التفت لها ينطق: لا تفتحين الباب لأحد مين ماكان انا معي مفتاح وقت ماايجي افتحه بنفسي!
'
ركب سيارته وحرك ماشي للمركز ، بعد دقايق وصل وتنهد بهدوء يهز راسه يتأكد من الي يسويه لنه مستحيل يسمح لشي يأذيها بعد الي صار، دخل بخطواته للمركز ووقف في وسطه يتلفت يشوف كثير العساكر المشغولين، التفت من تقدم له احد الرجال ينطق: سّم اخوي؟
شد على يده اسامه بهدوء ينطق: ابي ارفع شكوى اعتداء!
هز راسه ثامر بالايجاب ينطق: الحقني المكتب!
مشى ثامر لمكتبه ومشى خلفه اسامه دخل المكتب وجلس ثامر على الكرسي حقه وشبك كفوفه ببعض يهز راسه بالايجاب يأشر له: تفضل وقول الي عندك
جلس اسامه بهدوء ملامحه وناظر اسم ثامر الي على الطاوله ورفع راسه له ينطق: زي ماقلت لك ابي ارفع شكوى اعتداء
عدل جلسته ثامر بااهتمام: اعتداء من اي ناحيه؟
شد على يده اسامه: ضرب وببيتي وزوجتي الي تعرضت لاالضرب!
هز راسه ثامر بفهم وهو للحين محافظ على هدوءه ينطق: تعرفه او مجهول؟
رفع راسه اسامه يناظر ثامر الي يكتب جميع المعلومات بنطق بقهر: ابوها!
رفع راسه ثامر بصدمه ينطق: هي تعرف؟
هز راسه اسامه وناظره ثامر ينطق: مااقدر اخذ اي معلومات منك الى بعد مانحقق معها ونعرف منها كل الموضوع!
ناظره اسامه بهز راسه باالنفي: مابيها تدخل المراكز في طريقه ثانيه؟
رفع راسه ثامر: دليل معك دليل؟
هز راسه اسامه ورفع جواله يناظرها مرسله له الفيديو الي صورت بوقت ضرب ابوها لأمها، لف الجوال لثامر الي اخذه من يده يناظر الفيديو بتدقيق وهز راسه بالايجاب يوقف: عندي اخت محاميه بخليها تكلم زوجتك وتسمع منها الموافقه عشان نرفع الشكوى رسمي الاسم؟
ناظره اسامه يهز راسه: مصطفى ال حاكم!
هز راسه ثامر ينطق: تقدر تتفضل ومالك الا الي يحل الموضوع وابي ارسل لك موقع مكتب المحاماه تاخذ زوجتك وتوديها هناك المحاميه ليلى!
هز راسه اسامه بفهم ومشى طالع من المركز بعد مااعطى ثامر رقمه عشان يبقى على تواصل معه.
'
"عند دانه"
رفعت راسها من دق الباب وشدت على يدها بخوف من انه يتكرر عليها نفس الي صار ووقفت تمشي بخطوات لكن سرعان ماركضت للباب من سمعت صوت أثير: دانه هذي انا أثير!
فتحت الباب بسرعه وناظرت أثير تتجمع الدموع بعيونها وتقدمت لها أثير تحضنها تشد عليها تنطق: وش صاير دانه!
ابتعدت أثير تحاوط ملامحها تنطق: وش مسوي لك!
بكت دانه ماترد وتنهدت أثير بضيق تقفل الباب تمشي مع دانه تجلس على الكنبه تجلس دانه بجانبها تنطق: علميني بكل شي وش صاير!
بكت دانه تبدأ تحكي لها كل شي تحت ذهول أثير الي تسمعها بتركيز وانتهت كلامها دانه بنطقها: والحين اسامه يبيني ارفع عليه شكوى أثير خايفه!
هزت راسها أثير باالنفي تشد على كفوف دانه تنطق: دامه واقف معك لا تخافين دانه لا تتركينه يتمدى تكفين اهلك روحك ابعدتي عنه وماتركك كيف تبينه يتركك كذا! لازم تقوين نفسك ودام وراك اسامه اسندي ظهرك عليه!
ناظرت دانه أثير يطيل صمتها تنطق بعدها: واذا تركني بنص الطريق واذا طلع زي ابوي!
هزت راسها أثير بالنفي: لو انه زي ابوك كان ماتتركك من اول يوم لكن شوفيه واقف معك شوفيه كيف سندك في اصعب اوقاتك!
شردت دانه بتفكيرها يجي ببالها كل افعاله معها ووقفت أثير من اتصل جوالها تنطق: انا بروح جيت اطمن عليك وبروح
رفعت راسها دانه تناظر أثير وناظرها أثير تنطق: وفكري في موضوع اسامه كويس ولا تخافين ولا تتشوه صوره امك بعقلك امك تحبك انتِ مالك ذنب!
هزت راسها دانه وابتسمت أثير تنحني تحضنها وابتعدت عنها تمشي طالعه، وقفت خطواتها على درج البيت تناظر اسامه تناظره طالع تنطق: انت!
توقفت خطوات اسامه يلتفت يمينه ويساره ينطق: انا!
ضحكت أثير بسخريه: شايف احد هنا غيرك!
تكتف يسمعها وهو صاد بعيونه ينطق: نعم اختي وش تبين جايه بيتي!
ناظرته تنطق: اسمع دانه اختي قبل تصير صديقتي
رفع انظاره اسامه من سمع اسم دانه ينطق: دانه!
هزت راسها أثير تنطق: دانه انا اعرفها اكثر من نفسي دانه حساسه وتخاف اكثر شي من ابوها واسمعني الحين حاول انك توقف معها لنها حاطه براسها انك زي ابوها!
ناظرها بصدمه ينطق: انا! زي ابوها!
هزت راسها أثير تنطق: انا مو زيها اخاف لو اعرف انك نزلت دمعه منها ماتشوف خير مني!
اعطته ظهرها تمشي مبتعده عنه وشرد اسامه يتوقف مسامعه على انها" حاطه براسها انك زي ابوها" هو من بعدها ماسمع اي شي قالته، رجع لوعيه مايبي يحسسها بشي وتقدم يفتح الباب يدخل، ارتفع صدرها بخوف من سمعت صوت الباب لن أثير توها طلعت مستحيل تكون رجعت رفعت صوتها بخوف: اسامه انت!؟
دخل اسامه ينطق بهدوء صوته: سمي اي انا
غمضت عيونها تتنهد براحه وتقدم يجلس بجانبها يشوفها تناظره وعقدت حاجبها تشوف شروده تهمس: صار شي؟
مارد عليها من فرط تفكيره او باالاصح ماسمعه، رفعت كفها بتردد على كتفه تهمس: اسامه!
صحى من شروده يمسح على وجهه يلتفت لها ينطق: صاير شي؟
هزت راسها باالنفي تنطق: انت وش فيك صاير معك شي؟
عدل جلسته ينطق: انا اخوفك؟ انا تشوفيني زي مصطفى!؟
رمشت بصدمه من سوأله ترتجف شفتها ماترد عليه، ناظر عيونها يشوف كثير التردد والخوف بعيونها وهز راسه بفهم يهمس: فهمت
وقف يبي يطلع لكنها التفتت بسرعه تنطق بدون تفكير: لا اسامه
وقفت خطواته لكنه للحين مالتفت لها وشدت على يدها بتردد تنطق بجزء من شعورها: ما أشوفك زي ابوي ولا اخاف منك انت الأمان اسامه!
شدت على يدها ترتفع نبضات قلبها بتوتر وخوف من رده، لانت ملامح اسامه من كلامها له وابتسم بخفه يتنهد براحه لنها تحس معه باالأمان وماتخافه، ماالتفت لها عشان لا يحرجها ومشى داخل لغرفته، شدت على يدها تنحني تمسك راسها تضربه بخفه: غبيه دانه غبيه!
'
انتهت العزيمه ووقفت موج مع أسيل يطلعون بعد اتصال غيث على أسيل يبلغها انه هو وأسر برا، طلعو وابتسم أسر يفتح يدينه لأسيل الي تقدمت له يحاوط اكتافها وضحكت موج تناظر غيث الي سحبها يحاوط اكتافها وتعالات ضحكتهم وبعد دقايق من السوالف سحب غيث أسيل من أسر ينطق: كأنك فليتها!
ضحك أسر ومد كفه يسحب موج: زوجتي احسن منها يلا فارقونا!
رفعت حاجبها أسيل وتجاهلته تناظر غيث: نمشي؟
هز راسه غيث ومشو يركبون السياره يحركون للبيت،
وصلو ونازلو وابتسم غيث يدخل خلفها يشوفها من نزلت عبايتها تنطق: اف تعبت!
ابتسم يوقف خلفها يحاوط خصرها يلفها له يناظر ثغرها الملون باالروج الاحمر وابتسم يعض شفته يناظرها، ابتسمت من تقدم لها يحاوطها يحضنها يدفن وجهه بعنقها يهمس: بسم الله عليك من التعب!
ابتسمت بااتساع وابتعدت عنه تسند راسها على صدره بهدوء تغمض عيونها تسمع نبضات قلبه الهدائه واتسعت ابتسامتها من رفع ذراعينه يحاوطها يدخلها بداخل حضنه، بعد دقايق ابتعدت أسيل تنطق: ببدل!
هز راسه باالايجاب ينطق: بدلي وتعالي الصاله ابيك
هزت راسها باالايجاب وسحبت بجامتها تدخل للحمام وطلع غيث لاالصاله يجلس على الكنبه ينتظرها وبحضنه منشفه لها لنه عارف انها بتيجيه وشعرها غارق وهذي عاده فيها مستحيل تخليها، خلصت تلبس بجامتها تترك شعرها وطلعت بعدها ووقفت امام المرايا تمشط شعرها تتركه على راحته، وطلعت بعدها تنزل عند غيث تقدمت تجلس بجانبه وابتسم من شاف شعرها ينطق: تعالي!
تقدمت له واتسعت ابتسامتها من حاوطها باالمنشفه يحرك شعرها ينشفه وتركها بعدها على شعرها يغطيه، ناظرته ترجع ظهرها على ذراعه الي ماده وناظرته تنطق: اي وش عندك؟
ابتسم يدخل يدينه بثوبه وطلع بعدها ثنتين تذاكر السفر، ناظرة التذاكر الي معه ووسعت عيونها تضحك بااتساع: مسافرين؟!
هز راسه باالايجاب ومدت يدها بتاخذها تشوف وين رحلتهم لكنه هز راسه باالنفي يرفعها عنها ينطق: مو الحين تشوفين وقت الرحله!
قربت منه تناظر عيونه تنطق: غيث! ابي اشوف وين!
هز راسه باالنفي: تعرفين بعدين
تأففت تنطق: والحين؟ متى؟
ناظرها ينطق: بعد بكرا جهزي اغراضك!
ناظرت التذكره الي يلوح بها بين يدينه وتقربت منه تحاوط عنقه تقبّله تميل راسها: غيث ابي اعرف وين!
عض شفته غيث من حركتها يبتسم ورجع التذكره بجيبه يقربها منه يقبّلها وابتسم من بين قبلتهم من حس فيها تتحسس جيبه ونزل كفه لكفها يشبك كفه بكفها يبعدها عن جيبه يشدها له اكثر، ابتعد عنها يسند جبينه على جبينها يهز راسه بالنفي: ماتمشي علي حركاتك!
عضت شفتها تبتعد عنه وتكتفت بهدوء تهمس: مايهمني اصلاً!
ضحك يناظرها ورفع ذراعينه يحاوطها لحضنه يتركها تسند راسها على صدره
'
وصلو الفندق وناظر اغراضهم الجاهزه وابتسم ياخذها وطلع بعدها يركب السياره يناظرها تنتظره، نزلت جوالها من جا وركب بجانبها يمشي متوجهه لبيتهم، بعد دقايق وصلو ينزلون وابتسمت موج ترفع جوالها تتصل على أسيل وميلت شفتها لأنها ماترد، ابعدت الجوال عن اذنها وناظرت رقم غيث تتصل عليه، رفعت راسها أسيل من على صدر غيث من اتصل جواله وعقد حاجبه ينطق: موج
عدلت جلستها أسيل وغيث كذالك يرد: موج!
ابتسمت موج تنطق: وين زوجتك اتصل عليها ماترد!
ناظر غيث أسيل الي نطقت: جوالي مو عندي صار شي أسر وين؟
هزت راسها موج بالنفي: مافي شي لا تخافون اسمعوني الحين!
هز راسه غيث ينطق: وش عندك؟
ابتسمت تناظر البيت تنطق: ماودكم تزورون جيرانكم!
ضحكت أسيل من فهمت تناظر غيث الي عاقد حاجبه ينطق: وحنا شدخلنا باالجيران!
عقدت حاجبها موج بزعل ترفع صوتها: أسيل اضربيه من عندك عني!
ناظرت أسيل غيث تهز راسها باالنفي: حرام قلبي مايطاوعني!
كشرت موج تنطق بتقليد لأسيل: حرام قلبي مايطاوعني! قولي له انو حنا ببيتنا جنبكم!
هز راسه غيث بفهم ينطق ببرود: اي فهمت انا اقصد وش دخلنا فيكم!
صرخت موج بقهر: غيث!
ضحك غيث يهز راسه: امزح خلاص جاينكم قفلي!
ابتسمت موج تودعهم وقفلت جوالها تدخل الصاله تشوف ان البيت كله جاهز ونظيف تماماً وابتسمت من نزل أسر من على الدرج بعد ماحط اغراضهم باالغرفه وحاوط اكتافها يناظر البيت ينطق: جعله سكن العافيه!
ابتسمت تحاوطه تحضنه تنطق: وياك ياحبيبي!
ابتعد عنها يبتسم ينحني يقبّل خدها وسرعان مادفعته عنها من انفتح الباب يدخل غيث وخلفه أسيل، كشر أسر ينطق: اذكركم بس داخلين بيت متزوجين!
تقدمت أسيل تدفعه ترجعه للخلف تنطق: ابعد بس
وابتسمت تناظر موج تضحك: موجي!
ضحكت موج وتقدمت تحضنها وابتسمت أسيل تمسح على ظهرها تنطق: مبروك!
ابتعدت عنها تنطق: يبارك فيك يروحي!
تقدم غيث يبارك لهم وسند جسده على الكنبه يسحب موج وأسيل تحت ذراعينه يناظر أسر: تحتاجون شي؟
ابتسم أسر يهز راسه بالنفي: ماقصرت والله ياغيث انت سويت الي عليك وزود
ابتسم غيث يهز راسه بالايجاب: جعله سكن العافيه
ابتسم أسر يهز راسه بالايجاب وابتعدت موج عن غيث تنطق: الحين اعزمكم عندنا لأول مرا اي وش تبون تاكلون!؟
هزت راسها أسيل بالنفي: تكفين موج تونا جاين من العزيمه وماكلين وش تبين تسوين!
ميلت شفته موج تهز راسها: اجل قهوه؟
ابتسمو يهزون روسهم بالايجاب وجلسو أسر وغيث في الصاله ينتظرون قدومهم، بدو البنات يسون القهوه ومن كملو حطوها باالصحن وطلعت أسيل خلفها موج ابتسمو من تقدمو وحطت أسيل القهوه على الطاوله ووسع لها غيث عشان تجلس بجانبه وابتسمت موج تصب القهوه تعطيهم وجلست باالوسط بجانب أسر وأسيل.
'
"بمكان ثاني"
جالسه بمكتبها تقلب بين الاوراق ورفعت راسها من دق الباب تنطق: ادخل!
دخل ثامر وابتسمت ليلى توقف تنطق بااستغراب: ثامر!
هز راسه ثامر ينطق: فاضيه؟
هزت راسها باالايجاب تناظر وجهه تعقد حاجبها تهمس: صاير شي؟
تنهد بهدوء ينطق: في قضيه ومااقدر أخرها يبون محامي شاطر وماحصلت غيرك!
هزت راسها بفهم تنطق: هذا الايام ماعندي قضايا عطني الي عندك اشوفه
ابتسم ورفع كفه يمسح على كتفها بهدوء ومشى معها وجلس تجلس مقابله، سحب شنطته يطلع الورقه الي اعطه اسامه ومدها لها ناظرته بهدوء ومدت يدها تاخذ الورقه تبدأ تقرا المكتوب وعقدت حاجبها تنطق: دانه مصطفى!
هز راسه باالايجاب ونزلت راسها تكمل تقرها وتنهدت بضيق على حالها تنزل الورقه تنطق: وش تعرف عنها؟
ناظرها ثامر بهدوء ينطق: الي اعرفه وعلى حسب كلام زوجها ان ابوها هو الي معنفها!
هزت راسها بفهم وكمل ثامر: قلت له وارسلت له موقع مكتبك بيجيك هو وزوجته واعرفي منهم كل شي وعلميني الرجال مايبي يدخل حرمه المراكز!
تنهدت بهدوء تهز راسها تنطق: ان شاء الله انه يتم
تنهد براحه وناظرها ينطق: كملتي شغلك؟
ابتسمت تهز راسها بالايجاب: خلصت وش تبي؟
ناظرها ثامر: نطلع؟
ناظرت الساعه ورساله غياث: ودي اطلع معك بس غياث جاي لي!
ميل شفته وهز راسه بالايجاب ينطق: اجل انتبهي على نفسك!
هزت راسها باالايجاب تبتسم له وطلع بعدها راجع بعد اعطى اسامه خبر، اخذت وسحبت شنطتها تشوف اتصال غياث وابتسمت تطلع تقفل مكتبها وتقدمت تركب معه، ناظرها من ركبت وابتسم ينطق: اي وين تبينا نروح؟
شبكت كفوفها ببعض تهز اكتافها بعدم معرفه تنطق: الي ودك!
ميل شفته بحيره: اكلتي شي؟
هزت راسها باالنفي وابتسم يهز راسه باالايجاب: نروح مطعم!
وافقته الرأي ومشو للمطعم.
'
"بمكان ثاني"
ركضت لغرفتها تقفل الباب عليها، نزلت انظارها لجوالها من اتصل حمد ترد تهمس: الو!
ناظر حمد المكان الي واقف فيه: متى ناويه تيجين!
تأففت تنزل جوالها تشوف الساعه: اصبر عشر دقايق واكون عندك امي توها دخلت!
هز راسه وشدت على يدها: متأكد خطتك جاهزه؟
عقد حاجبه حمد: مانتي واثقه فيني!
هزت راسها اشواق باالنفي: اف لا بس خايفه الخطه ماتنجح!
هز راسه حمد: تعالي ونعرف صدقيني بتنجح وبيصير الي تبينيه!
هزت راسها: دقايق واكون عندك!
قفلت منه تتلفت يمينها ويسارها ماتشوف احد وركضت تطلع من البيت تشغل سيارتها تحرك للموقع، بعد دقايق وصلت تناظر حمد الي ساند ظهره على باب السياره ويدخن، رفعت حاجبها توقف سيارتها امام سيارته تنزل وتسند ظهرها على باب السياره باالمثل تقابله الوقوف ابتسمت بهدوء تمد كفها تسحب سجاره تمدها له يشعلها وحطتها في فمها تطلع دخانها تناظره: اي وش عندك؟
رمى سجارته حمد يدعس عليها ينطق: نهددها فيه!
عقدت حاجبها تكمل دخانها: شلون؟
ناظرها من رمت الدخان يكمل: باالسلاح!
رمشت باصدمه: تقتله!
تأفف بملل ينطق: اكيد لا
ناظرته تتكتف تكمل: طيب وشو اخلص علي!
ناظرها ينطق: انا بكون مهدده باالسلاح وانتِ تصورينه وترسلين الصور لأسيل واكيد بيكون من رقم ثاني
ناظرته تهز راسها وكمل حمد: وعاد الباقي عندك!
رمشت بصدمه من اعطاها ظهره يركب سيارته يحرك ترفع صوتها: بقتلك حمد!
طلع يده لها من الشباك بمعنى تمام ومشى تاركها، تأففت تضرب رجلها باالارض بقهر ونزلت انظارها لجوالها الي يتصل وردت: نعم!
ضحك حمد بسخريه: نسيت اعلمك الخطه ماتتنفذ اليوم بيسافرون بعد يومين وابيك ترقبينهم حتى يرجعون
كانت بترد عليه لكنه قفل المكالمه بوجهها ومشت بسرعتها تركب السياره وضربت الدركسون تصرخ: الله ياخذك ياحمد!
سندت راسها على الدركسون بتفكير والتفتت لجوالها تشوف اتصال امها وقفلته ترميه تحرك راجعه البيت، وصلت البيت تنزل ودخلت الصاله تناظر قلق امها وكيف تهز رجلها بتوتر، فزت لها امها تمسك اكتافها: فيك شي اشواق يمه!
غمضت عيونها اشواق بصبر ترفع كفوفها تنزل كفوف امها من على كتفها تنطق: تعبانه امي!
ناظرتها ام اشواق تنطق: وين كنتي!
التفتت لها اشواق تضحك بسخريه: يهمك!
ماتكلمت اشواق واعطتها ظهرها تطلع لغرفتها ودخلت ترمي عبايتها تتمدد على سريرها بتعب رفعت جوالها تفتح على صوره غيث وناظرت الصوره تمسح على وجهه باصابعها تضحك بجنون تهمس: مابتكون لغيري غيث!
حضنت جوالها تغمض عيونها تنام مع افكارها وخططها المسمومه.
'
"الصباح اليوم الثاني"
نزل اسامه من غرفته وعقد حاجبه يشوفها للحين ماصحت ولا هي موجوده بأي مكان في الصاله او المطبخ تنهد بهدوء وتقدم لغرفتها يدق الباب بهدوء، ماسمع ردها يتوقع انها نايمه لكنه لازم يصحيها عشان يفهمها بكل شي ويروح معها عند المحاميه الي بتحقق معهم بوجوده ووجود ثامر بعد اصراره وضروره وجوده لسماع كل شي، تنهد بتعب ينزل تحت ومشى للمطبخ يسوي لها شي تاكله لنه يدري بتعبها ويدري انها ماتقدر، خلص ومشى بخطواته لغرفتها فتح الباب بهدوء لكن تجمدت خطواته بصدمه، رفعت راسها من دخل اسامه ترتجف اطرافها لنها سمعته وهو يدق الباب لكنها ماردت لنها تظن انه بيروح لو عرف انها نايمه لكن خابت كل ظنونها ووقفت بسرعه تسحب البطانيه تغطي فيه جسدها لنها كانت لابسه شورت وبدي وتدوي اثار الجروح الموجوده بجسدها، ناظرته يناظرها بصدمه وارتبكت تشد على لحافها تهمس: اسامه!
غمض عيونه بصدمه يصد عنها يستوعب يستوعب الي يشوفه قدامه الأن وشد على الصحن الي بيده يهمس: كنت احسبك نايمه
عضت شفتها ماترد ورفع راسه يتقدم لها بخطوات هادئه يوترها بهدوئه وافعاله يحط الصحن على الطاوله ورفع راسه لها يناظرها واقفه بنهايه السرير يهمس: تعالي
هزت راسها بالنفي تتجمع الدموع بعيونها لنها ماكنت تبيه يشوف اي شي من الاثار الي بجسدها لنها تعبت من فرط تفكيرها وخوفها، رفع راسه يشوف ترددها يهز راسه باالنفي: ماراح اسوي شي تعالي
تقدمت له بتردد وخوف تشد على الحاف الي بين كفوفها ومن وقفت امامه هو نزل كفه لكفها يسحبها بخفه وهدوء يجلسها امامه وناظر المرهم الي بجانبها الي كانت تحط منه، شدت على يدها تغمض عيونها من صارت معطيته ظهرها وهو خلفها تماماً، ارتجفت كفوفها وارتجف قلبها من مشاعرها تحس ان قلبها بيخرج من قفصها الصدري من قوة نبضاته، شد على يده اسامه يشوف ارتجافها امامه ورفع كفوفه بتردد ينزل الحاف عن ظهرها يكشف له عاري ظهرها وكثير الجروح والاثار الموجوده فيه، غمضت عيونها بقوتها من حست بكفوفه على ظهرها يتحسس الاثار الي عليها بأنماله بكت ترفع يدها لثغرها تشهق بعلو صوتها وغمض عيونه اسامه من بكائها يرجع الحاف على ظهرها مايتحمل ينزل كفوفه لخصرها يسحبها لحضنه يهمس: تكفين!
ارتفع صوتها باالبكاء وشد عليها اسامه بحضنه يتمنى لو انه يدخلها بداخله يتمنى انه يمنعها من كل كسر بداخلها يحاول يبري جروحها رغم ان عارف ان جروحها مستحيل تبرى، فتح عيونه يحس باارتجافها بين كفوفه يسمع همسها: ماقدرت!
لف وجهه قريب خدها وعنقها يهمس: على وش؟
بكت ماتتحمل صوته وهدوئه وكيف انه يحاول يبدل خوفها لراحه بين كفوفه الي محاوطتها، بكت لنها ماقدرت تكمل جملتها بأنها ماتقدر تدواي الجروح الي بظهرها لن ذراعينها تعورها بكل مرا ترفعها تبي تحط عليه، فتح عيونه من فهمها وفهم مقصدها ونزلها عن حضنه بهدوء هو للأن ماتخطى منظرها وقت دخوله للغرفه لنه يظن انها نايمه لكن خابت كل ظنونه من شافها بمنظرها هذا، نزلها عن حضنه ونزل الحاف من على ظهرها وسحب المرهم يبدأ يحطه على ظهرها بخفه يده
بكت ماتقدر تكتم الي بداخلها معه تحس بخفه انامله وبرودتها على ظهرها، انتهى وارتجف كل مابداخلها من غمض عيونه ينحني يقبّل اعلى ظهرها يواسيها بافعاله وبقربه وحتى بقبّلاته الي تحسها الأن على ظهرها، ابتعد عنها يشتت انظاره من افعاله لنه ماقدر يتحكم باافعاله معها ابداً وقف يمشي طالع من الغرفه بتوتر يمسح على وجهه من لخبطة مشاعره من ألمها ومن خوفها منه ومن ترددها فيه يشوف افعال مصطفى الي تركتها تخاف حتى من ظلها وده لو انه ياخذها داخله يخبيها من كل ألم بداخلها ومن كل خوف وشعور تردد تعيشه دامها معه هو مايبيها خايف ابداً، ناظر بكت السجاره وسحبه يطلع من البيت بأكمله يبي يتنفس ويمنع شعوره لها لنه بظن منه ان مشاعره اتجاها كلها مابتعنيلها هي شي ومابيزيد داخلها الا الخوف وهذا الشئ هو مايبيه، ناظرت الباب من طلع وبكت بعلو صوتها تغطي وجهها تبكي بقهر على حالها وعلى كل شي تحسه ودها تموت وترتاح من الهم الي تعيشه، وقفت تترنح بمشيتها بتعب ودخلت الحمام تناظر لبسها تحس للحين بأنماله على ظهرها وبرودتها وحتى خفتها، انحنت تمسح وجهها بتكرر تحاول تبعد كل أثر التعب منها، طلعت توقف امام المرايا تناظر ذراعينها والاثار وغمضت عيونها تتذكر حضنه لها تتذكر الراحه الي عاشتها بحضنه لثواني فقط تحس معه بمشاعر هي اول مرا تحسها لكن خوفها كان كبير وجداً وحست بأن خوفها يتلاشى بقربه ولو باالكلام، مشت لاالدرلاب تطلع لها بلوزه سوداء بااكمام طويله تغطي فيها كل الاثار ولبست بنطلون اسود ولفت للأكل الي على الطاوله وعضت شفتها تمنع دموعها لنه فكر فيها وفكر بتعبها وسوا لها أكل لنه يضنها ماقدرت، جلست على طرف السرير تاكل بشرود رغم انها مو مشتهيه لكن دامه هو سواه هي اكلته عشان خاطره، خلصت واخذت الصحن تطلع من الغرفه تدعي بداخلها انه مو موجود لنها ماتبي تشوفه بعد الي صار لهم، مشت للمطبخ تحط الصحن ومشت لالصاله ورغم انها تتمنى عدم وجوده الا ان استغرابها زاد من شافت جواله واغراضه كلها على الطاوله لكنه هو مو موجود، مشت بخطواتها توقف امام الشباك وتقدمت توقف امامه بالضبط من لمحته واقف ويدخن بشرود تشوف انه يدخن الوحده ورا الاخرى ماتدري وش يدور بداخله ووش يحس فيه لكنها تتطمن لوجوده حولها، ارتبكت تبتعد بسرعتها عن الشباك من رفع راسه يلمح وجودها، نزل عيونه من الشباك من اختفت عن الشباك يشرد بكثير التفكير من الي داخله، تنهد بضيق يرمي سجارته ومشى يطلع للبيت، دخل البيت يناظر وجودها باالصاله شارده تماماً لدرجه ماحست بدخوله، تقدم بهدوء يجلس بجانبها والتفتت له تنطق: وش صار على الموضوع؟
التفت لها بهدوء ينطق: نروح؟
عقدت حاجبها تناظر: وين؟
تنهد يناظر وجهها يشوف ملامحها ينطق بهدوء صوته: ضروري يسمعون منك وتحكين لهم كل شي كنتي تمرين فيه!
هزت راسه باالنفي ترفع ركبها لصدرها تحضن نفسها: ماقدر اقول لأحد!
ناظرها يقترب منها بهدوء ينطق: انا معك!
ميلت راسها على ركبها تلف له تناظره ماترد وابتسم بخفه يهمس: مااتركك وان كانك ماتبين لا تغصبين نفسك نأجلها؟
هزت راسها بالنفي تنطق: متى نروح؟
ابتسم بهدوء يهز راسه: شوي كلمني الرجال قدهم بمكتب المحاميه!
هزت راسها وابتعدت عنه توقف تطلع غرفتها تاخذ عبايتها ونزلت بعدها تشوفه غير ولبس ثوبه وينتظرها، نزلت ومشو مع بعض طالعين، بعد دقايق وصل اسامه على الموقع الي ارسله له ثامر ورفع جواله يتصل على ثامر ومن رد ثامر نطق: وينك؟
ناظر اسامه كثير المكاتب جنب بعض ينطق: اي مكتب؟
ناظر ثامر ليلى ينطق: مكتب المحاميه ليلى موسى
هز راسه اسامه بفهم وقفل من ثامر وناظر دانه الي تناظر المكان بخوف وتردد وابتسم بخفه ينزل وتقدم لبابها يفتحه يشوف شرودها يشوفها تفرك كفوفها ببعض ورفع كفه يسحب كفها ينطق: وصلنا تعالي!
شدت على كفه من غير ارادتها من فرط توترها ونزلت معه وللحين كفها بكفه، ناظر المكتب وتوقفت خطواته امام مكتب ليلى ومن تأكد من الاسم هو رفع كفه يدق الباب ودخل من سمع ثامر يسمح له باالدخول
دخلو وشد اسامه على كف دانه يمشي معها وابتسمت ليلى لدانه الي تناظر المكان بخوف، ناظرهم اسامه ينزل عيونه ينطق: تفضلو!
تقدمو يجلسون ووقفت ليلى من على كرسي مكتبها تجلس مقابل دانه تبتسم بخفه: دانه صح؟
هزت راسها دانه بهدوء وهزت راسها ليلى بفهم تنطق: عرفتي ليه جايه هنا صح؟
تجمعت الدموع بعيون دانه ولفت لاسامه الي يشد على كفها يهز راسه له يطمنها ورجعت دانه تلتفت ل ليلى تهز راسها بالايجاب، ابتسمت ليلى بخفه تعرف بخوف دانه وترددها وماتلومها بالموضوع، ناظرتها تنطق بهدوء: تعلميني بكل شي يصير معك؟
رفعت راسها دانه تناظر ثامر تتوتر ولفت لااسامه وتنهدت ليلى تلتفت لثامر واسامه: لو سمحتو تقدرون تتركونا لحالنا نتكلم عشان تقدر وتاخذ راحتها!
هز راسه ثامر ووقف يبي يطلع ووقف اسامه معه يبي يطلع لكن توقفت خطواته من مسكت كفه دانه تهمس:لا تتركني اسامه!
'
ينتهي بارتنا هنا ياحلوين🫶🏻
قرائه ممُتعه
