ميل شفته ثامر بهدوء ينطق: اشواق بنت جارح
جمد وجه غيث يرمش بصدمه وعقد حاجبه ينطق: عندك معلوماتها كلها؟
هز راسه ثامر باالايجاب: طلعتها ارسلها؟
رد غيث بسرعه: ارسل!
ارسلها له ثامر وناظر الرساله غيث ورجع جواله لأذنه: ماقصرت
قفل منه وهو للأن مو مستوعب دخل يناظر معلوماتها وغمض عيونه من تأكد انها هي ضرب الطاوله بغضب يوقف وقف بوسط الغرفه يمشي ويرجع وهو ماسك جبينه بتفكير مو مستوعب شلون قدرت ترسل لاابوها صور زي كذا مو مستوعب انها تركت ابوها يضربها وكانت هي السبب تقدم ياخذ اغراضه تقدم ياخذ جواله فتحه يشوف الساعه وهز راسه من شاف الوقت بدري رفع جواله واتصل على اشواق ردت اشواق وهي مبتسمه ونطقت: اعرف انك ماكنت تبي تزعلني!
غمض عيونه غيث بصبر ينطق: تعالي المستشفى
قفل منها مايسمع ردها رمى جواله بغضب يجلس يمسك راسه بصدمه يفكر هو مايقدر يسكت لو اعترفت بيعلم ابوها هو وعده ومايقدر يخلف بوعده هز رجله بتفكير ومر الوقت وهو بين افكاره وهدوء الغرفه زاد عليه الضغط وقف يبي يطلع من حس بااختناق لكنه وقفت خطواته من دخلت اشواق قفلت الباب ولفت له وابتسمت تناظر ناظرها بجمود وبحده عقدت حاجبها من نظراته تتلاشى ابتسامتها ونطقت: شفيك؟
ضحك بسخريه وتقدم يسحب جواله يفتح على الصور ومد لها ينطق: هذا وش ها؟!
جمدت بمكانها بخوف وناظرته تنطق: غيث حتى انا توصلني تهديدات تكفى تصرف!
ناظره وابتسم بسخريه وتقدم يفتح معلوماتها يمده لها وضحك بسخريه: لسى مستمره تكذبين!
رمشت بصدمه تقرا معلوماتها ورفعت نظرها له ترمي جواله على الكنبه تنطق: بأي حق تدور وراي؟!
ناظرها بجنونه وصرخ بغضب: تبين تجنني انتي السبب بكل شي انا بحثت عن الرقم وطلع اسمك!
ناظرته تهز راسها باالنفي تهمس: مو انا!
ناظرها يرفع حاجبه: اجل! على الاقل لو تبين تهددين فكري مو تسوينه برقمك غبيه!
ناظرته بخوف من انه يعلم ابوها لكنه قاطع افكارها ينطق: ماقدر بقول لاابوك!
رفعت نظرها بصدمه: لا غيث ماتقدر!
ناظرها بسخريه: ليه؟ عبالك بسكت عبالكم برمي بوعدي لاابوك بعرض الحيط! اذا كنتي تفكرين كذا فا انتي ماعرفتيني انا عمري ماوعدت واخلفت عشان كذا ماوعدتك بأي شي بعلاقتنا والحين اطلعي مابي اشوف وجهك وبيكون عندك علم ان حسابك بيكون على يد ابوك مو على يدي لني مالي دخل!
جت بتنطق لكنه قاطعها: وعرفت سبب تهديدك لي والله يااشواق لو اشوفك تقربين من أسيل والله واحلف بالله انك تشوفين غيث ثاني وهذا وعد وتذكري اني مااخلف الوعود!
رمشت بصدمه من الجمها وماقدرت تدافع عن نفسها لنها غلطانه وتدري بخطاها لكنه تحلف انها مابتترك أسيل بحالها وناظرها واقفه بمكانها وصرخ عليها: اطلعي مابي اشوفك وجهك وامك انا بحولها لدكتور ثاني وبكلم ابوك!
عطته ظهرها وطلعت وغمضت عيونها بتفكير في ردة فعل ابوها ووش بيسوي هي فوق ماانها تعرف ابوها وش بيسوي هي خسرت غيث خسرته وبسبب أسيل ركبت سيارتها وفتحت جوالها تناظر رقم أسيل الي اخذته من المستشفى وهي كانت بترسل الصور لأسيل لكن قاطعها اتصال غيث الي كان السبب بتواجدها هنا عضت شفتها من تذكرت تهديد غيث لها وقفلت جوالها ترميه وضربت الدركسون بغضب وهي تناظر المستشفى تنطق: الله ياخذك يا أسيل
'
عقد حاجبه بتفكير ورفع جواله يناظر رقمها وابتسم من خطرت له فكرا ودق عليها يتصل عليها طلعت من الحمام بعد مااخذت شور وعقدت حاجبها تمشي لجوالها الي يتصل وعقدت حاجبها اكثر من شافت رقم غيث وردت بهدوء تسكت تسمع الهدوء الي عنده ورمش بهدوء ينطق: أسيل؟
ردت عليه بنفس الهدوء الي تحسه فيه: معك تبي شي؟
هز راسه باالايجاب ينطق: ابيك تيجيني المستشفى الأن ضروري!
عقدت حاجبها تنزل جوالها تشوف الساعه ورجعته لأذنها تهمس: دوامي انتهى!
غمض عيونه يعض شفته يسكت لكن سرعان مانطق: اعرف لكن ضروري تيجيني الحين في حاله خطره واتصل على أسر مايرد!
هزت راسها بهدوء تنطق: تمام شوي وايجي!
قفلت منه ورجع ظهره للخلف وضحك على نفسه بسخريه ومن كذبته الي كذبها عشان يشوفها بس ووقف يطلع من مكتبه مايبي يفكر اكثر ورفع كفه لشعره من الخلف يحكه بورطه وهو يشوف الطوارئ فاضي وهمس: تستاهل ياغيث!
لف للباب من سمع صوت الاسعاف وابتسم: الله يشفيكم وش اقول بس انقذتوني!
ابتسم من جنونه وركض للسعاف من نزلو المريض يركضون فيه لا الطوارائ ورفع راسه غيث للمسعف ينطق: وش اول الحالات؟
ناظره المسعف: حادث سياره لشخصين الشخص الثاني جاي باالاسعاف الثاني لكن الحاله الخطر هذي ضربه باالراس وكسر باالرجل اليسار!
هز راسه غيث يسمع من المسعف وهو يناظر حالة المصاب ويفحصه
وقفت سيارتها باالمواقف واخذت لابكوتها تنزل وعقدت حاجبها تشوف الاسعاف الثانيه وتقدمت للباب ولبست الابكوت حقها بااستعجال وتقدمت لاالطوارئ تناظر غيث ورفع نظره غيث لها وعض شفته من شافها تتقدم له ورفع راسه لها: اعتذر اني جبتك بوقت مو دوامك لكني احتاجك!
هزت راسها باالنفي تنطق: عادي
رفعت نظرها له وهي تلبس القلفز حقها تنطق: وش فيه؟
رفع راسه له لها: حادث وهذي الحاله الاخطر روحي شوفي المصاب الثاني!
هزت راسها وتقدمت من حطو المصاب على السرير تتقدم تفحصه تشوفه بوعيه ورفع راسه لها المصاب ينطق: اخوي وين وش صار له؟!
ناظرته تنطق وهي تشغل الفلاش بعيونه عشان تشوف:لاتخاف بأذن الله انه بخير عنده دكتور!
غمض عيونه بألم وناظرته تنطق: وش يعورك؟
فتح عيونه ينطق: ذراعي يعورني ومااقدر ارفعه!
هزت راسها باالايجاب وتقدمت تمد كفها تمسك ذراعه تحركها وصرخ المصاب بألم ولف غيث من سمع صراخه ورفعت نظرها أسيل لغيث الي قدامها تغمض عيونها بهدوء تطمنه ورجعت نظرها للمصاب تنطق: عندك كسر بيدك اليمين وحالتك مو خطره غير الجروح الي بوجهك تقدمت له نزلت كفها تبعد الي برقبته تنطق: مافيها شي الحمدالله!
رفعت نظرها للممرضه تناديها وتقدمت لها احد الممرضات وناظرتها أسيل: حطيه بغرفه حتى ايجي اكمل فحوصاته!
هزت راسها الممرضه وسحبته تطلعه ورفعت نظرها لغيث تتقدم له وابعدت القلقز حقها تغيره لواحد ثاني وتقدمت تناظر غيث: وش حالته؟
ناظرها ينطق: الضربه الي براسه خطره احتمال دخوله بغيبوبه كبير!
هزت راسها أسيل وتقدمت تشغل الفلاش وفتحت عينه تشوف داخلها وهزت راسها تنطق: عنده اصابه غيرها؟
هز راسه غيث ينطق: رجله اليسار فيها كسر!
تنهدت تدور سماعتها الطبيه وتأففت من تذكرت انها بمكتبها ورفعت نظرها لغيث الي كان مشغول ومدت كفها تسحبها من عنقه وتلبسها بهدوء رفع نظره لها من حركتها واخفى ابتسامته وعض شفته يناظرها ولف بسرعه من ارتفعت اصوات الاجهزه ورفعت نظرها أسيل لغيث بسرعه وناظر غيث الاجهزه يناظر ووقف بااستعجال وتقدم يحقن الابره بذراعه ورفعت راسها أسيل لغيث من هدت صوت الاجهزه تهمس: دخل بغيبوبه!
غمض عيونه غيث ينزل راسه يهمس: مع الاسف
ناظرته تنطق: لازم نروح فيه للعنايه
رفع نظرها عليها بهدوء وهز راسه يسحبون كرسيه للعنايه ودخلوه يشوفون الاجهزه وبعد ماتأكدو من حالته الطبيه طلعت أسيل قبل غيث ووقفت خطواتها تلف للغرفه الثانيه الي جنب غرفه المصاب تناظر أسامه الي للحين بغيبوبه وطلع غيث بعدها يشوف وقوفها وناظر مكان نظراتها وشد على يده لكن سرعان مالفت أسيل للمرضه الي تقدمت لها بااستعجال تنطق: دكتوره أسيل مو راضي يهدء يبي يشوف اخوه!
رفعت كفها أسيل تبعد السماعه الطبيه عن عنقها تمدها لغيث ومشت بااستعجال خلف الممرضه ،نزل انطاره غيث لالسماعه الي بين كفوفه ولبسها بسرعه ومشى خلفهم ودخل الغرفه يسمع صراخ سعود وهو ينطق: اخوي وينه ليه مو راضين تقولون لي!
حول انظاره غيث لا أسيل الي واقفه ومعها ابره مهدئ تبي تحقنه هزت راسها أسيل له بهدوء تنطق وهي تتقدم بخفه له تنطق: اهدا اتركني اعطيك هذي الابره وبعدين اقول لك عن اخوك!
تقدمت له تبي تحقنه لكنه رفع كفه اليسار يضرب كفها يترك الابره تطيح من يدها وناظرته تشوف نظراته الغاضبه تراجعت أسيل للخلف وتقدم غيث يمسك ذراع أسيل يرجعها خلف ظهره وتقدم لسعود ينطق: اخوك بخير اهدا الحين شلون تبيني اقول لك وانت كذا!
سكت سعود وهدء وناظر غيث ولف غيث لا أسيل الي تناظره وهز راسه لها فهمته تتقدم بهدوء تأخذ ابره ثانيه وتقدمت تحقنها بذراعه وسكن سعود ونطق غيث: اخوك بيقوم ان شاء الله نايم وارتاح الحين واذا صحيت علمتك حالتك الحين ماتسمح
غمض عيونه سعود من حس بخمول ينطق: تكفى توأمي لا يصير له شي!
رفعت نظرها أسيل من نطق بتوأمي وناظرها غيث وصدت عنه تطلع ولحقها غيث يشوفها تمشي ولحقها يناديها ووقفت خطواتها والتفتت له وصدت عنه شتت اناظرها من نظراتها وعقد حاجبه من صدها عنه وناظرها ينطق: ليه الصد؟!
رفعت نظرها له ونطقت بهدوء: مو انت بتخطب وتحب بنت ثانيه ليه توقفني كل شوي خلاص اتركني!
ناظرها وعقد حاجبه وشتت انظارها عنه ونطق: مين تقصدين!
ناظرته وهزت راسها باالنفي: ماحد خلاص لو سمحت اتركني بحالي!
مشت تتركه لكنه لحقها ومسك ذراعها يلفها له وفلتت يدها منه بهدوء وناظرها ينطق: ماراح اتركك حتى تقولين لي مين تقصدين!
ناظرته وعقدت حاجبها من اصراره تنطق: اقصد اشواق خلاص الحين اتركني!
ابتسم من فهمها وعقدت حاجبها من ابتسامته ونطقت: مايضحك ترا وابعد عني!
ناظرها وهز راسه باالايجاب: صح افكر اخطب لكن مو البنت الي ببالك!
قال اخر كلامه يعطيها ظهره ومشى يبتعد عنها وابتسم بااتساع ولكن سرعان ماتذكر اشواق انها كلمتها وعرف الان سبب صدها وسبب اختيارها لا أسامه عنه وكشر من جت بباله ونطق بوعيد: جبتيها لنفسك يااشواق!
'
مشت لمكتبها بسرعه ولبست عبايتها وطلعت وفتحت شنطتها من سمعت جوالها يتصل ورفعته تناظر اسم أسر وردت بغضب وهي تطلع من المستشفى: وينك انت! اتصل عليك ماترد تبي تجنني أسر!
تأفف ينطق: جوالي كان صامت ماانتبهت المهم تعالي للمكان برسل لك موقع وتعالي عندي موضوع لك!
تأففت تهز راسها باالايجاب تنطق: جايه!
ركبت سيارتها وحركت تفتح الموقوع الي ارسله أسر وتمشي عليه
'
ناظرتها من حركت سيارتها ومشت خلفها بهدوء تشوف سيارتها الي امامها وابتسمت بخبث لن تعرف ان مستحيل مايطلع شي من تحت أسيل وقفت أسيل ووقفت خلفها أشواق الي تراقبها من يوم دخلت المستشفى حتى طلعت والحين هي واقفه خلفها بمسافه تشوف أسيل، نزلت أسيل من سيارتها بااستعجال ووقفت خطواتها من شافت سيارة أسر معدومه لكنه مو موجود رجف قلبها بخوف وتذكرت سعود وقت نطق برجاء ان توأمه مايصير له شي مشت بااستعجال وهي تنادي بأسمه وطلع أسر من خلف السياره الي كان يحاول يسوي كفرها وتقدمت له أسيل ترتمي بحضنه تنطق بخوف: أسر!
ابتعدت عنه تمسك وجهه تتفحصه بخوف تنطق: صار لك شي وليه سيارتك معدومه كذا!
ناظرها أسر وضحك ينطق: بخير بخير بس في واحد ابن كلب صدم سيارتي وهرب!، حاوط وجهها بكفوفه وضحك: مافيني شي لا تخافين! ناديتك عشان سيارتي مو راضيه تشتغل وبرجع معك وبكرا نيجي انا وغيث ونشوفها، شتت انظارها من طرا غيث وضربت كتفه وصدره تبتعد عنه تنطق: غبي خوفتني!
ضحك واخذ مفتاحه يقفل سيارته ومشى امامها ومشت هي خلفه وضحكت من ضحكه تنطق: غبي اقسم بالله انصدمت وخربت سيارتك والي صدمك وهرب وانت هنا تضحك الله يعطيني برودك ياشيخ!
ضحك وركب تركب جنبه وحركو متوجهين للبيت.
'
ابتسمت بخبث وطلعت جوالها وضحكت بعلو صوتها وهي تصور أسر وأسيل وهي تحضنه ووقت مسكت وجهه ووقت ماهو بعد مسك وجهها وضحكها معه ونزلت جوالها من اخذت صوره لكل شي صار ونطقت وهي تناظرهم يمشون: طلعتي مو هينه يأسيل خساره يليت غيث يشوف الي تسويه البنت الي ميت عشانها قبل شوي وانتي عنده والحين بحضن شخص ثاني تالي الليول!
هزت راسها بأسف ومشت وهي تتأمل الصور الي صورتهم وتبتسم بخبث ووجيهم كلهم واضحه تنطق: بتصير فضيحه اوريك يارخيصه.
،
"اليوم الثاني الصبح"
دخلت المستشفى بهدوء وبجانبها أسر وهي من امس تفكر بكلام غيث وماقدرت تنام ناظرت أسر تنطق: وش سويت؟
تنهد بهدوء يناطرها ونطق لها وهو يلبس لابكوته: كلمت غيث وقال لي بيلاقيني واحتمال اليوم يطلع بدري عنده شغل!
ميلت شفتها بهدوء وهزت راسها باالايجاب وابتعدت عنه تدخل مكتبها وعقدت حاجبها من شافت الورد لكن ها المره من نوعها المفضل ابتسمت وتقدمت له وفتحت الكرت الموجود تشوف الكلمه الوحيده الموجوده باالكرت"انتظريني" عقدت حاجبها وقلبت الكرت تحاول تعرف من مين لكن مافي شي يوصلها مااهتمت كثير تحط الكرت بدرجها وسحبت علاجها تشربه ورفعت الباقه وابتسمت تتأملها وقربتها من انفها تشم ريحتها وناظرت الفازه المتوسطه على مكتبها وابتسمت تتقدم تحطها فيها بهدوء رفعت راسها من فتحت الباب موج تدخل وناظرتها أسيل تبتسم: اجيتو؟ اليوم سبقتكم!
ضحكت موج تهز راسها باالايجاب تنطق: راح أسر مع غيث يجيبون سيارة أسر حتى ملابسهم ماغيروها لنهم بيرجعون
ابتسمت أسيل تهز راسها باالايجاب وتقدمت موج للفازه وابتسمت من عرفت انه الورد الي سألها غيث عنه امس وعرف وردها المفضل رفعت حاجبها موج تخفي ابتسامتها تنطق: يجنن الورد من وين؟
رفعت اكتافها أسيل بعدم معرفه: مااعرف بس وصلني ورد وفيه كرت صغير مكتوب انتظريني استغربت صراحه!
نزلت راسها موج تكتم ضحكتها تهمس: الله يخلف عليك ياغيث
رفعت راسها موج تغير ملامحها للجديه: ووش سويتي؟
ناظرتها أسيل تتلاشى ابتسامتها من عرفت انها تسألها عن تعبها تنطق: توي شربت علاجي الحمدالله عايشين!
تنهدت موج ترجع تفتح معها نفس الموضوع: ماتفكرين تعلمين أسر أسيل؟
تنهدت أسيل بهدوء وهزت راسها باالايجاب: بعلمه لكني انتظر الوقت المناسب!
تنهدت موج وهزت راسها بالايجاب تبتسم واعطتها ظهرها ترسل لها بوسه باالهواء تنطق: وعدنا الليله عند الخيول ياحلوه!
ابتسمت أسيل ترد لها البوسه تنطق: تم ولا يهمك!
طلعت موج من عند أسيل وتلاشت ابتسامه أسيل وشردت تفكر كيف بتعلم أسر بدون ماتنهار لنها تعرف نفسها بتنهار قبل لا تقول له وهذا الشي ماتبيه اخذت نفس ووقفت تطلع من مكتبها تشغل نفسها عن التفكير.
'
نزل أسر ينزل خلفه غيث ميل شفته يناظر السياره ورفع نظره ل أسر ينطق: انت شلون صدمت فيها كذا!
ناظره أسر ينطق: ياخي شفيكم انت وأسيل تتهجموني قبل لا تعرفون قلت لا أسيل امس وبرجع اقول لك مو انا صدمت فيها في ابن كلب صدمني وهرب يخوي!
عقد حاجبه غيث وتقدم يتفحصه ونطق: معدومه!
هز راسه أسر باالايجاب: لو ماردت امس علي أسيل كنت مبيت هنا!
ضحك غيث ينطق: الله يعينها انتو مدري شلون توأم هي هاديه وانا كأنك ثور هايج!
رفعت حاجبه أسر يناظر ونطق: وش بسوي بس؟!
ناظره غيث وضحك ينطق:دق على رافعه تيجي تتصرف بسيارتك
نزل انظاره غيث لملابسهم ينطق: حتى ملابسنا ماامدانا نغيرها من استعجالك طالعين با الابكوت ياخي!
ناظره أسر بعدم اهتمام ينطق: مايهمني ياخي اهم شي سيارتي!
رفع نظره أسر من جت الرافعه لنه اتصل قبل لا يوصلون
وقفت الرافعه عندهم وتقدمو يرفعون سياره أسر وعقد حاجبه غيث ينزل انظاره لجواله من وصله اتصال وناظر رقمها وتأفف يقفل جواله لكنه رجع يدق وكانت مصره انه يرد عليها طلع جواله يبتعد عنهم بمسافه يهمس: صبرك يارب!
طلع جواله ورفعه يرد: شعندك!؟
تنهدت اشواق تنطق: ضروري اشوفك عرفت شي ولازم انت تعرفه
عقد حاجبه غيث بعدم اهتمام ينطق: مايهمني موضوع ولا تتصلين مرا ثانيه لني مشغول!
قفل مايسمع ردها وتاففت اشواق بغضب وركبت سيارتها تحرك للمستشفى بعدم اهتمام!
ناظر أسر لغيث الي يتكلم بجواله وواضح الغضب عليه ينطق:خلاص اعطيتهم رقمي وبيتصلون علي اذا تصلحت!
هز راسه غيث بدون رد وركب جنبه أسر ووصلو المستشفى ولف أسر يناظر غيث المشغول بجواله ورفع نظره: انا نازل!
هز راسه غيث ونزل أسر يدخل المستشفى ورفع راسه غيث يقفل جواله بغضب ونزل من السياره لكن وقفت خطواته من شاف اشواق نازله من سيارتها وبتدخل المستشفى لكنها وقفت من شافته وعقد حاجبه يتقدم لها بحده: مو قلت لك مابي اشوف وجهك وش عندك!
ناظرته اشواق تنطق: صدقني مايهمني الوقت بوريك أسيل الي بتموت عليها وش تسوي!
ناظرها ورفع حاجبه يتقدم لها يرفع سبابته: أسيل لا تجيبين سيارتها على لسانك وتراني ماسك نفسي لا اكفر فيك
ناظرته ونزلت انظارها لجوالها تفتح الصور الي امس صورتها لا أسر وأسيل ورفعتها امام غيث تنطق: البنت الي تحبها وبتموت عشانها وجالس تصرفني عشانها جالس تتطلع تالي الليول الله واعلم وش تسوي!
ناظر الصور غيث يشوفها تقلب له صوره وحده ورا الثانيه وناظر الصور بصدمه ماكانت ها الصدمه الا انها كيف وصل الحقد الي فيها انها تراقبها وتشكك بشرفها قدامه رفعت نظرها اشواق له تناظر ملامحه المصدومه وابتسمت لن هذا الي تبيه لكن سرعان ما تغيرت ملامحها من ضحك بعلو صوته وماكانت الا ضحكة سخريه وتحولت ملامح أسر من السخريه للجديه يناظر عيونها يشتعل من غضبه ينطق: أسيل اشرف منك ومن اشكالك اسمعيني والله والي رفع السما ونزلها اني لااندمك على كل لحضه لحقتي فيها أسيل وحاولتي ترمين عليها الزله بس حاب اقول لك ان هذا توأمها اخوها!
جمدت بمكانها تقفل جوالها بسرعه وناظرها غيث وناظر وجهها وضحك بسخريه يهز راسه: اتركيها بحالها ولا تحسبين بنسى الي سويتيه بيوصل العلم لاأبوك واستعدي الله واعلم وش بيسوي لك لكن انا برمي القنبله بطلع مايهمني الي بيصير وبدال ماتنشغلين باالناس الله يشغلك بنفسك!
همس بغبيه ومر من جنبها يضرب كتفها يبعدها عن طريقها ويدخل المستشفى
لقت تشوف دخوله للمستشفى وماقدرت تنطق بحرف لنها مصدومه مشت لسيارتها بدون كلمه ماقدرت تدافع على نفسها وبأي حق بتدافع عن نفسها وهي تتنهم بنت بشرفها! في النهايه يطلع اخوها شتت انظارها تراجع اخر كلامه وتذكر تهديده بأبوها ورجفت بخوف وتدري انه مايحلف باطل وبيسويها!
'
"الليل 8:30"
طلعو موج وأسيل ولحقوهم أسر وغيث يوقفونهم لفو عليهم ونطق أسر: وين رايحين؟
ناظرته موج وابتسمت بخفه ورفعت أسيل انظارها لغيث الي يناظرها وشتت انظارها ونطقت موج: بنروح عند الخيول مرا اشتقت لمهره!
ناظرها أسر وابتسم ولف لغيث ورجع نظره لهم ينطق: روحو وحنا وراكم لنو حتى حنا بنشوف خيولنا!
هزو روسهم وطلعو أسيل وموج يركبون سياره أسيل يحركون للاسطبل وركبو أسر وغيث سياره غيث يلحقونهم
وصلو الاسطبل ينزلون وابتسمت أسيل بفرحه تتقدم للخيول وابتسمت تناظر بحر الي صهر من شافها وضحكت تتقدم تفتح له تتركه يطلع وموج راحت لمهره الي طلعتها للميدان وابتسمت أسيل وهي تمسح على بحر ورفعت نظرها لغيث وأسر الي تقدمو وابتسم أسر من صهل رعد وتقدم غيث ل ادهم وابتسم غيث وطلعوهم كلهم للميدان يوقفونهم جنب بعض وناظرو بعض اسيل وموج ونطقت موج: يلا نسوي سباق كلنا الاربع الى نهايه المزرعه!
ابتسمو وهزو روسهم باالايجاب ونطق غيث: واذا خسرتي وش بيصير؟
رفعت اكتافها موج بغرور تنطق: مااخسر انا!
ناظرها أسر وابتسم وتقدم يركب خيله وركبت أسيل خيلها تمشي بخفه توقف معهم ورفع كفه أسر يعد ومن كمل عد انطلقو وابتسمت أسيل الي كانت متقدمه عندهم وناظرت جنبها من غيث الي كان بنفس المستوى وانحنت تهمس: يلا بحري!
ابتسمت من شد اكثر ورفعت كفوفها تترك مسكتها وترفع ذراعينها من وصلت نهايه المزرعه تصرخ: فزت! وابتسمت من وصل غيث خلفها وبعدهم موج وأسر الي كانو يسوالفون ويمشون بخفه ولاهم معهم!
ضحكت أسيل وهي تشوف أسر خلف موج وناظر ضحكتها غيث ولفت تناظره وناظرت نظراتها تتلاشى ضحكتها بهدوء وشتت نظرها عنه ونزل غيث يسحب ادهم معهم بخفه ومسح عليه وناظرت موج أسيل تنطق: بروح ارجع خيلي تعبت والله!
هزت راسها أسيل ورجعت موج يرجع خلفها أسر يتركهم ونزلت أسيل من الخيل وابتسمت تمسح عليه وتقبله ورفعت راسها من نطق غيث: ليه تصددين عني طيب اول مرا وعرفنا سببها والحين؟!
ناظرته أسيل ترد بهدوء: مااعرف
عقد حاجبه غيث ينطق: شلون ماتعرفين مافهمتك والله؟!
لفت له تنطق: ولا انا فاهمه نفسي صدقني!
ركبت خيلها وكانت بتمشي لكن صهل فيها الخيل يرتفع على اقدامه الخلفيه وتمسكت بعنقه أسيل بسرعه لكنه هاج فيها وناظرهم غيث بخوف وركب خيله بسرعه يحاول يسيطر على بحر الي ماهداء وكأنه شاف شي عقدت حاجبها أسيل وهي تمسح عليه بمحاوله تهدئته وعقدت حاجبها بألم من رماها على الارض وغمضت عيونها بألم من رجلها اليمين وناظر غيث خيلها بيهرب مسكه وربطه في شجره قريبه وركض لها ينحني على ركبه امامها وناظرها مغمضه عيونها وشاده على يدها من ألمها ورفع كفه لها يهمس: أسيل
فتحت عيونها بخفه ورفعت يدها على ساقها وعضت شفتها ونزلت انظارها لكفه الي ماده لها ورفعت عيونها له تناظر عيونه وهز راسه لها بهدوء يطمنها: لا تخافين
مدت كفها لكفه بتردد ومن حس بكفها على كفه شد على كفها وزادت نبضات قلبهم من كفوفهم الي ماسكين فيها بعض ووقف يوقفها معه ومن وقفت دعست عليها وتأوت بألم تشد على كفه تنطق: غيث يعورني!
رفع نظره لها من نطقت بأسمه ونزل كفه الثاني على ظهرها ومشى معها بخفه وجلسها على كرسي قريب منهم ونزل على ركبه امامها وابتسم من تذكر طفولتهم ونفس الموقف الي صار ناظرت ابتسامته وعقدت حاجبها ورفع عيونه لها يشوف عقدت حاجبها ونطق: تذكرين الموقف؟!
رمشت بهدوء لكن سرعان ماابتسمت بخفوت من حرك رجلها يتأكد اذا كان كسر او مجرد رضه تنطق بهمس: كنت تسوي نفسك دكتور عشان تتأكد اذا كانت رجلي بخير او لا!
رفع نظره لها وابتسم يهز راسه يهمس بنفس همسها: لكني الحين دكتور ومو اي دكتور دكتورك انتي!
تلاشت ابتسامتها بخفه تتأمله من رجع انظاره لرجلها يحركها وشردت تتذكر نفس الموقف الي صار لها ببدايه تعلمها لركوب الخيل
'
"فلاش باك"
تقدم رامي وهو ماسك كف أسيل الي كانت تبلغ من العمر 9سنوات وكفه الثاني ماسك كف أسر وابتسم من شاف اتاش ومعه غيث الي كان يبلغ من العمر12سنه ابتسم وتقدم يسلم عليه ورفع نظره غيث لأسر يتقدم له ينطق: تدري بابا اخذ لي خيل زي حقك انت وأسيل!
تقدمت أسيل لهم بفضول وناظرت غيث تنطق: بس حقي احلى من حقك ومايخوفني!
ناظرها غيث وتكتف بزعل ينطق: لا طبعاً حقي مايطيحني زي حقك!
ناظرته وطنشته تعطيه ظهرها تتقدم لرامي تضرب ظهره ولف لها رامي ونطقت أسيل: بابا ابي اركب الخيل!
ناظرها رامي ووناظر غيث الي عند اتاش ويحاول فيه هو بعد وناظر اتاش الي يناظره وهز رامي راسه له وابتسمو ونطق رامي: طيب بس انتبهم!
هزو روسهم وتقدم رامي يسحب خيل أسيل واتاش يسحب خيل غيث وتقدم رامي يحمل أسيل ويركبها وغيث ركب ومشى رامي بخيل أسيل بخفه لكن أسيل ضربت ظهره بقوه وهاج فيها الخيل يصهل مما تركها تطيح ترك الخيل رامي بسرعه يتقدم لأسيل يشوفها تبكي وناظرها غيث طايحه على الارض وناظر غيث ابوه ينطق: بابا نزلني بسرعه!
نزله اتاش وناظر رامي غيث ينطق: غيث تعال عندها وانا بروح اجيب لها ثلج يخفف الورم الي برجلها أشر رامي لااتاش ينطق: وانت ياخوي شيل الخيول ورجعها!
راحو من عندهم ونزل انظاره غيث ل أسيل الي تبكي ورفع كفه بخفه يمسح على شعرها وهدت أسيل تناظره وهمس: يعورني غيث!
ناظرها ينطق: قلت لك بيطيحك!
بكت مرا ثانيه ولفت وجهها عنه ومسكها غيث يقومها وتقدم يحطها على الكرسي وناظرته من انحنى تنطق: وش تسوي يعورني غيث لا تلمسه ولا بعلم بابا!
ناظرها غيث ينطق يحاول ينسيها ألمها رغم صغر سنه: تدرين بصير دكتور!
ناظرته وابتسمت بهدوء تهز راسها باالايجاب: حتى انا قلت لماما!
ابتسم غيث وناظر رامي الي جا باالثلج وتقدم يحطه لها وحملها بحضنه يركبها السياره يرجعون للبيت.
'
صحت من شروردها تناظره وشدت على كفها تتأوت بألم من شد على ساقها ورفع راسه لها من سمع انينها يهمس: اسف!
هز راسها باالنفي تنطق: اتصل على أسر خليه يجي!
هز راسه باالايجاب يتصل على أسر ورد يعلمه بكل شي ومرت دقايق من جا أسر تقدم لها ينطق: تعورك؟
هزت راسها بهدوء: شوي تعال سعدني!
تقدم لها ينحني يسعدها تمشي وتقدم غيث يمسك خيلها وخيله يمشي خلفهم بهدوء راجعين...
ينتهتي بارتنا هنا ياحلوين💋💋
ها المره بارت طويلللل جداً يرضيكم عن البارتات القصيره الي فاتت🙈
اعطوني توقعاتكم للبارت الجاي💙
