ابتسمت بعد ماكملت ومسحت بطنها من الجل تعدل جلستها تسمع عائشه الي جلست على مكتبها ترفع انظارها لهم تنطق: حملك كله تمام بس انتبهى على صحتك وكُلي كويس لن الجنين يحتاج تغذيه ولا تهملين نفسك وبعد شهر تقريباً بيدأ عندك بفتره الوحام احتمال بدري قبل تكملي الشهرين او هذا الشهر
ابتسمت أسيل تهز راسها بالايجاب ووقفت تناظر غيث الي مد لها الجكيت يتركها تلبسه ولبسته أسيل تشكر عائشه الي ابتسمت وطلعو بعدها يمشون راجعين للبيت
،
"بعد مرور شهرين" اسبانيا"
جالسه على السرير تكلم أسيل نطقت: تكفين موج وحشتوني متى بترجعون شهرين يالظالمه!
ضحكت موج تناظر أسر الي يجهز الشنط يمنعها من الحركه تنطق: راجعين قريب!
ميلت شفتها أسيل: يعني كم ترا بنتي اشتاقت لعمتها!
ضحكت موج تنطق: طلعت بنت؟
هزت راسها أسيل بالنفي تضحك: لا لسا توي ثلاث شهور باقي شهر بس انا امشي على احساس الامومه الي اشتغل عندي!
ضحكت موج وتقدم أسر يجلس بجانبها يسحب الجوال يحطه السبيكر ينطق: توأمي!
ضحكت أسيل تنطق: التوينز وينك انت لا اتصال ولا علم ولا خبر ماعرف اخبارك الا من موج!
تنحنح أسر ينطق: ابيك تشتاقون لي بس الظاهر الشوق لموج اقوى!
ضحكت تنطق بالكلمه الي سمعتها من ابوها قبل فتره: تبي الصدق ولا ولد عمه!
ضحك أسر لن الكلمه بكل مرا يقولها رامي ينطق: من وين عارفه الكلمه!
ضحكت تشوف نزول غيث: من ابوي
ضحك أسر وتقدم غيث بجانب أسيل يسحب الجوال ينطق: ياولد وين اختي!
عقد حاجبه أسر بعدم اعجاب: وانا ويني!
مارد غيث يكشر وضحكت موج تنطق: شلونك غيث؟
استعت ابتسامه غيث: والله اني بخير انتِ شلونك ومتى ناوين الرجعه!
ضحكت موج بفرحه تنطق: جاينكم وجايبين معنا الغانيم اجهزو عندي لكم خبر!
ضحك أسر بفرحه يرتفع صوته مايقدر يكبت فرحته اكثر ينطق: بصير أب!
وسعت عيونها موج تناظره لنه قال لها ماراح يعلمهم الا اذا كانو وجه لوجه لكنها تشوفه الأن يفضح سرهم يرتفع صوتها بزعل: أسر!
ضحكت موج تلتفت لجوالها من صرخت أسيل بفرحه: اسألك بالله موج منجد كيف عرفتي ومتى!
ضحكت موج تنطق: قبل يومين كنت شاكه ورحت امس تأكدت لسا في الشهر الاول!
ضحكت أسيل تلمع عيونها: موج تكفين متى بترجعون!ضحكت موج تنطق: بنرجع اليوم رحلتنا!
اتسعت ابتسامه غيث ينطق: الله يتمم لك على خير يروح اخوك انتِ!
ضحكت موج بفرحه تفتح الكاميرا ورد غيث بحكم ان جوال أسيل بيده يلف الكاميرا لأسيل، اتسعت عيون موج ترفع كفها لثغرها تشوف أسيل الي نزلت دموعها من فرط فرحتها تهمس: أسيل تكفين بتبكيني معك!
ضحكت أسيل من بين دموعها: اذا قدكم بالمطار علمونا نيجيكم!
ضحكو يهزون روسهم بالايجاب وودعوهم يقفلون،
'
التفتت موج بزعل تناظر أسر الي جلس بجانبها توقف من عنده تنطق بزعل: لا تقرب مني أسر مابيك!
ناظرها يشوف زعلها ووسع عيونه من شاف ان الدموع تجمعت بعيونها: منجدك موج تبكين!
هزت راسها بالايجاب تنطق: قلت لك لا تعلمهم ابي اشوفهم بالواقع!
جلست على الكنبه تتكتف بزعل تصد عنه وتقدم لها يجلس بجانبها يحاوط اكتافها يقربها منه ودفعته تنطق: لا تقرب مني!
ناظره يميل شفته: هذا كله لني فرحت!
عقدت حاجبها تهز راسها بالنفي: لا طبعاً بس انا كنت بعلمهم وبشوف وجههم!
ضحك يحاوطها يحضنها يقربها لصدره يرفع كفه لبطنها ينطق: خلاص اسف اخر مرا المرا الجايه ماعلمهم!
وسعت عيونها تلتفت له بصدمه وابتسم على جنب: وشو ماتبين ولد ثاني!
دفعته عنها توقف تسمع ضحكاته تنطق: أسر تأخرنا! نطلع!
ضحك يهز راسه بالايجاب وتقدم يسحب الشنطه يطلعون
متوجهين للمطار،ابتسمت موج تناظر الاجواء تشوف ان
بعد الامطار نزلت ثلوج تشوف الاجواء لنها استمتعت وجداً، ابتسمت تتنهد براحه ترفع كفوفها تحاوط بطنها بكفوفها بعدم تصديق لنها وقت عرفت هي بكت من الفرحه،
،
"نرجع للخلف وتحديداً قبل اسبوع"
عقدت حاجبها تعدل جلستها تلتفت لأسر النايم ونزلت من السرير ترفع كفها لبطنها تتقدم للكنبه تجلس عليها تحاوط بطنها بتعب لنها ماتبي تصحى أسر من نومه هي سكتت، عقدت حاجبه تتأفف من انقلاب معدتها تتذكر انها عاشت بنفس الاعراض من اول، في وسط شرودها حست بانقلاب معدتها ترفع كفها لثغرها تفز للحمام تقفل الباب تطلع كل الي بداخلها، رفعت راسها تمسح وجهها بالمويا ترفع كفوفها لبطنها من الشعور الي داهمها من حست بشئ، تجاهلت الألم ومشت للكنبه ماترجع لسرير تحضن نفسها تغمض عيونها تنام بدون لا تحس
،
"الصباح"
صحى أسر يعدل جلسته وعقد حاجبه يلتفت لمكان موج مايشوفها موجوده ووقف يبي يتوجه لصاله لكن توقفت خطواته يشوف نومتها على الكنبه بطريقه مهمله يشوف كيف انها حاضنه نفسها وبطنها وشعرها يغطي ملامحها، اقترب منها ورفع كفه يبعد شعرها عن وجهها يهمس: موج!
عقدت حاجبها تهمم له بتعب تعقدل سدحتها تصير على ظهرها وناظرها أسر يرفع نفسه يجلس على طرف الكنبه: يعورك شي!
نزلت دموعها تهز راسها بالايجاب: بطني يوجعني أسر!
غمض عيونه ورفع كفه لتحت راسها يقربها منه يحضنها ينطق: تبينا نروح المستشفى؟
رفعت اكتافها بعدم معرفه وهز راسه بفهم ينطق: بتروش واغير ملابسي ونطلع ارتاحي!
هزت راسها بالايجاب ترجع تتمدد تشوفه من مشى للحمام تغمض عيونها بهدوء تغفى، فتحت عيونها بخفه من سمعت صوت باب الحمام ينفتح تعرف انه طلع تشوفه بتيشرته وبنطلونه وتقدم لدولابها يطلع لها جكيتها وشالها وكابها وتقدم لها يمسك كفها يساعدها.
'
وقفت تشد على كفه وتقدم لها يسحب الجكيت يلبسها يرتب لها شعرها يغطيه وشد على كفها يحاوط اكتافها يمشون طالعين متوجهين للمستشفى، بعد دقايق وصلو ينزلون للمستشفى، وصلو وبدأ أسر يحاول يشرح لهم حاله موج وفهمو عليه تتقدم لهم احد الممرضات تاخذ الدم من موج تسوي لها التحاليل، وبعد وقت طويل تقدمت الممرضه تمد لهم الملف، عقد حاجبه أسر باستغراب لنها ماقالت له ولاشي فقط اعطته الملف وراحت التفت لموج يشوفها رافعه كفها بطنها وشد على كفها وسحب الملف يطلعون من المستشفى، ركبو السياره يبدأ أسر يترجم الكلام ووسع عيونه يرتفع صوته يضحك بفرحه، عقدت حاجبها تشوفه يضحك تهمس: أسر!
رفع لها الجوال يوريها الترجمه وضحك يحاوط وجهها يقبّل خدها اليمين ثم الايسر يضحك ينطق من بين ضحكاته: حامل موج!
وسعت عيونها تعدل جلسها تحس بكفوفه الي على وجهها تنطق بعدم تصديق: احلف أسر!
ضحك يرجع يقبّلها: والله موج والله!
تجمعت الدموع بعيونها وسحبها لحضنه يحاوطها يشد على حضنها اكثر يتنهد براحه وفرحه تتجمع الدموع بعيونه ونزل راسه يقبّل كتفها وابتعدت عنه تحاوط وجهه تشوف دموعه تضحك بفرحه تنسى ألمها تتنهد براحه تحس فيه من اقترب منها يسند جبينه على جبينها بفرحه وتنهدت براحه تحس فيه من رفع راسه يقبّل راسها لطويل الثواني وشد على كفه يحرك السياره يلتفت لها: تبين تروحين مكان؟
ضحكت تهز راسها بالنفي: بطني يوجعني أسر برجع الفندق برتاح!
ابتسم يهز راسه بالايجاب ومشو راجعين الفندق
'
"الوقت الحالي"
التفتت لأسر تنطق: ابي قهوه أسر
ابتسم يشد على اكتافها يقبّل راسها يهز راسه بالايجاب ومشو للكوفي القريب منهم واخذ لها القهوه الي تبيه ومشى يسلم السياره الي استأجرها، بعد ماسلمها وقف تاكسي يوصله للمطار، نزلو وتقدمو يدخلون تشوف أسر الي يسحب شنتطه ومشو مع بعض وقطعو تذكرتهم وتقدمو يجلسون ينتظرون رحلتهم، وقف أسر وفرد كفه لموج وابتسمت تشتت انظارها عنه ورفعت كفها تشبك كفها بكفه تنسى زعلها منه، مشو من الممر واتسعت ابتسامه أسر يلتفت لموج: جينا شخصين رحعنا ومعنا قطع منا بداخلك!
شدت على كفه تتجمع الدموع بعيونها من كلمته، التفت لها وتوسعت عيونه يضحك من دموعها يحاوطها لصدره ينطق: ليه الدموع!؟
ضحكت ترفع اكتافها بعدم معرفه ومشو يركبون الطايره تجلس موج يجلس بجانبها أسر، التفتت له بهدوء تناظره وميلت راسها على كتفه تغمض عيونها لن رحلتهم بتكون طويله وجداً
'
"بعد ساعات عديده عند غيث"
التفت لجواله من اتصل يشوف رقم أسر يرد: ارحب!
ابتسم أسر: تعالو حنا في المطار ننتظركم!
ابتسم غيث يهز راسه بالايجاب وقفلت منه يناظر أسيل الي طلعت ببلوزتها السوداء وبنطلونها الاسود
'
ابتسم يناظرها ينطق: نروح لأسر وصلو؟
اتسعت ابتسامتها بشوق تهز راسها بسرعتها وابتسمت تتقدم لجكيتها تسحبه تشوفه بدل ثوبه ومشو يطلعون يركبون لسياره
يحركون للمطار، بعد دقايق وصلو وتقدمو ينزلون يدخلون المطار، رفع راسه أسر يدور غيث بعد ماتصال عليه وعلمه انه توه دخل المطار، اتسعت ابتسامته من شافهم من بعيد ورفع يده يأشر لهم وابتسم غيث يلتفت لأسيل الي اتسعت ابتسامتها تناظر موج، تقدمت أسيل بخطوات سريعه وضحكت تحاوط موج تحضنها تشد عليها بحُب تسمع موج الي همست: وحشتيني!
ضحكت أسيل تنطق: اكثر والله!
ابتعدت أسيل عن موج تحاوط وجهها بكفوفها تضحك تتجمع الدموع بعيونها: مبروك يروحي!
ضحكت موج تحاوط وجهه أسيل وابتسمت تقبّل خدها بخفه تبتعد عنها، التفتو لأسر وغيث وضحكت موج تتقدم لغيث تحاوط تحضنه تحس فيه يمسح على ظهرها، تقدمت أسيل لأسر وضحكت تحاوط عنقه تمسح على ظهره بخفه تحس فيه يمسح على شعرها، ابتعدو عن بعض وحاوط أسر اكتاف أسيل ومشو طالعين من المطار، تقدمو البنات يركبون في الخلف ومشو أسر يجلس بجانب غيث الي التفت لهم: البيت؟
هزت راسها موج تتقدم لهم بالوسط: بروح عند اهلي
هز راسه غيث يضحك بخفه ومشو لبيت اتاش تنزل موج ينزل معها غيث وأسر وأسيل، تقدمو يدخلون وسلمو على لين الي بكت من فرحتها بخبر حمل موج تشوف اتاش الي قربها منه يهمس: قلت لك ان ربي بيعوضك!
ابتسمت موج تهز راسها بالايجاب تشد على حضن ابوها تسند راسها على صدره، بفرحه يمر عليهم الوقت من غير مايحسون بالوقت تاخذهم السوالف حق وقف أسر ينطق: نستأذنكم
ناظره اتاش: بدري ياولدي!
ابتسم أسر يتقدم يقبّل جبين خاله ينطق: ابد بنروح عند امي وبنرحع البيت!
هز راسه يشد على كفه: لا تقطعونا!
هز راسه بالايجاب: ابشر طال عمرك
تقدمو يطلعون كلهم بعد ماغيث سلم على اهله ومشو طالعين متوجهين لبيت رامي يسلمون عليهم يعلمونهم بخبر حمل موج يبثون الفرحه في قلوبهم كلهم يعيشون ايامهم بسعاده تغمرهم، تقدمو يركبون يطلعون وهم يضحكون من بعد خروجون من بيت رامي يرجعون متوجهين لبيتهم، وقفت سياره غيث وابتسم أسر يودعهم وهو وموج ومشو متوجهين لبيتهم بعد مأخذو اغراضهم وشنطهم من سياره غيث، نزلو غيث وأسيل وتنهدت أسيل بتعب يتقدم غيث يحاوط اكتافها: تبعتي؟
هزت راسها بالايجاب وضحكت من شدها لصدره تحاوطه يدخلون بيتهم بفرحه تغمرهم وراحه تسكن قلوبهم وهدوء بحياتهم بعيد عن المشاكل والمصايب والحزن الي عاشوه، تقدمو يدخلون وغيرت ملابسها أسيل تناظر غيث المتمدد وابتسم يفتح لها يدينه يتركها تحاوط بطنه تسند راسها على صدره تحس فيه يلعب بشعرها حتى رفعت راسها تنطق: غيث ابي فراوله!
'
عقد حاجبه ينزل انظاره لها والتفت لساعه يشوف انهم منتصف الليل ينطق: الحين!
هزت راسها بالايجاب تنطق: بنتك تبي غيث مو انا!
ضحك بعلو صوته لنه دايم اذا اشتهت شي تقول له نفس الكلمه وهز راسه بالايجاب يرفع كفه على خشمه: ابشري الأن اطلع ادور لك!
اتسعت ابتسامتها تناظر ورفعت نفسها تقبّل خده تبتعد عنه تدفعه: يلا روح!
هز راسه بالايجاب ووقف يتنهد يسحب ثوبه يلبسه وسحب جواله يطلع من الغرفه ينزل لصاله ياخذ مفتاح سيارته يطلع من البيت يركب سيارته يمر اي سوبر ماركت يشوفه مفتوح، يمر عليه الوقت وهو يدور تنهد بتعب يسند ظهره على باب سيارته لن راح ثلاث اماكن مختلفه ولا حصل، رفع انظاره لسوبر الماركت الكبير يشوفه مفتوح واتسعت ابتسامته لنه كبير جداً واستحاله ماتكون فيه، تقدم يدخل يمشي لثلاجات وتنهد براحه يشوف كراتين الفراوله وسحب كرتونين كبيره ومشى يحاسب يطلع من السوبر ماركت يركب سيارته يحرك راجع للبيت، بعد دقايق وصل ونزل ينزل الكراتين معه، اتسعت ابتسامه أسيل الي ناظرته من الشباك وطلعت من غرفتهم تركض تنزل تحت وتقدمت تفتح له الباب بسرعه لنه عجز يفتحه من الكراتين الي بيده، ابتسم يناظر ابتسامتها وتقدمت تبي تحمل كرتون معه لكنه منعها ياخذه للمطبخ، حطه على الطاوله يشوفها من فتحت الكرتون تاخذ وحده تبي تاكلها لكنها فزت من سحبها غيث من يدها ينطق: وش تسوين!
كشرت ملامحها تناظره: باكلها غيث!
ضحك يناظرها ينطق: انتظري اغسلها لك بعدين اعطيك!
هزت راسها بالايجاب ورفعت نفسها على دولاب المطبخ تشوفه من طلع صحن يحط فيه الفراوله يبدأ يغسلها لها والتفت لها يشوفها شارد تناظر كرتون الفراوله وضحك يصد يتأكد من نظافتها وتقدم لها يوقف قربها يرفع كفوفه يحاوط خصرها يشوفها تاكل بدون توقف وبتلذذ وضحك يناظرها من رفعت حبه الفراوله تقربها من ثغره واقترب يبي ياكلها لكنها سحبتها تاكلها تضحك بعلو صوتها تشوف نظراته لها، ميلت شفتها تشوفه مبتسم يعض شفته من منظرها امامه لنه مايقاومها ابدا يشوفه حركاتها وفرحتها ينطق: أسيل!
هممت له وهي ترفع فراوله اخرى لثغره تأكله وغمضت عيونها تنحني لثغره تقبّله وهي مبتسمه تحس فيه من شد على خصرها يحملها بين كفوفه، ابتعدت عنه تبتسم وعض شفته يمشي فيها يشوفها محتضنه الصحن بين احضانها يطلع لغرفتهم يحطها على السرير وتمدد بجانبها بهدوء يتأملها يشوفها من خلصت تحط الصحن بجانبها تسحب منديل تمسح ثغرها وتمددت تحط يدها تحت خدها تقابل ملامحه وابتسمت من ردفع كفه بخفه يبعد شعرها عن وجهها يهمس: تحسين بشئ يعورك؟
ناظرته تحس بسؤال تعرف ان مقصده قلبها واقتربت منه تسند جبينها على جبينه تغمض عيونها: دام غيث جنبي انا بخير
'
ابتسم يقربها منه يحضنها لنها تكرر الكلمه له لنها تحسسه انه وجوده معها مهم جداً شد يقربها لصدره يقبّل جبينها يتركها تغمض عيونها تنام براحه ينام معها،
،
"الصباح اليوم الثاني بيت اسامه"
اتسعت ابتسامتها تناظره بثوبه ووقفت امام المرايا تشوف بروز بطنها الي صار اوضح من اول بحكم انها بالشهر الخامس من حملها، ابتسم اسامه بخفه يناظرها ووقف خلفها يحضنها يتركها تسند راسها على صدره يشوفها من غمضت عيونها تبتسم، شد على كفوفها يحاوط بطنها بخفه يقبّل اعلى راسها يهمس: جاهزه؟
اتسعت ابتسامتها تهز راسها بالايجاب وتقدم يحاوطها يشد عليها يمشون طالعين من البيت متوجهين للمستشفى يعرفون جنس الحنين الي المفترض يكونون عرفوه الشهر الي فات لكنه ماكان واضح لهم والدكتوره أجل الموعد لوقت ثاني، ركبو السياره ومشو يحركون للمستشفى، بعد دقايق وصلو ينزلون يتقدمون يدخلون بحكم ان المستشفى الي يروحونها غير عن المستشفى الي يشتغلون فيها بحكم الدكتوره أثير اعطتهم لنها صاحبتها، تقدمو يدخلون وابتسمت الدكتوره تنطق: تفصلو!
تقدمت دانه تجلس ووقف اسامه عند راسها يشد على كفها بهدوء يشوف الدكتوره الي بدت تمرر الجهاز على بطن دانه تناظر الشاشه واتسعت ابتسامتها من بدا يظهر الجنين ترفع انظارها لهم: تبون تعرفون؟
هزو روسهم بالايجاب على طول وناظرت الجهاز الدكتوره تنطق: مبروك عليكم بنت!
اتسعت ابتسامه دانه تلمع عيونه ترفع عيونها تشوف نظرات اسامه تشوف لمعه عيونه تشد على كفه تهمس: اسامه!
اتسعت ابتسامته يهز راسه بالايجاب يحس بنبضات قلبه المرتفعه يحس بشده كفها على كفه، ابتسمت الدكتوره تناظرهم تنطق: طفلتكم الاولى؟
هزت راسها دانه بالايجاب وابتسمت الدكتوره توقف تبعد القفازات وتقدمت تجلس على مكتبها تبشك كفوفها في بعض تناظر دانه واسامه الي تقدمو يجلسون يسمعون الدكتوره: حاولي تبعدين عن التوتر والحزن ولا تضغطين على نفسك وحاولي قد ماتقدرين تتغذين كويس وانتهبى على نفسك،
ابتسمت دانه تهز راسها بفهم تلتفت لاسامه الي شد على كفه وكملت كلمها الدكتوره ومشو يطلعون وتنهد اسامه يشدها لصدره يقبّل راسها بفرحه تسكن قلبه وتريحه لنه عرف ان ثمره حبهم بتكون بنت لنه متلهف وجداً، تقدمو يركبون يحس بدانه الي كل شوي تشد على كفه تعبر عن فرحتها وراحتها ولهفتها تتنهد براحه والتفت لها اسامه يشد على كفها: تبين شي؟
هزت راسها بالنفي ومشى اسامه راجعين للبيت بعد معرفتهم بالخبر الي نشر الفرحه بقلوبهم
'
"بعد مرور 4 اشهر"
رفضت أسيل انها تعرف جنس الجنين الا بوجود موج معها لأجل يعرفون مع بعض التفت غيث لأسيل الي كانت بشهر السادس من حملها يشوفها من لبست جكيتها وضحك بخفه يتقدم لها يساعدها، كشرت ملامحها تشوفه يضحك ورفعت كفها تضرب كتفه: كله بسببك!
التفت لها بصدمه يرتفع صوته بالضحك يشد على كفها يمشي معها ينزلون لتحت، رفعت راسها أسيل واتسعت ابتسامتها من دخلت ايلام وخلفها لين الي ماسكه بكف موج وتمشي معهم، تقدم أسيل تسلم عليهم وضحكت موج تتقدم تحضن أسيل تمسح على بطنها تشوف بروزه الواضح لهم وجداً، تقدم غيث يسلم على امه وعمته ايلام يرفعون راسهم لأسر الي دخل من خلفهم يرتفع صوته بالترحيب، تقدمو يجلسون يمر عليهم الوقت وهو يسوالفون ويضحكون مع بعضهم حتى وقفت لين تنطق: حنا نستأذنكم
وقفت ايلام مع لين ووقفت أسيل تناظر تنطق: بدري! توكم جاين!
ضحكت ايلام بخفه وتقدمت تحاوط أسيل تقبّل خدها تنطق: بنكرر الزياره اوعدك ومحد يستقبلنا غير عيالك!ضحكت أسيل تحاوطها تحضنها وابتعدت ايلام عن أسيل تتقدم تحضن موج تسلم عليها وتقدمت لين كذالك تسلم عليهم يطلعون بعدها، رفع راسه أسر يناظرهم وضحك بعلو صوته يضحك معه غيث بصدمه لنه فجأه ضحك، عقدو حاجبهم أسيل وموج والتفتت موج لأسر: في شي أسر!
مسح على وجهه أسر وهو يكح يهز راسه بالنفي وهو يضحك، تقدم غيث يضربه على فخذه: خلاص اسكت!
ضحك أسر يهز راسه بالايجاب ورفعو انظارهم البنات عليهم تنطق أسيل: اطلعو!
عقدو حواجبهم يتلفت أسر يأشر على نفسه وعلى غيث: احنا!؟
نظراته أسيل تكشر: لا احنا اي انتو يلا برا!
التفت أسر لغيث يهز راسه بيأس: انطردنا!
التفت غيث لهم يرجع انظاره لأسر: والله انطردنا
ضحك أسر يوقف غيث معه وتقدمو بيطلعون والتفت أسر لهم يكشر: نفسيه حوامل!
وسعت عيونها موج تناظره يرتفع صوتها: دور لك احد نام عنده لا ترجعون بنام عند أسيل!
وسع عيونه أسر يرجع يفتح الباب بصدمه: منجدك!
هزت راسها بالايجاب تتجاهله تصد عنه وتقدمت أسيل من خلف الباب تقفله يرتفع صوتها: لا تيجون نامو ببيت أسر!
ضحكت أسيل بخفه وتقدمت تجلس تقابل موج تاخذهم السوالف لساعات يشوفون حلول الليل، التفتت أسيل لموج تنطق: راحو منجد مارجعو!
هزت راسها موج بالايجاب وتقدمت أسيل تسحب جوالها تتصل على غيث الي رد: سمي!
ابتسمت تنطق: وينكم غيث رحتو العصر وماجيتو!
تقدم أسر يسحب الجوال من يد غيث يرتفع صوته: اي والله اني داري ماتقدرون بدوننا جاينكم!
هزت راسها أسيل بالنفي: لا تجون! اتصلت بس اشوفكم وين اختفيتو!
هز راسه أسر بفهم وضحك يعطي غيث الجوال وتنهد غيث يضحك على أسر ينطق: لبيه يأسيل!
'
ابتسمت أسيل تنطق: وينكم يعني انتو في بيت أسر؟
هز راسه غيث بالنفي: مرينا اسامه نتمشى حولكم حنا اي شي تبونه اتصلو علينا ونجيبه لكم ابشرو
هزت راسها أسيل وقفلت منه تلتفت لموج وابسمر يكملون سوالف حتى نطقت أسيل: متى تعرفون جنس الجنين؟
اتسعت ابتسامه موج: نروح بكرا؟
هزت راسها أسيل توافقها الرأي يمر عليهم الوقت حتى رفعو راسهم من دخل غيث ينطق: موج أسر ينتظرك برا!
ابتسمت تهز راسها توقف واقتربت من أسيل تسلم عليها تمسح على ظهرها بخفه ومشت طالعه، ابتسم من توقفت موج امامه واقترب منها يقبّل جبينها يودعها يتأكد انها طلعت لأسر ورجع البيت يتقدم لأسيل الي بالصاله، ابتسمت أسيل توقف بتعب وشد على كفها: تعبتي؟
هزت راسها بالايجاب وشد على كفها يتقدمون يطلعون لغرفتهم، تقدمو يدخلونه وتنهدت أسيل بتعب تتقدم تتمدد على السرير وتقدم غيث يجلس بجانبها يرفع يدينه يحاوط اكتافها يتركها تميل راسها على صدره ورفع كفه يلعب بخصل شعرها يشوف طوله الي طول اكثر من اول رفعت كفها لبطنها واتسعت ضحكت تنطق: غيث تحرك!
تقدمت بسرعتها ورفعت يده على بطنها واتسعت ابتسامتها من لمعه عيونه من رجع يتحرك ينطق: والله تحرك!
ضحكت تهز راسها بالايجاب تشوف من شدها لصدره يغمض عيونه يقبّل راسها لطويل الثواني وابتعد يتمدد بجانبها يحاوطها يسمعها من نطقت: بنروح بكرا غيث نعرف جنس البيبي!
نزل انظاره لها ينطق: موج معك؟
هزت راسها أسيل تتسع ابتسامتها وحاوطها يحضنها يتركها تنام ينام معها بهدوء
'
"الصباح اليوم الثاني"
صحى يلتفت لها يشوفها نايمه للحين وابتسم بخفه يوقف يتوجه للحمام يغتسل وطلع يشوف انها صحت وجالسه على جوالها ينطق: جاهزه؟
هزت راسها بهدوء ووقفت تدخل الحمام بعد ماخذت ملابسها تتروش تطلع بعدها تشوف جالس على السرير بثوبه ويكلم أسر، تقدمت تبعد المنشفه عن شعرها تمشطه بهدوء واتسعت ابتسامتها من حسته خلفها، تقدم من خلفها وسحب المشط بخفه يبدأ يمشط لها شعرها وابتسمت تشوفه من سحب المنشفه ينشفه لها لنه غرقان وحيل، رفع انظاره لها من مدت له ربطه واخذها يربط شعرها فيها يبتسم بخفه يبعثر غرتها الي نزلت من الأمام، خلص والتفت غيث لجواله من اتصل أسر يعلمه انه برا، ابتسمت بخفه من سحب عبايتها يلبسها ايها وعدلت طرحتها تسمعه: بنروح مع أسر
ابتسمت تهز راسها بالايجاب وتقدمو يطلعون ينزل كفه لكفها يطلعون من البيت يركبون السياره مع أسر الي حرك متوجه للمستشفى، ابتسمت أسيل من فتحت الباب الخلفي تشوف موج وتقدمت تجلس بجانبها يسمعون سوالف غيث وأسر ومناقراتهم على موضوع، تجاهلوهم يسوالفون مع بعضهم يضيعون الوقت حتى يوصلون للمستشفى،
،
بعد دقايق وصلو المستشفى ينزلون والتفتت موج لأسيل تنطق: نفس الدكتوره عائشه؟
ابتسمت أسيل تهز راسها بالايجاب ومشو يدخلون، رفعت كفها أسيل تدق الباب تسمع عائشه الي سمحت لهم بالدخول هم فقط من غير موج وأسر بحكم ان موج وأسر حجزو بعذ غيث وأسيل لأجل كذا موعدهم كان متأخر، تقدمو يجلسون على الكراسي الي برا ينتظرون غيث وأسيل، دخلو وابتسمت عائشه تسلم على أسيل تنطق: جاين نعرف جنس البيبي!
اتسعت ابتسامه عائشه تهز راسها بالايجاب تأشر لهم يجون وفعلاً وقفت أسيل تتقدم تجلس وبدت عائشه تحط لها الجل تمرر جهاز السونار على بطنها وهي تناظر الشاشه، التفتت عائشه تنطق: قد حسيتي بحركته؟
اتسعت ابتسامه أسيل تشد على كف غيث تهز راسها بالايجاب: امس تحرك مرتين بس
ابتسمت عائشه تهز راسها بفهم وابتسمت من بدأ يظهر لها في الشاشه تلتفت لهم: تبون تعرفون؟
هزو روسهم بالايجاب تعلمهم، واتسعت ابتسامتهم تلمع عيونه غيث يشوف دموع أسيل الي امتلت في محاجرها وانحنى يمسح على شعرها يقبّل جبينها يشكر ربه، رفعو روسهم من طلعو غيث وأسيل واخذت نفس موج بتوتر تشد على كف أسيل تدخل مع أسر بعدهم، التفتت لهم عائشه ترحب فيهم بعد تنطق: تفضلو هنا!
تقدمو يجلسون وتقدمت عائشه تسوي لموج السونار وابتسمت يظهر لها نفس ما ظهر لأسيل تناظرهم تعلمهم، رفعت راسها لأسر تتسع عيونها بذهول من الخبر ترفع كفها لثغرها تتجمع الدموع بعيونها: أسر!
ناظرها تتجمع الدموع بعيونه بفرحه: الي سمعته صح؟
ضحكت من بين دموعها تهز راسها بالايجاب وحاوطها يحضنها ينسى كل الي حوله وابتسمت عائشه من فرحتهم توقف تتقدم لمكتبها تتركهم براحتهم، شدت موج على أسر تهمس: أسر!
ابتعد أسر يضحك يمسح وجهه ينطق: اعذرينا يادكتوره!
هزت راسها بالنفي تبتسم تسمعها موج من بدت تعطيها تحذيرات، طلعو وفزت أسيل تشوف دموع موج تتقدم لها تحضنها تسمع موج الي نطقت من بين بكائها: طلعو توأم اولاد أسيل!
وسعت عيونها أسيل تضحك تشد على موج اكثر تبارك لها تشوف أسر الي تقدم يحضن غيث، ابتعدت أسيل تحاوط ملامح موج تنطق: عوضك ربي!
ضحكت موج تهز راسها بالايجاب ورجعتها أسيل لحضنها، ابتعدت أسيل عن موج تتقدم لأسر تحاوطه تبارك له، رفعت راسها موج تنطق: اي وانتِ ماعلمتينا!
ضحكت أسيل تناظرهم: بتيجي بنوته!
ضحكو مع بعضهم بفرحه من الاخبار السعيد الي تنهل عليهم وحاوط غيث اكتاف موج يقبّل جبينها يناظر أسر الي حاوط أسيل ومشو يطلعون يركبون سيارتهم يحركون راجعين للبيت بعد مانتشر عليهم الخبر يبث الفرحه بقلوبهم لدرجه انهم يسمعون نبضات قلبهم من فرط فرحتهم وتوترهم من الجاي يعيشون ايامهم مع بعض وفرحتهم يشاركونها مع بعضهم.
.
ينتهى بارتنا هنا ياحلوين بارت ماقبل الأخير🥹🤎
