وصدت تتذكر كلام أشواق وتخيب كل ظنونه من نطقت: بكون بفريق الدكتور اسامه!
رفع راسه غيث بصدمه يناظرها وناظرته ترفع حاجبها وتصد من نطق المديره: خلص الاجتماع تقدرون تطلعون والترتيب بيكون زي اختيارات رئيسين القسم!
تنهدت أسيل من تسرعها لكن افكارها طغت عليها تقدمت ووقف أسر معها يطلعون وناظرها يعقد حاجبه ينطق: ليه مااخترتي غيث؟
ناظرته تتكتف وتدري ان غيث يسمعهم تنطق: ليه اختاره مو يعني انه ولد خالي خلاص اختاره مرتاحه من الدكتور اسامه!
شد على يده غيث وهز راسه أسر ينطق: براحتك!
مشى يبتعد عنها وتقدمت تبي تمشي وغمضت عيونها من سمعت غيث يناديها والتفتت عليه بهدوء وتحاول ماتناظر عيونه ناظر عيونها غيث الي تشتتها عنه ينطق: ليه؟
رفعت نظرها له تعقد حاجبها: وشو ليه؟ مااضن ان لك دخل فيني اختار الي ابي ليه تتدخل؟
ناظرها يضحك بسخريه ينطق: من يوم جيتي وانتي تشتغلين معي ماتعودتي؟
عقدت حاجبها تنطق: انا ماادري لكن وش بتفرق؟ معك او مع غيرك؟!
ناظرها ينطق بغضب: تفرق باالنسبه لي تفرق!
ناظرته مستغربه من غضبه ورفعت نظرها لاأسامه الي تقدم جنب غيث يناظر أسيل ينطق: أسيل؟
هزت راسها باالايجاب ومد يده يعطيها البطاقه الخاصه فيها والمكتوب عليها اسمها واسم رئيس القسم
اخذتها من كفه وعضت شفتها تلبسها على عنقها وناظرة غيث الي يناظرها وشاد على يده تركتهم تعطيهم ظهرها وتمشي ولف غيث ل أسامه يحبس غضبه يناظر عيونه ينطق: ليه اختارتها هي بذات من بين كل الدكاتره؟
رفع اكتافه اسامه بعدم معرفه: جاز لي شغلها وحبيت انها تكون بفريقي!
رفع حاجبه غيث يتقدم يناظر عيونه: ومن وين تعرف شغلها؟
عقد حاجبه اسامه من اسألته: اعتذر لكن مايخصك وهي اختارتني ليه معصب لهدرجه!
ناظره غيث بغضب ولف يعطيه ظهره يمشي متجاهله رغم الشعور والحريق الي يحسها بقلبه مايدري ليه يحس كذا لكنه يحاول قد مايقدر يتجاهل كل شي لنه يعرف ان مالهم طريق مع بعض ومايبي يعترف لنفسه بمشاعره لها لنه شافها اليوم وكيف كانت تقدر تيجي فريقه لكنها تركته وكان يظن لو مو عشانه عشان توأمها لكنه تركته هو بعد ومايدري وش سبب كل تصرفاتها وصدودها عنه.
طلعت تتنفس بسرعه ورفعت يدها لصدرها وعقدت حاجبها تسمع صراخ لفت تشوف المرأه المغمى عليها تركض تبعد الناس المجتمعين تتقدم بسرعه تقيس النبض ورفعت راسها لااحد الموجوده تنطق: ادخلي خليهم يجيبون لي سرير بسرعه!
دخلت البنت بسرعه تتلفت يمين ويسار وركضت من شافت دكتور تنطق: يادكتور تكفى في حاله برا وفي دكتوره تقول جيبو كرسي!
هز راسه اسامه بسرعه يطلع يشوف أسيل الي على ركبها تفحصها يتقدم بسرعه يسعدها يحطونها على السرير وركضو يدخلونها وتقدمت أسيل بسرعه تلبس قلقزها تتقدم تناظر المؤشرات ترفع نظرها ل أسامه تنطق: نبضها ضعيف جداً!
هز راسه أسامه وفزت أسيل من اعتلى صوت الاجهزه ورفعت نظرها لا أسامه وهزت راسها من اشر لها تبدأ تسوي لها مساج القلب بدت تسوي وهزت راسها باالنفي من طلع مافي فايده ورفعت نظرها للبنت الصغيره الي عند الباب تبكي وتناظر امها الي نايمه امامها هزت راسها باالنفي تهمس: ماراح تتركي بنتك ماتتركينها لسا صغيره!
رفعت نظرها أسيل ل أسامه تنطق: الجهاز!
هز راسه أسامه باالنفي يهمس: أسيل! مانقدر!
لقت أسيل للباب تشوف الطفله المنهاره ترجع نظرها ل اسامه تصرخ: اعطيني بسرعه!
تنهد ومد لها الجهاز بسرعه وغمضت عيونها تحطه على صدرها تهمس: تكفين عشان بنتك!
ناظرتهم يبتعدون بخفه تصعقها ومدت الجهاز لا أسامه ترجع تسوي لها مساج القلب وغمضت عيونها من فقدت الأمل تتجمع الدموع بعيونها من نطق أسامه بساعه الموت تغمض عيونها تنهمر دموعها اعطته ظهرها تبعد القلفز ترميه وطلعت تناظر الطفله الي رافعه يدينها ل أذنيها وتهز راسها باالنفي وتقدمت أسيل تجلس على ركبها امامها ورفعت راسها البنت تنطق: ماما وين؟
غمضت عيونها أسيل تتقدم تحضنها بخفه ورفعت راسها من تقدمت امرأه وابتعدت الطفله من حضن أسيل تحضنها ورفعت راسها المرأه لا أسيل تنطق: اختي وش صار عليها؟
هزت راسها أسيل باالاسف تنطق: اسفه ماقدرنا ننقذها حالتها متدهوره مرا عظم الله اجركم!
غمضت عيونها الامرأه تهز راسها واعطتهم أسيل ظهرها هي كانت حاسبه حساب كل شي لكنها ماكانت تتخيل شلون بتكون رده فعل طفله كذا لسا بعمر ال٦ سنوات تفقد امها صعب وجداً رفعت نظرها لموج وتقدمت تحضنها تغمض عيونها بصمت ورفعت موج كفها لشعر موج تنطق: شفيك يا روحي؟
ابتعدت عنها أسيل تنطق: كيف الحياه بدون ام؟
غمضت عيونها موج تنطق: بسم الله أسيل وش ها الكلام وش صار؟
هزت راسها أسيل باالنفي وطلعت تكمل شغلها تحاول تتجاهل وماتفكر في شي وناظرت غيث الي يناظرها وغمضت عيونها بغضب من نظراته الي تلحقها بكل مكان تتقدم له بغضب تنطق: وش عندك هنا وش فيك كل ماألف احصلك قدامي ماعندك شغل تشغل نفسك فيه!
ناظرها غيث يرفع حاجبه ينطق: يخصك؟
ناظرته تهز راسها تنطق: جالس تضايقني خلاص اتركني بحالي تفهم!
ناظرها ينطق: ليه اخترتي الدكتور اسامه كان ولد خالك اقرب لك!
رفعت حاجبه بسخريها تتكتف تنطق تذكره بكلامه: باالمستشفى انسى انو عندك بنت عمه تفهم وتذكر متى قلت لي ها الكلام!
اعطته ظهرها من نادها أسامه وعض شفته بغيض من نظرات اسامه ل أسيل ومايحس براحه ابداً!
اعطهم ظهره يمشي ويحلف ان بيطلع شي من ورا اسامه لكن بيطلعه ولو كلفه الامر حياته.!
