تنهد ثامر بضيق يصد عنها يناظر ليلى السادحه ويحلف انه مابيترك الي وصل اخته ل هاالحال!
'
"بعد مرور يومين"
وقفت ليلى بعد ماسجل لها غياث خروج وسلمه لهم، نزلت يدها على بطنها بألم تغمض عيونها بتعب، تقدم لها ثامر يسعدها يخليها تستند عليه، رفعو روسهم من دقت الباب تدخل ترف، وقفت خطواتها عند الباب وابتسمت تناظر ليلى الواقفه وحولت انظارها لثامر الي يناظرها وعضت شفتها بتوتر تتقدم لهم باارتباك وقفت جنب ليلى ترفع ذراع ليلى على كتفها تسندها ورفعت نظرها لثامر الي ماانزاحت عيونه عنها تنطق تحاول تتجاهل نبضات قلبها الي ارتفعت من نظراته الي وترتها: اذا تبي تطلع تقرب السياره انا بكون معها!
تنهد ثامر يهز راسه باالايجاب وتقدم يخرج من الغرفه تاركهم، نزلت ترف كفها على ظهر ليلى تمشي معها بخفه بسبب جرح ليلى الي م التأم، نزلت ليلى انظارها لخطواتها تمشي بخفه، رفعت راسها ولانت ملامحها تناظره عند باب مكتبه ويناظرها تجمدت خطواتها توقف تناظره تشوف نظراته الي فيها خوف ولهفه تشوف لمعه عيونه الي ماتفهمها تناظره يناظر عيونها بدون توتر لكن نظراته لها كفيله انها توترها بدون مجهود منه، عقدت حاجبها ترف من توقف خطوات ليلى ترفع راسها وعقدت حاجبها تناظر تبادل النظرات الي بينهم رغم رجفه كفوف ليلى الي بكفوفها، ابتسمت تعض شفتها تناظر غياث الي كان يناظر ليلى وماهو منتبه لوجودها حتى التفتت ليلى لترف تشتت انظارها عن غياث بعد ماحست ان نظراتهم طالت وجداً تهمس لترف: خذيني ترف!
هز راسها ترف بهدوء تتقدم تمشي معها، نزل راسه يغمض عيونه لنه سهى ونسى نفسه ومااستوعبها الا يوم مشت من جنبه تنهد يتقدم لمكتبه يدخل يقفل الباب يسند ظهره عليه بتفكير فيها.
'
طلعت وهي سانده ليلى ورفعت راسها تشوف سياره ثامر امام المستشفى تماماً وتقدمت تبي تسعد ليلى تركب لكنها رفعت راسها من نزل ثامر يرفع صوته: اتركيها انا اسعدها
تقدم لجهت ترف وشدت على يدها بتوتر تتراجع للخلف وتقدم ثامر يركب ليلى بهدوء قفل بابها يلتفت لترف وابتسم بخفه يهمس: ماقصرتي!
ناظرت ابتسامته وهزت راسها له ترد له الابتسامه بخفه واعطته ظهرها تمشي من جنبه ولف لها ثامر يناظرها حتى ركبت سيارتها تمشي، تنهد بخفه وسرعان مالتفت ثامر لاالشباك الي تدقه ليلى وتقدم يركب، لفت عليه ليلى تناظره شارد ورفعت كفها لبطنها ترجع راسها للخلف تلف له تهمس: تحبها!
عقد حاجبه ثامر يلف لها ينطق: قلتي شي؟!
ابتسمت بخفه تلف تناظر الطريق لنه تعرف انه يمثل عدم السمع لكنه سمع وكل حرف دق بقلبه من سوألها لكنه مايبيها تعرف الحين.
'
"اليوم الثاني الصبح"
صحت توقف تتروش وطلعت تلبس ملابس دوامها لن لها يومين مادوامت لكنها ماتبي تجلس لنها تحس نفسها بخير وجداً، اخذت اغراضها وابتسمت تنزل والابتسامه مزينه ثغرها وتقدمت تقبل خد ايلام وخد رامي لفت لأسر الي نزل خلفها وابتسمت من تقدم يحاوط اكتافها ورفع كفه يزيح اللصق عن جبينها يشوف، وصرخت بألم تدفعه عنها لنه سحب اللصق بقوه عن جبينها ناظرته تعقد حاجبها بحده من شافته يضحك والتفتت لأبوها تنطق: يبه والله بضربه ترا!
رفع اكتافه رامي بعدم اهتمام واتسعت ابتسامة أسيل بخبث لنه اعطها الضوء الاخضر تتقدم تسحب شعره من الامام تنطق: قول أسف!
انحنى أسر وهو يضحك يحس بكفوفها الي ماسكه شعرها ينطق: تكفين الحين هذي مسكه! وش ذا ماتعور!
رفعت حاجبها تناظره وهي تشد اكثر تنطق: يويلي هذا اقوى شي عندي!
ضحك بعلو صوته يرفع كفه لكفها يبعدها عنه ورفع كفه يعدل شعره ينطق: اقول والله ماتحترمين نفسك يويلك!
رفعت حاجبها تتكتف امامه وضحكت بعلو صوتها لن مابينهم شي من الاساس ناظرته وهي تضحك تنطق: انت متأكد انك تعرف كم بيني وبينك!
هز راسه أسر وهو يعدل شعره وتكتفت تناظره، وابتسم بعباطه يلتفت لها: خمس دقايق!
ضحكت أسيل بعلو صوتها تناظره يعدل شعره ورفعت كفه تبعثره مرا ثانيه تمد يدها تاخذ المفتاح من الطاوله تطلع تركض وهي تضحك ترفع صوتها: لو تأخرت خمس دقايق بسحب عليك!
ابتسمت تطلع تقفل الباب خلفها تتقدم تشغل السياره تركبها تنتظر أسر، تنهدت بملل لنه طول رفعت راسها من طلع وهو للحين يعدل شعره ابتسمت بخبث تناظر من ركب وهو ينطق: دامك اخذتي المفتاح سوقي يلا!
هزت راسها تناظر وميلت شفتها تسحب المشط من يده بغفله منه ترفعه لشعره تخربه، لف لها أسر يصرخ بغضب يرفع كفه يضرب راسها بخفه وضحكت أسيل بعلو صوتها وناظرها بحده لكنها تجاهلته وهي تضحك تحرك السياره متوجهين للمستشفى!
وصلو ينزلون وابتسم أسر بعد ماكان مكشر بوجهه من أسيل وناظرته أسيل ترفع حاجبها تنطق: توك كنت ماهوشني والحين شفتها قلبت خروف!
الفتت لها بسرعه: تعقبين!
ابتسمت تتقدم تحضن موج الي تقدمت لهم وابتعدت عنها تحاوط اكتافها وناظرت أسر الي يناظر أسيل وهو مكشر، ضحكت أسيل على وجهه وابتعدت عن موج تلوح لها بكفها تمشي مبتعده عنهم، عض شفته أسر ينزل انظاره لموج الي تناظره وهي مبتسمه والتفت يمينه وشماله مايشوف احد والكل مشغول، تقدم جنبها ينزل كفه لكفها يسحبها للغرفه الفاضيه يقفل الباب وابتسم يناظرها يتقدم يجلس يشوفها واقفه امامه بمسافه صغيره رفع يدينه لخصرها يسحبها له وابتسم يناظرها تشتت انظارها عنه يشد على خصرها يهمس: وحشتيني!
ميلت شفتها تحاول ماتبتسم ورفعت كفوفها لذراعه تحاول تحرر نفسها منه لكنه شاد عليها واستلمت تتركه يحاوطها يشبك كفوفه ببعض خلف ظهرها وناظرته تنطق: انا الي اعرفه ان الاجازه لأسيل انت شدخلك تغيب معها يومين!
ابتسم يناظرها يعض شفته ينطق: يعني تعترفين انك اشتقتي لي وماتبيني اغيب عنك!
ناظرته وابتسمت بتلاعب تحاوط عنقه تنطق بدلع وهي ترفع اكتافها: يمكن اي ويمكن لا!
رفع حاجبه وابتسم يحضنها يشد عليها وابتسمت تشد عليه اكثر، وابتعد عنها يقابل ملامحها وناظرته بتوتر تشوف عيونه الي على ثغرها تشد على اكتافه لاأرادي ، ابتعد عنها يناظر توترها وابتسم بخفه ينحني يقُبل خدها قُرب ثغرها وابتعد يهمس: اعرف اني وحشتك بس بمشيها لك!
حرر خصرها وابتسمت تبتعد عنه توقف امام باب الغرفه ولفت له وهي مبتسمه تتقدم بسرعه تقُبل خده وتطلع قبل حتى يستوعب، عقد حاجبه من سرعتها الي ماتركته حتى يستوعبها يغمض عيونه وسرعان مااتسعت ابتسامته يعض شفته يرفع كفه لشعره يهمس: يويل قلبك يأسر!
ضحك على نفسه ووقف يعدل نفسه يحاول يخفي ابتسامته يطلع يكمل شغله
،
وقفت خطواتها عند مكتبها تلتفت لأشواق الي تقدمت لها تعقد حاجبها وكانت تبي تتجاهلها وتدخل مكتبها لكنها وقف من سمعت صوتها يناديها تلتفت لها تتكتف وتقدمت اشواق امامها تنطق وهي مشبكه كفوفها ببعض: او شي أسف على الي سويته لك!
تنهدت أسيل بملل تناطرها وهزت راسها لها تنطق: تمام خلاص الحين جايه عشان كذا بس؟
هزت راسها اشواق باالنفي ترفع نظرها لمكتب أسيل تنطق: اذا عادي نتكلم باالمكتب؟
هزت راسها أسيل تمشي ومشت خلفها اشواق يدخلون المكتب وتقدمت أسيل تبعد الابكوت تبقى باالسكراب تأشر لااشواق تنطق: تفضلي!
هزت راسها اشواق تتقدم تجلس امام أسيل ترجع ظهرها للخلف تحط رجل على الاخرى وناظرت أسيل الي جمعت كفوفها مع بعض وتناظر أسيل تنطق بتمثيل للحزن "وبكذب" تنطق: قلتي لي انك تبين تعرفين من وين اعرف اسامه صح؟
عدلت جلستها أسيل تهز راسها باالايجاب وناظرتها اشواق تنطق: هو يكون ولد خالتي
عقد حاجبها أسيل وكانت بتتكلم لكن قاطعتها اشواق: لا تقولين شي الحين حتى اكمل
هزت راسها أسيل تتركها تكمل وكلمت اشواق تنطق: هو ولد خالتي وأبوه متوفي وامه تعبانه وما عندها الا هو الي يصرف عليها ولها اسبوعين تسأل عنه وبكل مرا اطلع لها كذبه جديده، نزلت راسها اشواق تحاول تجمع الدموع بعيونها وابتسمت بخبث من حست بدموعها تنساب على خدها ترفع راسها ل أسيل الي تناظرها وهي عاقده حاجبها بحزن وكملت اشواق: وامس تعبت مرا والحين هي باالمستشفى وتعبانه ومنومه عشان الضغط عندها ارتفع لنها حاسه ان ولدها فيه شي ومو راضيه تصدق الي نقوله لها حاولنا فيها وامي بعد حاولت فيها انها تيجي بيتنا لكنها كانت تقول انها خايفه ولدها يجي ويحصلها باالبيت ويخاف عليها
عقدت حاجبها أسيل بحزن وعضت شفتها لنها تحس بشعور الأم وناظرت اشواق والدموع الي بعيونها تصدقها ناظرت اشواق أسيل بحزن تنطق: انا ماراح اغصبك على شي انتِ ماتبينه لكن انا حبيت اقول لك عسى قلبك يحن على ام مشتاقه لولدها!
ناظرتها أسيل تسكت بتفكير ووقفت اشواق تنطق: فكري ولو انه مايستاهل بس عشان امه!
طلعت اشواق ماتسمع ردها وابتسمت بخبث وهي تمشي وتمسح دموعها ركبت سيارتها وعقدت حاجبها من وصلها اتصال من رقم ثابت ردت تسمع صوته وتعالت ضحكتها
عقد حاجبه اسامه يسمع ضحكتها ينطق: عسى ماشر؟
ابتسمت اشواق وهي تنزل المرايا تعدل مسكرتها تنطق: اجهز يوم او اقل وانت حر!
عدل وقفته اسامه لنه اتصل من تلفون السجن ينطق: اسألك بالله كيف!؟
ضحكت من تذكرت ملامح الحزن بوجه أسيل ترفع اكتافها تنطق بغنج: كم كذبه كذبتها!
ضحك اسامه يهز راسه باالايجاب ينطق: بقفل!
هزت راسها اشواق تقفل منه وابتسمت تناظر نفسها تحرك من امام المستشفى.
'
تنهدت بضيق من كلام اشواق ترجع ظهرها للخلف بتفكير لنها مستحيل تكذب وهي بكت قدامها وأسيل بطبعها قلبها رهيف ويصدق اي شي عكس امها الي كانت جداً شديده وحريصه بحكم شغلها في الماضي! غمضت عيونها ترفع راسها بصداع تعقد حاجبها لكنها عدلت جلستها من سمعت صوت الباب يدق، رفعت صوتها تنطق: ادخل!
ابتسم أسر يدخل راسه ودخل تتلاشى ابتسامته يشوف ملامح الحزن واضحه على وجهها يتقدم ينطق: أسيل!
رفعت راسها تناطره وناظر عيونها يشوف موج عيونها يعقد حاجبه يقرب منها يجلس على الطاوله امامها: وش صار حكيني؟!
تنهدت بضيق تعلمه بكل الي علمتها اياه اشواق وناظرها بهدوء ينطق: انا بعد مابغصبك على شي انتِ ماتبينه شوفي الي قلبك يقول وامشي وراه!
تنهدت بضيق ترجع ظهرها للخلف تغمض عيونها بهدوء، ناظرها وتنهد يطلع مع عندها يتركها لحالها تحارب افكارها.
'
"اليوم الثاني الصباح"
تنهدت بضيق توقف وهي طول ليلها امس مانامت وتفكر بكلام اشواق لدرجه انها اتصلت امس على موج عشان تاخذ منها رقم اشواق وتكلمها بعد ماتطلع اسامه عشان تطمن خالتها!
لبست عبايتها تتقدم تنزل لهم وابتسمو يناظرونها وناظرت أسر تنطق: امش تأخرنا!
هز راسه أسر يوقف ياخذ مفتاحه ومشى من امامها يروح يشغل السياره تقدمت أسيل تقبل جبين امها وابوها وطلعت بعدها تركب تربط حزامها والتفتت لأسر تنطق: ابي اروح المركز
ناطرها تلين ملامحه ينطق: تبين تسحبينها؟
هزت راسها باالايجاب: قلبي ماطاعوني اشوف ام تتعب بسببي!
ناظرها ينطق بهدوء صوته: لاتحطين نفسك السبب وهو الي كان السبب في انه يدخل نفسه السجن!
تنهدت بضيق ماترد تلف لاالشباك تناظر الطريق بصمت، وصلو ووقف سيارته أسر وتقدمت أسيل تنزل ينزل خلفها أسر تقدمو يدخلون يشوفون كثير الشرطه والعسكر وناظرت أسر تعلمه بأسم الشرطي الي مسك القضيه حقها، رفع كفه أسر يوقف احد العساكر ينطق: الشرطي خالد وين مكتبه؟!
ناظرهم العسكري يمشي امامه ومشو خلفه أسر وأسيل ودخل قبلهم وطلع بعد فتره ينطق: تفضلو!
مشو خلفه بهدوء يدخلون ، رفع راسه خالد يناظرهم وشبك كفوفه ببعض يأشر لهم يجلسون تقدمو يجلسون وبدو يعلمونه بكل شي ويعطونه اسم اسامه، وهز راسه خالد يمد لأسيل ورقه ينطق: وقعي هنا انك سحبتي شكوتك!
هزت راسها أسيل واخذت الورقه منه توقع وتنهد أسر يناظرها وهز راسه لاالشرطي ينطق: ماقصرت!
ابتسم خالد بخفه يهز راسه لهم، طلعو وتقدمو يركبون السياره، نزلت أسيل نظرها لجوالها وعضت شفتها بتردد تناظر رقم اشواق وغمضت عيونها تتصل تحطه بأذنها تتنتظر ردها.
'
جالسه امام مرايتها تسوي شعرها وهي تغني بروقان، قفلت الاغنيه ترفع جوالها من سمعته يدق عقدت حاجبها لنه رقم ماتعرفه ردت بهدوء تحطه بأذنها تسكت
سمعت الهدوء أسيل تنطق: اشواق؟
عدلت جلسها اشواق تبتسم بوسع ثغرها تنطق: هلا اي اشواق!
هزت راسها أسيل بهدوء تنطق: بشري خالتك وقولي لها ان ولدك بيجي لها!
ابتسمت اشواق تنطق بااستعجال: سحبتي شكوتك؟
هزت راسها أسيل تنطق باالايجاب، وعضت شفتها اشواق تنطق: شكراً أسيل بروح اعلم خالتي!
ماردت أسيل تقفل منها، وقفت اشواق من قفلت أسيل تتقدم تاخذ مفتاح سيارتها وطلعت متوجهها لاالسجون.
'
"السجن"
متمدد على سرير السجن وذراعه على عيونه رفع راسه من دخل احد العسكر ينادي بأسمه، وقف بهدوء يتقدم له يجي بباله انه زي كل مرا ينادونها عشان ياخذ اكله لكنه رفع راسه بصدمه من نطق العسكري: خذ اغراضك معك بتطلع
اتسعت ابتسامته بنصر وتقدم ياخذ اغراضه يطلع واعطه العسكري ورقه خروج يوقعها ووقعها ياخذ اغراضه الي اخذوها منه وفتح جواله بسرعه وهو يطلع يتصل على اول وحده خطرت بباله وهي اشواق رفع جواله يتصل وابتسم من ردت ينطق: وسويتيها والله!
هزت راسها باالايجاب وعيونها على بوابه السجن تنتظر طلوعه، فتح الباب يطلع وابتسم ياخذ نفس يملئ رئتيه يهمس: اخيراً!
رفع راسه وعقد حاجبه من نزلت اشواق من السياره تسند ظهرها ع السياره تناظره وهي مبتسمه تقدم لها يوقف امامها وناظرته تنطق: الحمدالله ع السلامه!
ابتسم يناظرها ينطق: سويتيها وطلعتيني وش قلتي لدرجه انها طلعتي بأقل من يومين!
ابتسمت اشواق تنطق: قلت لها انك وحيد امك وامك تحتاجك وانت الوحيد الي تصرف عليها وتوقف معها وأبوك متوفي يعني لو سألتك تكون عارف الكذبه وتكملها!
ميل شفته وابتسم وناظرها ينطق: وغيث وش مسوي؟!
شردت من تذكرت خوفه على أسيل وقت دفعتها وكيف طردها ووقت حملها!
تنهدت بضيق وناظرها اسامه يعقد حاجبه: صار له شي تكفين قولي اي؟
ضحكت تناطره: احلامك كبيره اقول احمد ربك طلعتك بس ترا ماني طايقتك بس عشانك قلت لي بتفرقهم!
ابتسم يهز راسه باالنفي وعقدت حاجبها تسكت وكمل: اذكرك انتي الي قلتي تبين تفرقينهم بعد زواج وتدخلين الشك بينهم!
ضحكت بعلو صوتها تهز راسها باالنفي: واكيد ماراح اسوي شي لحالي بتكون الشريك حقي والنتيجه غيث لي وأسيل لك!...
وحشتونيييييييي ادري ادري مقصره معكم بس كلن لازم الحق بحقين الانستا معكم ويتجدد لقائنا بوقت ثاني ان شاء الله💋💋
اعطونييي توقعاتكممم للبارت الجاي🙈
