'လယ်ယာမြေများ ပိုင်ဆိုင်လာ'
"မဟုတ်ဘူးလေကွာ.. နှစ်ရှည်စိုက်ပျိုးပင်တွေ ဘယ်စိုက်မလဲ၊ ရေတို ဟင်းသီးဟင်းရွက်ပဲစိုက်မှာပေါ့၊ မြန်မြန်ကြီး မြန်မြန်ရောင်း ငွေမြန်မြန်ရမယ့်ဟာမျိုး ..ဥပမာ အာလူးစိုက်တာ၊ တစ်ကယ်လို့ စိုက်ခင်းက ရေချောင်းနဲ့နီးရင်၊ ဒါမှမဟုတ် တောင် ခြေမှာဆိုရင် ကြက်၊ဘဲ၊ငါး မွေးမြူရေးပါလုပ်သင့်တယ်၊ မိုးက တစ်လကျော်ရွာသွားတာဆိုတော့ မိုးပြင်းထပ်မလာတော့ဘူး၊ အခုရာသီဥတုက မိုးဒဏ်နဲ့ အေးစိမ့်စိမ့်လေးဖြစ်နေတာ စိုက်ပျိုးလို့အကောင်းဆုံးအချိန်ပဲ... မအောင်မြင်မှာ စိတ်မပူနဲ့"
ရှန်လျန်က သူ့အကြံဉာဏ်ကို တစ်ပါတည်း ရှင်းပြသည်။အချိန်အတန်ကြာသည်အထိ တာ့ချင်ပြည်မှာ ဘာကပ်ဘေးမှ မကျဘူးဆိုတာ အနာဂါတ်မှာ ေနထိုင်ခဲ့သူ အနေနဲ့ ယုံကြည်ချက်ရှိရှိပြောနိုင်သည်။ သို့သော်လောကကြီးက အစိုးမရသဖြင့် တပ်အပ်တော့ မသေချာ၊ မည်သို့ပင်ဖြစ်စေ သူတို့က လတ်တလောမှာ နှစ်ရှည်သီးပင်တွေစိုက်မှာလည်း မဟုတ်၊ ဗိုက်မြန်မြန်ဖြည့်လို့ရမယ့် ဟင်းသီးဟင်းရွက်များကိုသာ စိုက်မည်ဖြစ်၏။
အချိန်တစ်ခုကြာလျှင် တခြားသူတွေက သူတို့လိုလိုက်လုပ်၍ ဟင်းရွက်ဈေးကျသွားခါမှ ဝယ်စားပြီး သူတို့က ဆန်၊ဂျုံ၊ပြောင်းစသဖြင့် ပြောင်းလဲစိုက်ပျိုးမည်။ အစကောင်းလျှင် အနှောင်းသေချာမှာမလွဲ။
"မင်းပြောသလိုဆို မဆိုးဘူး"
ဝေထန်က သူ့မေးသူပွတ်ကာ ရှဲ့ယန်နဲ့ ကျန်သူတို့ကို တိုင်ပင်သလိုကြည့်သည်။ သူတို့ထဲမှာ စိုက်ပျိုးရေးဗဟုသုတနဲ့ပတ်သက်ပြီး ရင်းနှီးကျွမ်းဝင်သူ တစ်ဦးမှမပါ။
"ကြိုးစားကြည့်သင့်လား"
ယန်ထျန်းယွီက အနည်းငယ်တွန့်ဆုတ်နေသေး၏၊ ထိုစဉ် ရှန်ကျိုးက ဆုံးဖြတ်ပေးလိုက်သည်။
"လျန်လျန် ပြောတဲ့အတိုင်းပဲ လုပ်လိုက်ရအောင်ပါ၊သူ့အကြံက အကောင်းဆုံးပဲ"
သို့နှင့် ရှန်လျန် ပြောတဲ့အတိုင်းလုပ်ရန် အတည်ဖြစ်သွားသည်။
YOU ARE READING
ရှန်လျန် Part 2
Historyczneပြန်လည်ရှင်သန်လာတဲ့ ရှန်လျန်နဲ့ သူ့ရဲ့ကလဲ့စားချေမှုမှာ အတူပူးပေါင်းကူညီပေးတဲ့ ဖေးယွမ်ရွှင်းတို့ နှစ်ဦး ရန်သူတွေကို အကွက်ကျကျ ဘယ်လိုတိုက်ခိုက်မလဲ... အဆုံးသတ်မှာ သူတို့ဘဝ ဘာဆက်ဖြစ်ကြမလဲ ဝါသနာအရ ဘာသာပြန်ပေးခြင်းသာ#
