك بهالبرامج
ماجد : وش البرنامج
نياف : هذا
ماجد : لا هذا عاد اسهل منه مافيه صور اللي قدامك ونزله
نياف بصدمه : بس !
ماجد : بس
بعد ثواني نطق ماجد : بعدين ليه حسابك كذا كأنه وهمي
نياف : ضبطني فيه طيب
ماجد : عندك صوره حلوه ؟
نياف : اي دقيقه
طلع نياف صوره له وكان جنبه ناقته ونطق ماجد : يابدوي
نياف : اعجبك
ماجد : انت شلون بتجيب راس البنات لا لا مايصلح كذا
نياف بحده : اعقببب
ماجد : اعقب وشو مو انت داخل بهالبرنامج تبي تتزوج عن حب
نياف صد : لا
ماجد : اجل
نياف التفت له ونطق : ماهقيت ان كذا تفكيرك بهالبرنامج
ماجد : شكلك نسيت انك قبل يومين سألتني شلون تعرف اذا انت تحب
نياف تنحنح : القصد ماهو كذا بس قلت يعني بشوف انا من زمان عندي هالبرنامج واختي قالت لي حلمه وحملته بس
ماجد : اسئت الظن فيك اجل هات هات اصورك
نياف ضحك : يلا ضبطني
اخذ ماجد جوال نياف وصوره ، بعد دقايق ضبطو الحساب وصار نياف ينزل يومياته بالستوري ،

نوفل كان بشغله وقام اول ماخلص من دوامه ،
ساير : وين رايح
نوفل : ابد راجع للبيت
ساير : اجلس شوي نبي انا وياك والربع نروح لعقده
نوفل : وش ؟
ساير : مكان اسمه عقده بيعجبك بالحيل بس خلك شوي لين مسعود يخلص شغله
مسعود : روحو انتم وانا ألحقكم
نوفل جلس : لا نروح سوا
ساير : شكلك مو من حايل
نوفل : لا من الجنوب
ساير : وشنوحك ياحيي تارك الجنوب وجاينا ليه ماعندكم وظايف هناك !
نوفل بأستغراب : ها ؟
ضحك مسعود : يابو محمد شفيك على الرجال
مسعود التفت على نوفل : يقصد وش فيك تارك الجنوب وجاينا
نوفل : اييه لا ابد بس صار لي ظرف هناك ولا قدرت اجلس وجيت هنا
ساير : الله ييسر امرك
نوفل : امين
بعد دقايق راحو وكان نوفل يطالع بالجبال ،
ساير : هذي عقدتنا يانوفل
نوفل : تبارك الرحمن
مسعود : عاد لازم نجيكم يا اهل الجنوب
نوفل : واتمشى فيكم بمكان بيعجبكم
دق جوال ساير ورد عليه ونطق : جايينك جايينك
فهيد : يارجال لكم ساعه تقولون جايينك وجايينك ولا جيتونا
ساير : لا الحين صدز بنجيكم
فهيد : هذا وجهي
قفل فهيد من ساير وضحك ساير ،
مسعود : هذي عادته
نوفل سكت ولا قال شي

الجادل سوت عزيمه بمزرعة اهلها وعزمة اهل زواجها وحريمهم ، غايه جلست عند البنات وصارت تسولف ،
سعاد : بنات من تحب الخيل
غايه : انا
سعاد : اجل انتي صديقتي امشي معاي
ضحكت غايه وقامو ونطقت سعاد : ببدل انا شوي واجيك
غايه : تمام حتى انا
كانو بينامون بالمزرعه وغايه جابت كذا قطعه وبدلت الفستان بلبس اريح اكثر ، طلعت شماغ نوفل من شنطتها وصارت تطالعه ، بعد دقايق ..