ياغاية نوفل ومناه

بارت ٢

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
ماقدرت تدخل البيت من الحرمه وطلعت برا وركضت وشافت بعدين شوي ضو واتجهت له وهي تركض، نوفل وقف وناظر نوفل مسك ذراعها بدون لا يحس وسحبها وراه ونطق : ماعليك ما عليك
كانت ورا ظهره ونوفل سحب البارود واطلق بالارض ، غايه تمسكت بثوبه يوم سمعت الصوت ، نوفل غمض عيونه وهو يحاول يمسك نفسه وحس بأظافرها وهي تغرس بظهره ، الحرمه المجنونه صرخت وراحت بعيد ، نوفل تنهد ونطق : راحت
غايه حست على نفسها وبعدت عنه ، نوفل نزل شماغه ورماه على الفرشه ونطق : تستري بشماغي انا وخوياي بنبعد
بعد هو واخوياه ، خالد ضحك ونطق : الله الله يا استاذ نوفل تحمي حرمه ! وفوقها تسحبها وراك وتضرب النار بالارض عشان المجنونه تروح !
نوفل كان ساكت ومصدوم من اللي سواه ، صار يحرك يده اليسار اللي مسك فيها البنت وكأن وده يقطع يده ويرميها بالنار وكان وجهه اسود ،
صقار التفت لخالد وهز راسه بمعنى ( شفيه هذا )
خالد رفع كتوفه بمعنى مدري
صقار تقدم لنوفل ونطق : فيك شي ؟
نوفل رفع نظره لصقار ونطق بقلة حيل : شلون لمستها انا ليه ماوقفتوني !
خالد مسك ضحكته ،
صقار : يولد ولو ترا كلها ذراع وش مسوي من حرام صدق انها ماتحل لك بس اشوا من شي ثاني واللي انت سويته شي ماهو بيدك
نوفل صد عن يده وصار ينفضها ، خالد مسك ذراع نوفل ونطق : نوفل امسك نفسك لين نوصل البنت لأهلها بعدي لو احد مر وش يقولون ! كافي ابو حمدان من اكبر اعدائكم ويبي الزله عليكم !
نوفل هز راسه ونطق بصوته وهو يرجف : وش جابك هنا بدون عباة
غايه : كنت عند خوالي واتمشى ببيتهم ودخلت علي هالحرمه المجنونه وحاولت ادخل داخل ولا قدرت منها كل ما بدخل تجي بوجهي وتخرعني لين صرت عند باب الشارع وغصب طلعت بدون احس
خالد قرب لـ نوفل ونطق : صوتها ماهو غريب علي
صقار : ولا انا
نوفل بـ نقد : وش قصدكم
خالد : ما قصدنا شي بس سمعته بس مدري وين
صقار وهو يحاول يتذكر : حاولت اتذكر بس ماش
خالد : اسألها من بنته
نوفل : ليه مو انت
خالد : اسال وانت ساكت
نوفل تنهد ونطق : من بنته
غايه : بنت سعود العبدالكريم ليه ماعرفتني؟
نوفل فتح عيونه بصدمه ، خالد مسك راسه وصقار غمض عيونه ،
نوفل : لا ماعرفتك يابنت العم لكن قومي اركبي معي اوديك لخوالك قبل احد يمر من عندنا ويشوفنا ويفهم خطأ
غايه قامت ونوفل نطق : صقار اركب معي وخالد خلك هنا
خالد : زين
ركبو جيب صقار وكان اللي يسوق نوفل لانه يعرف مكان بيت خوال غايه ، كانت ورا صقار وتطالع بنوفل اللي كان يسوق ويمسح على شنبه ، قربت شماغه وهي تشمه واعجبتها ريحة عطره ، بعد دقايق قليله وقف عند باب خوالها ونطق : الجايه سكرو الباب زين هالمجنونه هالمرا وش سوت ووين ودتك المرا الجايه يمكنك بتطيحين برجال غرب والله العالم وش يسوون واحمدي ربك انك اللي طحتي فيهم ولد عمك وخوياه ومرات ولد العم ماهو اجودي ولا ندري وش بقلبه
غايه سكتت لثواني ونطقت : عادي انزل ؟
نوفل تنهد : قبل تنزلين مابي احد يدري باللي صار واني مسكت ذراعك
غايه ضحكت بهداوه ونطقت : ماعليك سرك ببير ياولد عمي وماني قايله الا اني تخبيت ورا السياره وانت وخوياك هاوشتو الحرمه وراحت وجيت انت وخوياك ووصلتوني لبيت خوالي
نوفل تنهد براحه ونطق: زين وانتبهي ترا المجانين واجد
غايه ضحكت : ماعليك
فتحت الباب والتفتت له ونطقت : وين احط شماغك ؟
نوفل : خليه معك وادخلي مابي احد يشوف وجهك
غايه ابتسمت ونطقت : تمام
نزلت وقبل تقفل الباب نطقت : شكراً لانك انقذتني من الحرمه المجنونه هذي
نوفل ابتسم ونطق : مابيننا يابنت العم
قفلت الباب ودخلت داخل وسكرت باب الشارع بقوه ،
قمر وهي تركض ودموعها تنزل : وينك فيه
غايه نزلت شماغ نوفل من راسها وحطته على كتوفها ونطقت : جت حرمه مجنونه ولحقتني
قمر لاحظت الشماغ على كتوف غايه ونطقت : من شماغه هذا ؟؟
غايه : ماما السالفه طويله خلينا ندخل واقولك
دخلو وقالت السالفه من وإلى ،
قمر : حسبي الله عليك ياصيته
غايه : من صيته؟
قمر : المجنونه اللي لحقتك
مشت الليله على خير الا على قلب نوفل واللي ما استوعب اللي صار له ، وله اسبوع بعد الحادثه وهو متغير عن الكل ومنعزل عن الكل ،